قازاقستان رەسپۋبليكاسى ۇكىمەتىنىڭ قاۋلىسى  №432

2015 جىلعى 12 ماۋسىم, استانا, ۇكىمەت ءۇيى قازاقستان رەسپۋبليكاسى ۇكىمەتىنىڭ «شەكارا بەلگىلەرىنىڭ نىساندارىن, كولەمدەرىن, سيپاتتاماسىن, كونسترۋكتسياسىن جانە ولاردى ورناتۋ قاعيدالارىن بەكىتۋ تۋرالى» 2013 جىلعى 8 قاراشاداعى №1181 جانە «شەكارالىق بەلدەۋگە كىرۋگە جانە وندا بولۋعا رۇقساتتامالار بەرۋ قاعيدالارىن بەكىتۋ تۋرالى» 2013 جىلعى 29 قاراشاداعى № 1275 قاۋلىلارىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. قازاقستان رەسپۋبليكاسى ۇكىمەتىنىڭ كەيبىر شەشىمدەرىنە مىناداي وزگەرىستەر ەنگىزىلسىن: 1) «شەكارا بەلگىلەرىنىڭ نىساندارىن, كولەمدەرىن, سيپاتتاماسىن, كونسترۋكتسياسىن جانە ولاردى ورناتۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 8 قاراشاداعى №1181 قاۋلىسىنا: كورسەتىلگەن قاۋلىمەن بەكىتىلگەن شەكارا بەلگىلەرىنىڭ نىساندارىندا, كولەمدەرىندە, سيپاتتاماسىندا, كونسترۋكتسياسىندا: 2-ءبولىمىنىڭ تاقىرىبى مىناداي رەداكتسيادا جازىلسىن: «2. نەگىزگى شەكارا بەلگىلەرى»; 3-ءبولىمىنىڭ تاقىرىبى مىناداي رەداكتسيادا جازىلسىن: «3. ارالىق شەكارا بەلگىلەرى»; كورسەتىلگەن قاۋلىمەن بەكىتىلگەن شەكارا بەلگىلەرىن ورناتۋ قاعيدالارىندا: 15-تارماق مىناداي رەداكتسيادا جازىلسىن: «15. مەملەكەتتىك شەكارانىڭ وزەن ۋچاسكەسىندەگى نەگىزگى شەكارا بەلگىلەرى نەمەسە قۇرعاي باستاعان (قۇرعاق) ارنالار, وزەكتەر نەمەسە شۇقاناقتار تابانى بويىنشا وتەتىن مەملەكەتتىك شەكارانى بەلگىلەۋ كەزىندە مەملەكەتتىك شەكارا سىزىعىنا پەرپەنديكۋليار سىزىقتا ءبىر-بىرىنە قاراما-قارسى شەكارالىق وزەندەردىڭ (بۇلاقتاردىڭ) قاراما-قارسى جاعالاۋلارىندا (ارالدارىندا) نە بولماسا ونىڭ بۇرىلىسى بۇرىشىنىڭ بيسسەكتريساسىندا ورناتىلاتىن ەكى نەگىزگى شەكارا باعاناسىنان تۇرادى جانە نەگىزگى شەكارا باعانالارىن قوساتىن سىزىقتاردىڭ جانە شەكارا وزەنىنىڭ (بۇلاعىنىڭ) نەگىزگى سالاسى نەمەسە ارناسىنىڭ ورتاسى سىزىقتارىنىڭ قيىلىسۋىندا ورنالاسقان نەگىزگى شەكارا بەلگىسىنىڭ ورتالىعى بولىپ تابىلاتىن نۇكتەنىڭ ورنالاسۋ ورنىن ايقىندايدى.».; 2) «شەكارالىق بەلدەۋگە كىرۋگە جانە وندا بولۋعا رۇقساتتامالار بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 29 قاراشاداعى №1275 قاۋلىسىنا (قازاقستان رەسپۋبليكاسىنىڭ ءپۇاج-ى, 2013 ج., № 68, 909-قۇجات): كورسەتىلگەن قاۋلىمەن بەكىتىلگەن شەكارالىق بەلدەۋگە كىرۋگە جانە وندا بولۋعا رۇقساتتامالار بەرۋ قاعيدالارىنا: 10-تارماقتىڭ ەكىنشى بولىگى مىناداي رەداكتسيادا جازىلسىن: «زاڭدى جانە جەكە تۇلعالاردىڭ قولدانىلۋ مەرزىمى اياقتالعان رۇقساتتامانى شەكارا قىزمەتىنىڭ اسكەري بولىمىنە قايتارماۋى ولارعا كەلەسى كۇنتىزبەلىك جىلعا ارنالعان رۇقساتتامانى بەرۋدەن باس تارتۋعا نەگىزدەمە بولىپ تابىلادى.». 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.