فوتولار: وقۋ-اعارتۋ مينيسترلىگىنىڭ ءباسپاسوز قىزمەتى
داستۇرگە دەگەن سۇيىسپەنشىلىك مەكتەپ وقۋشىلارى مەن بالاباقشالاردىڭ ەڭ جاس تاربيەلەنۋشىلەرىن جانە كوللەدج ستۋدەنتتەرىن بىرىكتىردى. چەللەندجدىڭ ەڭ كىشكەنتاي قاتىسۋشىسىنىڭ جاسى 4-تە, ول – قوستاناي وبلىسىنا قاراستى قارابالىق اۋىلىنىڭ «اينالايىن» بالاباقشاسىنىڭ تاربيەلەنۋشىسى جۇمابەك سامير.
وقۋ-اعارتۋ مينيسترلىگىنىڭ مالىمەتىنشە, الماتى قالاسىنىڭ بوستاندىق اۋدانىنىڭ 1000 وقۋشىسى ءبىر مەزگىلدە اشىق اسپان استىندا كۇيلەردى ورىنداسا, تۇركىستان, شىعىس قازاقستان وبلىستارىنىڭ وقۋشىلارى قوبىز, داۋىلپاز سياقتى ەجەلگى ۇلتتىق اسپاپتاردا تانىمال كومپوزيتسيالار ورىندادى.
ەسكە سالايىق, «كۇي كۇمبىرى» چەللەندجى – 2023 جىلى قر وقۋ-اعارتۋ مينيسترلىگىنىڭ باستاماسىمەن ناۋرىز مەيرامى قارساڭىندا وتكىزىلگەن اۋقىمدى رەسپۋبليكالىق اكتسيا. ماقساتى – وسكەلەڭ ۇرپاقتىڭ بويىندا رۋحاني-ادامگەرشىلىك مادەنيەت پەن پاتريوتيزمگە تاربيەلەۋ, ەلدىڭ مادەني مۇراسىن ساقتاۋ جانە بالالار اراسىندا دومبىرا اسپابىن ناسيحاتتاۋ.
