سۋرەت: kapital.kz
ۇلتتىق كاسىپكەرلەر پالاتاسىنىڭ باسقارما توراعاسى رايىمبەك باتالوۆ نەگىزگى سالالارداعى باسىم باعىتتاردى دامىتۋ ستراتەگيالارىنىڭ السىزدىگىن ايتتى.
«باسىم باعىتتاردى دامىتۋ ورتالىق مەملەكەتتىك ورگانداردىڭ, جەرگىلىكتى اتقارۋشى ورگانداردىڭ, دامۋ ينستيتۋتتارى قولداۋ قۇرالدارىنىڭ سينەرگياسىن قامتاماسىز ەتە وتىرىپ, كەشەندى تۇردە جۇزەگە اسىرىلۋعا ءتيىس. مەملەكەتتىك باعدارلامالار ماقساتتاردى جاريالاپ قانا قويماي, سونىمەن قاتار بيزنەستى اشۋعا جاعداي جاساۋدان باستاپ, تۇپكىلىكتى ءونىمدى نارىققا شىعارۋعا دەيىنگى بۇكىل وندىرىستىك تسيكلدى قامتۋى ماڭىزدى», دەدى رايىمبەك باتالوۆ.
وسى ماسەلەلەرگە جاۋاپ رەتىندە «اتامەكەن» ۇكپ ستراتەگيا مەن ىسكە اسىرۋ اراسىنداعى الشاقتىقتى جويۋعا جانە مەملەكەتتىڭ تولىق قاتىسۋىن قامتاماسىز ەتۋگە مۇمكىندىك بەرەتىن ءتاسىلدى ازىرلەدى. ايتۋىنشا, مەملەكەت ەكونوميكاعا وراسان زور قاراجات – 11 ترلن تەڭگەدەن استام قارجى قۇيۋدى جوسپارلاپ وتىر. بۇل قاراجاتتى ءتيىمدى پايدالانۋ ءۇشىن ول سالالىق كلاستەرلەردى دامىتۋدىڭ جاڭا تۇجىرىمداماسىن ۇسىندى. ۇسىنىلىپ وتىرعان مودەل – جۇمىس ىستەپ تۇرعان وندىرىستەردى دامىتۋ مەن جاڭالارىن قۇرۋدىڭ بۇكىل تىزبەگىن اشىق ەتەتىن تسيفرلىق ەكوجۇيە.
«قازاقستان قور بيرجاسى» (KASE) توراعاسىنىڭ ورىنباسارى دانا امانجولوۆا تسيفرلاندىرۋ, IPO-نى جانداندىرۋ جانە «جاسىل» تەحنولوگيالارعا ينۆەستيتسيانىڭ ءوسۋى سياقتى الەمدىك ترەندتەردى اتاپ ءوتتى. بيرجا 1,6 ملرد دوللار سوماعا ESG-وبليگاتسيالاردىڭ 30 شىعارىلىمىن تىركەگەن, سونداي-اق ورنىقتى دامۋ بويىنشا ءبىلىم بەرۋ باستامالارىن ەنگىزگەن. 2024 جىلى KASE Index 33% ءوسىم كورسەتتى, ال ساۋدا-ساتتىقتىڭ جالپى كولەمى
261,5 ترلن تەڭگەگە جەتتى, بۇل بيرجالىق نارىقتىڭ سەرپىندى دامۋىن كورسەتەدى.
سامميت بارىسىندا كريپتوۆاليۋتا ءۇردىسى دە ءسوز بولدى. تۇراقسىزدىعىنا قاراماستان, اكتيۆتەردىڭ بۇل كلاسى قارقىندى دامۋىن جالعاستىرىپ جاتىر. ادىلگەرەي نامازباەۆ («EA Group») اتاپ وتكەندەي, سوڭعى 12 جىلدا كريپتوۆاليۋتا سانى 66 ەسە ءوستى. بۇدان باسقا, كريپتواكتيۆتەردى كاپيتالداندىرۋ بويىنشا 10 ءىرى كومپانيانىڭ 9-ى كەيىنگى بەس جىلدا جوعارى قۇبىلمالىلىعىنا قاراماستان تۇراقتى ءوسىمدى كورسەتتى. ماكسيم بارىشەۆ پەن «ۋچەت.kz» كومانداسى سالىق جۇيەسىن جەڭىلدەتۋدى جانە بيزنەستى ىنتالاندىرۋدى ۇسىناتىن بالامالى «حالىقتىق سالىق كودەكسىن» ۇسىندى. باستى يدەيا – كاسىپكەرلەرگە تاڭداۋ ەركىندىگىن بەرۋ جانە بيۋروكراتيانى ازايتۋ, بۇل 2029 جىلعا قاراي سالىقتى كوتەرمەي, ءىجو-ءنىڭ 450 ملرد دوللارىنا جەتۋگە مۇمكىندىك بەرەدى.
سامميت سوڭىندا «قارجى سەكتورى», ء«ىرى جانە ورتا بيزنەس» جانە «شاعىن بيزنەس» اتالىمدارى بويىنشا جەڭىمپازدار انىقتالىپ, «Beeline Kazakhstan» كومپانياسىنىڭ باس قارجى ديرەكتورى گاۋھار ءادىلوۆا, «لوتتە» اق قارجى ديرەكتورى مارات نۇرعازيەۆ, «RG Brands Kazakhstan» قارجى ديرەكتورى تيمۋر جانعوجانوۆتار «The Best CFO – 2025» جۇلدەسىنە لايىق دەپ تانىلدى.
