فوتو: قىرمىزى جۇماعاليقىزى
بۇل كۇنى تۇركىستاننىڭ باستى الاڭدارىندا قازان-قازان كوجە ءپىسىرىلىپ, كەلگەن قوناقتار مەن قالا تۇرعىندارىنا ناۋرىز كوجەنى 150 تەڭگەدەن ساتىلىپ جاتىر. ال, جينالعان بارلىق قاراجات بالالار ۇيىنە قايىرىمدىلىق رەتىندە بەرىلەدى. ىستىق پەيىل مەن اق تىلەكتىڭ كورىنىسىندەي بولعان بۇل شاراعا جينالعان جۇرت مەرەكەلىك كوڭىل كۇيمەن ءبولىسىپ, كونە شاھاردىڭ دارحان داستارحانىنان ءدام تاتتى.
قالا اكىمدىگى مەن جەرگىلىكتى كاسىپكەرلەردىڭ قولداۋىمەن ۇيىمداستىرىلعان بۇل يگى باستاما تۇركىستاننىڭ قوناقجاي ءداستۇرىن تاعى ءبىر مارتە ايشىقتاپ, گيننەس رەكوردتار كىتابىنا ەنبەكشى. الاڭدار مەن ساياباقتاردا ۇلتتىق ويىندار ويناتىلىپ, ءان-كۇيدەن شاشۋ شاشىلىپ, مەرەكە شاتتىققا تولدى.
