فوتو: اشىق دەرەككوز
پرەزيدەنتتىڭ ايتۋىنشا, تاۋەلسىزدىك جىلدارى كلاسسيكالىق جانە زاماناۋي مۋزىكاعا ارنالعان ساۋلەتتى عيماراتتار سالىنىپ, كوپتەگەن تەاتر اشىلدى. بۇگىندە قازاقستاندا 46 ايماقتىق تەاتر جۇمىس ىستەيدى. الايدا, ولاردىڭ جاعدايى ءارتۇرلى.
«مىسالى, سەمەيدە ءبىر عيماراتتا ءۇش بىردەي تەاتر سىعىلىسىپ وتىر. اسىرەسە, ايماقتاردا تەاترلاردى دامىتۋعا باسا نازار اۋدارۋ كەرەك. حالقىمىزدىڭ مادەني ارالۋاندىعىن ساقتاۋعا مۇمكىندىك بەرەتىن ورىس جانە باسقا دا ۇلتتىق تەاترلاردى قولداۋ ماڭىزدى», دەدى مەملەكەت باسشىسى.
پرەزيدەنت سونداي-اق, ورىس جانە باسقا دا ۇلتتىق تەاترلاردى قولداۋ ارقىلى ەلىمىزدىڭ مادەني ارالۋاندىعىن ساقتاۋ ماڭىزدى ەكەنىن اتاپ ءوتتى. سونىمەن قاتار قازىرگى تاڭدا ەلىمىزدە جەكە تەاترلار دا تابىس اكەلىپ, ونەردىڭ بۇل ءتۇرىن دامىتۋدىڭ ءتيىمدى جولدارىن كورسەتىپ وتىر.
«ەلىمىزدە ونەردىڭ بۇل ءتۇرى دە تابىس اكەلەتىنىن دالەلدەپ جۇرگەن جەكە تەاترلار از ەمەس. سوندىقتان بيزنەس وكىلدەرىن ايماقتاعى تەاترلارعا بەلسەنە قولداۋ كورسەتۋگە شاقىرامىن», دەدى قاسىم-جومارت توقاەۆ.
مەملەكەت باسشىسى جاستاردىڭ تەاتر ونەرىنە قىزىعۋشىلىعى ارتىپ, قويىلىمداردىڭ بيلەتتەرى بىرنەشە اپتا بۇرىن ساتىلىپ كەتۋى – بۇل سالانىڭ دامۋ قارقىنىن كورسەتەتىنىن اتاپ ءوتتى.
