جوبا قۇنى – 2,1 ميلليارد تەڭگە, جالپى اۋدانى – 7877,4 شارشى مەتردى قۇراعان.
سالتاناتتى ءىس-شاراعا قاتىسقان اۋدان اكىمى ەركەعالي الىمقۇلوۆ جاڭا قونىس يەلەرىن قۇتتىقتاپ, ولارعا پاتەر كىلتتەرىن تابىستاعان. باسپانامەن الدىمەن از قامتىلعان جانە كوپبالالى وتباسىلار, سونداي-اق اتا-اناسىنىڭ قامقورلىعىنسىز قالعان بالالار قامتىلعان. قۇرىلىس جۇمىستارىن «تاۋ بەتون» جشس مەن «ىنتىماق-وك» جشس كومپانيالارى جۇرگىزدى.
ايتا كەتەيىك, وڭىردە تۇرعىن ۇيمەن قامتاماسىز ەتۋ شارالارى اياسىندا بۇعان دەيىن لەنگەر قالاسىنىڭ 1-شاعىن اۋدانىندا 23 كوپقاباتتى تۇرعىن ءۇي سالىنىپ, 1000-عا جۋىق وتباسى باسپانالى بولعان. قازىرگى تاڭدا اۋداندا تۇرعىن ءۇي كەزەگىندە 5000-نان استام ازامات تىركەلگەن.
بيىل جىل سوڭىنا دەيىن تاعى ءۇش كوپقاباتتى تۇرعىن ءۇيدىڭ قۇرىلىسى اياقتالىپ, قوسىمشا 156 وتباسى جاڭا پاتەرگە يە بولادى.
