فوتو: Polisia.kz
Polisia.kz سايتىندا حابارلانعانداي, دەپارتامەنت باستىعى - ءىىم رەسمي وكىلى شىڭعىس الەكەشەۆتىڭ ايتۋىنشا, زاڭ بويىنشا 5 ساۋىردەن كەيىن تىركەلمەگەن موپەدتى باسقارۋعا تىيىم سالىنادى. مۇنداي قۇقىق بۇزۋشىلىق انىقتالعان جاعدايدا اكىمشىلىك كودەكستىڭ 590-بابىنىڭ 2-بولىگىنە سايكەس جاۋاپكەرشىلىك كوزدەلەدى. بۇگىندە رەسپۋبليكا بويىنشا 8527 موپەد تىركەلىپ وتىر.
«ونى تىركەۋ ءۇشىن تۇرعىلىقتى جەرى بويىنشا ارنايى حالىققا قىزمەت كورسەتۋ ورتالىعىنا جۇگىنۋ قاجەت. وزىڭىزبەن بىرگە كەلەسى قۇجاتتاردى الۋ كەرەك: جەكە باستى كۋالاندىراتىن قۇجات, ەلەكتروندى ءتۇرى دە جارايدى, تەحنيكالىق قۇجات نەمەسە موپەدتىڭ تەحنيكالىق سيپاتتامالارى تۋرالى مالىمەتتەر. ءوتىنىشتى تولتىرىپ, موپەدتى تەكسەرۋدەن وتكىزىپ, كولىك قۇرالىن تىركەۋ, تىركەۋ تۋرالى كۋالىك جانە مەملەكەتتىك ءنومىر الۋ ءۇشىن مەملەكەتتىك باجداردى تولەۋ قاجەت. تىركەۋدى كەيىنگە قالدىرماڭىزدار! ءوزىڭىز ءۇشىن «جاعىمسىز سالداردان» اۋلاق بولۋ ءۇشىن موپەدتى زاڭ تالاپتارىنا سايكەس كەلتىرگەنىڭىز دۇرىس», دەدى ش.الەكەشەۆ.
