جوو وقۋلىقتارى ەلەكتروندى نۇسقادا شىعادى

وسى ءتورتىنشى وتىرىستىڭ سەك­تسيا­سىندا جوعارى وقۋ ورىن­دا­رىنىڭ وقۋ­لىقتارى ماسەلەسىن كوتەردىم. قازىر ەلىمىزدە وقىپ جاتقان 630 مىڭ ستۋ­دەنتتىڭ 75%-ى قازاق بولىمىندە وقيدى. ال ولاردىڭ قازاق تىلىندەگى وقۋ­­لىقپەن قامتىلۋ دەڭگەيى – 39% عانا. بۇل, ارينە, وزەكتى ماسەلە ەكەنى انىق. وسىعان بايلانىستى مەك­تەپ وقۋلىقتارى سياقتى جوو وقۋ­لىق­­تارىن دا رەسپۋبليكالىق بيۋدجەت ەسە­بى­نەن شىعارۋدى ۇسىنىپ, ماسەلە ەتىپ كوتەردىك. ارينە, مۇنداي ۇسىنىس قا­را­جات تابۋ تۇرعىسىنان قارجى مي­نيسترلىگىنە وتە اۋىر تيەدى ەكەن. سول سەبەپتى ۇسى­نى­سىمىزدى جۇم­­سارتىپ, نەعۇرلىم قارا­جات از كە­تە­تىن نۇسقاسىن العا تارت­تىق. ياعني كە­زىندە ءبىز شەتەلدىك 100 وقۋ­لىقتى اۋ­دارىپ شىققان ەدىك. تۋرا سول سياقتى وقۋلىقتاردى اۋدا­رىپ, تەك ەلەكتروندىق نۇسقادا تاراتۋدى ۇسىندىق. بىزدە قازىر 280-دەي ما­ماندىق بار ەكەن. سولارعا كەمىندە ءبىر-ءبىر وقۋلىقتان عانا ەلەك­تروندىق نۇس­قادا شىعارساق, سونىڭ ءوزى جەتىپ جا­تىر. وعان كەتەر قاراجات كولەمى دە از, تا­رالۋ اۋقى­مى دا شەكسىز بولار ەدى. ءتيىستى مي­نيسترلىك وسىعان كەلىسكەندەي بولدى.

ەندىگى ماسەلە – دوكتورانت­تار­دىڭ, ءتىپتى اكادەميكتەردىڭ شەتەلدىك رەيتينگتىك جۋرنالدار بازاسىنا ماقالا بەرۋ پروب­­­­لەماسى بار. بەرگەن ماقالاڭ­نىڭ شىعۋىن ءبىر-ەكى جىل كۇتەسىڭ. قورعايتىن ديسسەرتاتسيالارى دا­يىن, ال شەتەلدىك جۋرنالعا ماتەريالدارى شىقپاعان سوڭ قۇر بوسقا ۋاقىت جوعالتىپ, كۇتۋگە ءماجبۇر. ەلىمىزدە جوو-لار مەن عىلىمي ينستيتۋتتاردان شىعا­تىن 300-دەي عىلىمي جۋرنال بار ەكەن. سول جۋرنالداردىڭ ىشىنەن كون­كۋرس ارقىلى Scopus بازاسىنا وتەتىن, ماسەلەنى قاراي الاتىن عىلىمي جۋرنالداردىڭ باس رەداك­تور­لا­رىنىڭ قاۋىمداستىعىن قۇ­رۋ­­­­دى ۇسىنعانبىز. عىلىم جانە جو­عارى ءبىلىم ءمينيسترى پرەزيدەنت جانىنداعى ۇلتتىق عىلىم اكادە­ميا­سىنىڭ اياسىندا عىلىمي جۋر­­نال­داردىڭ باس رەداكتورلارى قا­ۋىم­­د­استىعىنىڭ قۇرى­لا­تى­­نىن قۋا­نىشپەن جەتكىزدى. وسى­لاي­شا, ايدالاعا اقشا شاشپاي, ءوزى­مىزدىڭ ارامىزدان شەتەلدىك تا­لاپ­تارعا ساي كەلەتىن جۋرنالداردى ايقىنداپ, دوكتورانتتارى­مىزدىڭ عىلىمي ماقالالارىن وتان­دىق جۋرنالدارعا جا­ريا­لاۋىنا مۇم­كىندىك تۋىپ وتىر. بىرىن­شى­دەن, بۇل ديسسەرتاتسيانى قورعاۋ ۋاقىتىن جەدەلدەتەدى, ەكىنشىدەن, ولاردىڭ عىلىمي تۇرعىدان السىرە­مەۋىن قامتاماسىز ەتەدى.

كارىمبەك قۇرماناليەۆ,

فيلولوگيا عىلىمدارىنىڭ دوكتورى, پروفەسسور, اكادەميك