سولتۇستىك قازاقستاندا 15 ادامنىڭ ۇرلىققا قاتىستىلىعى تەكسەرىلۋدە

پەتروپاۆل. 19 ماۋسىم. ع.مۇسىرەپوۆ اۋدانىنا قاراستى «تۇقىم» جشس جۇمىسشىلارىنىڭ ۇرلىققا قاتىستىلىعى دالەلدەنسە, 7 جىلعا دەيىن باس بوستاندىقتارىنان ايرىلۋى ىقتيمال. بۇل تۋرالى ءوىىد-ءنىڭ ءباسپاسوز قىزمەتى حابارلادى. ەگىس القاپتارىنان 132 توننا مينەرالدىق تىڭايتقىشتىڭ قولدى بولعانى جايلى دابىل اۋداندىق ىشكى ىستەر بولىمىنە تۇسىسىمەن جەرگىلىكتى پوليتسەيلەر دەرەۋ ءىز كەسكەن. كوپ ۇزاماي ۇرلىققا قاتىسى بار دەگەن كۇدىكپەن 15 ادام ۇستالعان. تەرگەۋ امالدارى كورسەتكەندەي   ەگىس القاپتارىن دارىلەپ جۇرگەن مەحانيزاتورلار اممياك سەليتراسى مەن امموفوستى اۋداننىڭ ءبىر تۇرعىنىنا 4 كۇن بويى  تاسىپ, جەتكىزىپ بەرگەن.  ول بولسا,رۋزاەۆ اۋىلىنداعى قويمادا جاسىرىپ ۇستاعان. «كۇدىكتىلەردەن   مينەرالدى تىڭايتقىش تيەلگەن  ەكى تىركەمەلى  «كاماز»  كولىگى ناقتى ايعاق رەتىندە  الىندى. قر قىلمىستىق كودەكستىڭ 188 بابى بويىنشا قىلمىستىق ءىس قوزعالدى», دەيدى اعا تەرگەۋشى نۇرلان ىسقاقوۆ.  بۇگىندە   3 كۇدىكتى ۋاقىتشا تەرگەۋ وقشاۋلاعىشقا قامالدى. قالعاندارى ەشقايدا كەتپەۋ جونىندە قولحاتپەن بوساتىلدى. ءومىر ەسقالي. دەرەك: سولتۇستىك قازاقستان وبلىستىق ءىىد-ءنىڭ ءباسپاسوز قىزمەتى. سۋرەت: egemen.kz