ۇكىمەت باسشىسى وڭدەۋ سەكتورىنىڭ ءوسىمى 6%-عا جۋىقتاعانىن, بۇل سوڭعى ون جىلداعى ەڭ جوعارى كورسەتكىش ەكەنىن اتاپ ءوتتى.
«التى جىل ىشىندە ماشينا جاساۋ سالاسىنداعى ءوندىرىس ءۇش ەسە ءوستى, ال ونەركاسىپتىك ءوندىرىستىڭ جىلدىق ورتاشا ءوسىمى 20,3%-دى قۇرادى. ناقتى ساندارعا كەلسەك, 2018 جىلعى 30 مىڭ جەڭىل اۆتوكولىكپەن سالىستىرعاندا قازىر 134 مىڭ بىرلىك وندىرىلۋدە. سول سياقتى جۇك كولىكتەرىنىڭ ءوندىرىسى التى ەسەدەن استام ءوسىپ, 7,1 مىڭ بىرلىككە جەتتى, اۆتوبۋستاردىكى جەتى ەسەگە ۇلعايىپ, 2,9 مىڭ بىرلىككە جەتتى, ال ارنايى تەحنيكا ءوندىرىسى ءۇش ەسەگە جۋىق ارتىپ, 711 بىرلىككە جەتتى», دەلىنگەن ماقالادا.
سونداي-اق, پرەزيدەنتتىڭ تاپسىرماسى بويىنشا مۇناي-گاز حيمياسىن بەلسەندى دامىتۋ باستالدى. ەل بىرتىندەپ شيكىزات ەكسپورتىنان تەرەڭ وڭدەۋگە كوشىپ, پوليمەرلەر, كومپوزيتتىك ماتەريالدار, حيميالىق رەاگەنتتەر شىعارا باستادى. بۇل – ءتۇرلى سالالاردا سۇرانىسقا يە جوعارى قوسىلعان قۇنى بار ونىمدەر.
ءىرى جوبالاردىڭ ءبىرى – اتىراۋ وبلىسىنداعى KPI زاۋىتى. ول قازىردىڭ وزىندە ىسكە قوسىلىپ, پوليپروپيلەن ءوندىرىپ جاتىر. بۇل زاۋىت ورتالىق ازياداعى بارلىق ۇقساس كاسىپورىنداردان قۋاتتىلىعى جاعىنان اسىپ تۇسەدى.
