1990 جىلداردىڭ باسىندا ەلىمىزدە ناقتى پليۋراليزم مەن دەموكراتياعا باعىتتالعان ءىس-قادامدار جۇزەگە اسىرىلدى. پارلامەنت پەن اتقارۋشى بيلىك اراسىندا تەپە-تەڭدىك بولىپ, كونستيتۋتسيالىق قۇرىلىستى باقىلاپ وتىراتىن ينستيتۋتتار جۇيەلى جۇمىس اتقاردى. دەپۋتات 1995 جىلدان ساياسي جۇيەدە وزگەرىستەر باستالعانىن مالىمدەدى.
«1995 جىلعى كونستيتۋتسيا ەكونوميكالىق رەفورمالار مەن الەۋمەتتىك تۇراقتىلىقتى جەدەلدەتكەنىمەن, ساياسي جۇيەمىز جەكەلەگەن توپتار مەن كەيبىر تۇلعالاردىڭ مۇددەسىنە جۇمىس جاساپ كەتتى. 2010 جىلدان باستاپ قازاقستاندا ساياسي داعدارىس اشىق تۇردە ءورشىدى. ماسەلەن, جەر رەفورماسىنا قارسىلىق جانە حالىقتىڭ الەۋمەتتىك جاعدايىنىڭ تومەندەۋىنە نارازىلىق رەتىندە كەيبىر الەۋمەتتىك توپتاردىڭ باس كوتەرۋى ورىن الدى» دەگەن دەپۋتات 2019 جىلى بيلىك باسىنا قاسىم-جومارت توقاەۆ كەلىپ, قازاقستانداعى ساياسي رەفورمالارعا باستاماشى بولعانىن ايتتى.
«مەملەكەت باسشىسىنىڭ باستاماسىمەن ساياسي رەفورمالاردى جوسپارلاۋ ءۇشىن ارنايى ۇلتتىق كەڭەس قۇرىلدى. ۇلتتىق كەڭەس ەلدەگى ۋشىعىپ تۇرعان ساياسي پروتسەستى ەۆوليۋتسيالىق جولمەن شەشۋدى كوزدەپ, پرەزيدەنت وكىلەتتىلىگىن پارلامەنتكە بەرۋ, وپپوزيتسيا ءرولىن ارتتىرۋ, كونستيتۋتسياعا وزگەرىستەر ەنگىزۋ جانە بيلىك تارماقتارى اراسىنداعى تەپە-تەڭدىك ماسەلەلەرىن قاراستىردى. پرەزيدەنتتىڭ كادەنتسياسىنىڭ باستى ماسەلەسى – ەلىمىزدە قالىپتاسقان «جەكە باسقا تابىنۋشىلىق» پروتسەسسىن جويىپ, مەملەكەت پەن قوعام اراسىنداعى جاڭا تۇرپاتتى, حالىقتىڭ قوعامدىق مۇددەسىنە سايكەس كەلەتىن ساياسي جۇيە قالىپتاستىرۋ», دەدى ەرلان سايروۆ.
ءساتتى جۇزەگە اسىرىلىپ كەلە جاتقان رەفورمالار باستاۋىندا 2022 جىلى رەفەرەندۋم ناتيجەسىندە – پرەزيدەنتتىڭ ءبىر عانا 7 جىلدىق مەرزىمگە سايلانۋ ءتارتىبى, 2021 جىلدان بەرى اۋىل اكىمدەرىن حالىقتىڭ ءوزى سايلاۋى سىندى وزگەرىستەر بار.
«كورىپ وتىرعانىمىزداي, قىسقا كەزەڭدە ەلىمىزدىڭ ساياسي جۇيەسى تۇبەگەيلى وزگەردى. ۇكىمەت پەن پارلامەنتتىڭ اراسىنداعى تەپە-تەڭدىك پايدا بولىپ, ايماقتارداعى ءماسليحاتتاردىڭ ءرولى مەن ورنى ارتتى. پرەزيدەنت وتكىزگەن ساياسي رەفورمالارى ەلىمىزدەگى قوعامدىق-ساياسي پروتسەسسكە ازاماتتاردىڭ ارالاسۋىنا جول اشا وتىرىپ, ايماقتاردان جاڭا ساياسي تۇلعالاردىڭ ساياسي ساحناعا شىعۋىنا جول اشتى. بۇل قادامدار ازاماتتار مەن مەملەكەتتىڭ بىرلىگىن ارتتىراتىنى بەلگىلى. بۇگىندە قۇرىلعان ۇلتتىق قۇرىلتاي شىنايى حالىقتىڭ دەموكراتيانىڭ تەتىگىنە اينالدى», دەدى دەپۋتات.
