بۇل مەيرام ەلىمىزدىڭ ەرتەدەن كەلە جاتقان ۇلتتىق ويىندارىن ناسيحاتتاۋعا, سالت-ءداستۇردى ارداقتاۋعا جانە ورتاق شاڭىراق استىنداعى بارلىق ادامدى دوس تۇتۋعا باعىتتالعان.
قازاق حالقىنىڭ ۇلتتىق سپورت تۇرلەرى – تەك ويىن-ساۋىق قانا ەمەس, سونىمەن قاتار جاۋىنگەرلىك رۋحتى وياتاتىن, ەپتىلىك پەن باتىلدىقتى تالاپ ەتەتىن, تاپقىرلىق پەن زياتكەرلىكتى قاجەت قىلاتىن ونەر.
ۇلتتىق ويىندار ىشىندە كوكپار, بايگە, قىز قۋ, اسىق اتۋ, توعىزقۇمالاق, قازاق كۇرەسى, جامبى اتۋ, اۋدارىسپاق سىندى سپورت تۇرلەرى ەرەكشە ورىن الادى.
بۇگىنگى ناۋرىزنامانىڭ جەتىنشى كۇنى ەلىمىزدىڭ ءار دۋمانىندا ۇلتتىق ويىندار ويناتىلاتىن بولادى.
