جول-كولىك وقيعاسى ساعات 20:00 شاماسىندا, اۋەجايعا باراتىن جولدا ورىن العان. كۋاگەرلەردىڭ ايتۋىنشا, اۆتوبۋس قالىپتى رەجيمدە قوزعالىپ كەلە جاتقاندا, كەنەتتەن جۇك تيەگىش كولىكپەن سوقتىعىسقان. سالدارىنان جولاۋشىلار اۆتوبۋستىڭ ىشىندە قۇلاپ, ابىرجىپ قالعان.
استانا قالالىق پوليتسيا دەپارتامەنتىنىڭ مالىمەتىنشە, جۇك تاسيتىن كولىك جۇرگىزۋشىسى جول ەرەجەسىن بۇزعان.
«ارنايى تەحنيكانىڭ (جۇك تيەگىش كولىك) جۇرگىزۋشىسى جولدىڭ قيىلىسىنان تىس جەردە بۇرىلىس جاساپ, سول باعىتتا تىكەلەي كەلە جاتقان اۆتوبۋسقا جول بەرمەگەن. ناتيجەسىندە اۆتوبۋس جارىق باعاناسىنا سوعىلدى. جول اپاتى بولعان ساتتە اۆتوبۋستا شامامەن 15 جولاۋشى بولعان, زارداپ شەككەندەر جوق», – دەلىنگەن حابارلامادا.
