فوتو: parlam.kz
دەپۋتاتتىڭ پىكىرنشە, ساليقالى ساياسي رەفورما ناتيجە بەردى, پرەزيدەنت جولداۋىنان بەرى ءۇش جىلدىڭ ىشىندە ىرگەلى وزگەرىستەر جاسالدى.
«ۇلتتىق قوردان بالالار بولاشاعى ءۇشىن قارجى سالۋدى الدىمەن وزدەرىنىڭ جەكە بايلىقتارىن كوبەيتۋدى ويلاعان بۇرىنعى بيلىك ەشقاشان بولۋى مۇمكىن ەمەستەي كورسەتەتىن. ال قازىر ءبارى دە مۇمكىن بولىپ, ءار بالانىڭ ەسەپشوتىنا العاشقى سالىمدار ءتۇسىپ جاتىر», دەگەن دەپۋتات سويلەگەن سوزىندە جالپىحالىقتىق رەفەرەندۋم, پارلامەنت ىقپالىنىڭ ارتۋى, ۇكىمەت جاۋاپكەرشىلىگى, كونستيتۋتسيالىق سوتتىڭ قۇرىلۋى, جاڭارعان اۋىل اكىمدەرى ت.ب. تۋرالى تىلگە تيەك ەتتى.
ق.يسا جاس ۇرپاققا پاتريوتتىق تاربيە بەرۋ بويىنشا تامىرىمىزدىڭ تەرەڭدىگىن, تاريحىمىزدىڭ كەمەلدىگىن كورسەتەتىن ءىرى ءىس-شاراعا توقتالدى.
«قازاق حاندارىنىڭ باباسى, التىن وردانىڭ اتاسى جوشى حان قۇرعان, ۇلىق ۇلىستىڭ نەگىزى قالانعانىنا 800 جىل تولۋىن مەرەكەلەۋ ۇلتتىق رۋحىمىزدى كوتەرىپ كەتكەن ەلدىك ماڭىزى ەرەكشە زور رۋحاني سەرپىلىس بولدى. الەمدەگى جەر كولەمى جاعىنان ەڭ ۇلكەن, قۋاتى جاعىنان ەڭ كۇشتى جانە ەڭ ۇزاق جاساعان الىپ يمپەريا التىن وردانىڭ ناعىز مۇراگەرى - اقوردالى قازاق ەلى!», دەدى دەپۋتات.
دەپۋتات سويلەگەن سوزىندە جوشى حانعا ۇلىتاۋدا, الاش كوسەمدەرىنە ەلوردادان باستاپ, كوپتەگەن قالالاردا اسقاقتاعان ەسكەرتكىشتەر ورناپ جاتقانىن, بۇل ىستەردىڭ بارلىعى مەملەكەت باسشىسى قاسىم-جومارت كەمەل ۇلىنىڭ تىكەلەي پارمەنىمەن ىسكە اسىرىلعانىن اتاپ ءوتتى.
قازىبەك يسانىڭ پىكىرىنشە, ۇلتتىق دامۋدىڭ نەگىزى – ۇلتتىق يدەولوگيادا جاتىر.
«تاريحتان بەلگىلى, قانداي ەل بولسا دا, ۇلتتىق يدەيا بولماسا, دامۋى قارقىندى بولمايدى! كەشە وتكەن ۇلتتىق قۇرىلتايدا مەملەكەت باسشىسى تاپسىرعان مەملەكەتتىڭ ىشكى ساياسات تۇجىرىمداسىن جاساۋدى تاپسىرۋى – ۇلتتىق يدەولوگيانىڭ باستاماسى ەكەنى انىق. قازاقستاننىڭ ۇلتتىق يدەولوگيالىق كونتسەپتسياسىن جاساعان پارتيا رەتىندە «اق جول» ىشكى ساياسات تۇجىرىمداماسىن جاساۋعا ءوز ۇلەسىن قوسا الادى», دەگەن دەپۋتاتتىڭ ايتۋىنشا, ۇلتتىق بىرەگەيلىككە باستايتىن ۇلتتىق يدەولوگيانىڭ نەگىزى – مەملەكەتتىك ءتىل! مەملەكەت باسشىسى ق.توقاەۆ: «قازاق ءتىلى – ۇلتتىق بىرەگەيلىگىمىزدىڭ نىشانى. ەل بىرلىگىن نىعايتا تۇسەتىن باستى قۇندىلىعىمىز!» دەپ, اتاپ كورسەتكەندەي, بىرەگەي ۇلتقا اينالۋدا مەملەكەتتىك ءتىلدىڭ مەرەيى ارتۋىن ىسكە اسىرۋعا ءبارىمىز ءوز ۇلەسىمىزدى قوسۋعا ءتيىسپىز.
سونىمەن قوسا, دەپۋتات قازىبەك يسا جەر قويناۋى - حالىق مەنشىگى ەكەنىن, 2022 جىلى جاڭادان اشىلعان اباي, ۇلىتاۋ, جەتىسۋ وبلىستارى دامىپ كەلە جاتقانىن, «تۇركىستان قالاسىنىڭ ەرەكشە مارتەبەسى تۋرالى» قابىلدانعان زاڭ تۋرالى جانە ۇلتتىق قۇرىلتاي تۋرالى ايتتى.
«مەملەكەت باسشىسىنىڭ باستاماسىمەن قۇرىلعان, بيىل ءتورتىنشى رەت ءوتىپ, ءتورت قۇبىلامىزدى تۇگەندەپ جاتقان ۇلتتىق قۇرىلتاي جالپىۇلتتىق ديالوگ الاڭىنا اينالدى. ۇلتتىق قۇرىلتاي - قازاق تاريحىنداعى ەلدىڭ ەڭ ماڭىزدى ماسەلەلەرى شەشىلەتىن ۇلى جيىن - قۇرىلتايدىڭ بۇگىنگى جاڭا زامانعا ساي جاڭعىرعان ۇلگىسى», دەدى دەپۋتات قازىبەك يسا.
