رەداكتسيامىزعا ۇلت ازاتتىق كوتەرىلىس قاھارماندارىنا لايىقتى قۇرمەت كورسەتۋدى سۇراپ حات جازعان سۇيىندىك قاجى جۇماباي ۇلى كوتەرىلىستە ەرلىك كورسەتكەندەردىڭ ىشىندە جەكسەنبى ورالباي ۇلى دا بار ەكەنىن ايتادى.
پاتشا جازالاۋشى اسكەرلەرىمەن ەرەيمەن كوتەرىلىسشىلەرىنىڭ اراسىندا بىرنەشە قاقتىعىسۋ بولعان. سونىڭ العاشقىسى «جۋانادىردا», ەكىنشىسى «كەڭ-اسۋدا», ءۇشىنشىسى «ولجاباي» اۋىلىنىڭ ماڭىندا, تورتىنشىسى «شاكەي», اۋىلىندا ال بەسىنشىسى «ەرەيمەن-قورجىنكول» ماڭايىنداعى جازىقتا وتكەن. بۇل سوڭعى قاقتىعىستا بولىستاردىڭ ەلگە بولىسپاۋ سەبەبىنەن كوتەرىلىسشىلەر جەڭىلىسكە ۇشىراعان.
سۇيىندىك قاجى جۇماباي ۇلى جەكسەنبى ورالباي ۇلىنىڭ كوتەرىلىس كەزەڭىندەگى ەرلىگىن بايانداپ بەردى.
ء«تۇن قاراڭعىدا ولارعا جاساقشىلار شابۋىل جاسادى. ولاردىڭ اراسىندا ورالباي ۇلدارى جەكسەنبى جانە جۇماباي سىندى اازاماتتار بولدى. ءۇي ىشىندەگى سولداتتارعا ۇيدەن شىعۋعا بۇيرىق بەرىلدى بىراق سولداتتار بۇيرىقتى ورىنداۋدان باس تارتقان سوڭ جەكسەنبى قاتارىنان سۋىرىلىپ شىعىپ, ءۇيدىڭ توبەسىنە ءمىنىپ, پەشتىڭ مۇرجاسىنىڭ جانىن تەسىپ, ءۇي ىشىنە جانعان وت تاستاپ جاتقاندا ىشتەن مىلتىق اتىلىپ قازا بولعان. بۇل تۋرالى ءىنىسى جۇماباي ەستەلىگىندە جازىپ قالدىرعان», دەپ ءتىل قاتقان قاريا كەڭەس ۇكىمەتى, قازاقستان ەگەمەندىگىن العاننان كەيىن بۇل سياقتى كوتەرىلىسشىلەر تاريح ساباقتاستىعىندا لايىقتى باعالانباي كەلە جاتقانىن ايتتى.
«1916 جىلعى ەرەيمەن كوتەرىلىسى تۋرالى كەزىندە از جازىلعان جوق. جازۋشى ءسابيت مۇقانوۆ, ساكەن سەيفۋللين, قارت-جۋرناليست عالىمجان مۇقاتوۆ, اقىن ومىربەك تۇقپي ۇلى, اقتىباي يماقان اقىن, ساياساتكەر, جازۋشى قازىبەك سۇلەيمەن ۇلى كەزىندە ورتالىق كوميتەتكە, ورتالىق گازەتتەرگە, ارقا اجارى گازەتىنە, جازۋشى جۋرناليست يلياس قاراعوزين جازعان ەدى. بىراق اياقسىز قالىپ, بۋرجۋازيالىق-ۇلتشىلدىق كورىنىستەر دەپ ايىپتالدى», دەيدى سۇيىندىك قاجى جۇماباي ۇلى.
سۇيىندىك قاجى جۇماباي ۇلى اقمولا وبلىسىنىڭ اكىمى احمەتجانوۆ مارات پەن ەرەيمەنتاۋ اۋدانىنىڭ اكىمى مۇقاتوۆ نۇرلان اتىنا مىناداي ءوتىنىش تىلەگىن جەتكىزدى: «كوكشەتاۋ جانە ەرەيمەنتاۋ قالالارىندا 1916 جىلعى قاھارماندارعا ارناپ اللەيا سالىنىپ, مونۋمەنت تاقتاعا ولاردىڭ ەسىمىن جازۋدى جانە ءبىر كوشەگە 1916 جىلعى قاھارماندار اتاۋى بەرۋدى ۇسىنامىن. سونداي-اق, 2022 جىلدىڭ قازان ايىندا كۇنشالعان اۋىلىنداعى پاركتە ۇلت-ازاتتىق كوتەرىلىسشىلەردىڭ قۇرمەتىنە قويىلعان ەسكەرتكىش تاقتاعا ورالباي ۇلى جەكسەنبى ەسىمى بەرىلسە», دەدى ول.
ءبىز دە ءوز كەزەگىمىزدە ۇسىنىس زەردەلەنىپ, وڭ شەشىمىن تاباتىنىنا سەنىم بىلدىرەمىز.
