2014 جىلعى 14 قاراشا, استانا قالاسى
قازاقستان رەسپۋبليكاسى ىشكى ىستەر ورگاندارىنىڭ قىزمەتكەرلەرىنە اقشالاي ريزىقتى, جاردەماقىلاردى جانە وزگە دە تولەماقىلاردى تولەۋ قاعيدالارىن بەكىتۋ تۋرالى
«قازاقستان رەسپۋبليكاسىنىڭ ىشكى ىستەر ورگاندارى تۋرالى» 2014 جىلعى 23 ساۋىردەگى قازاقستان رەسپۋبليكاسىنىڭ زاڭى 21-بابىنىڭ 2-تارماعىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسى ىشكى ىستەر ورگاندارىنىڭ قىزمەتكەرلەرىنە اقشالاي ريزىقتى, جاردەماقىلاردى جانە وزگە دە تولەماقىلاردى تولەۋ قاعيدالارى بەكىتىلسىن.
2. قازاقستان رەسپۋبليكاسى ىشكى ىستەر مينيسترلىگىنىڭ قارجىمەن قامتاماسىز ەتۋ دەپارتامەنتى (ب.ش.يسەنوۆا) زاڭنامادا بەلگىلەنگەن تارتىپتە:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى;
3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر پوليتسيا گەنەرال-لەيتەنانتى ق.قاسىموۆ.
قازاقستان رەسپۋبليكاسى ىشكى ىستەر ءمينيسترىنىڭ
2014 جىلعى 14 قاراشاداعى № 808 بۇيرىعىمەن بەكىتىلگەن
قازاقستان رەسپۋبليكاسى ىشكى ىستەر ورگاندارىنىڭ قىزمەتكەرلەرىنە اقشالاي ريزىقتى, جاردەماقىلاردى جانە وزگە دە تولەماقىلاردى تولەۋ قاعيدالارى
1. جالپى ەرەجەلەر
1. وسى قاعيدالاردىڭ ارەكەتى قازاقستان رەسپۋبليكاسى ىشكى ىستەر مينيسترلىگىنىڭ (بۇدان ءارى – ءىىم) ورتالىق اپپاراتى مەن ونىڭ ۆەدومستۆولارىنىڭ, اۋماقتىق ورگاندارىنىڭ جانە ءىىم قاراماعىنداعى مەملەكەتتىك مەكەمەلەردىڭ ىشكى ىستەر ورگاندارى قىزمەتكەرلەرىنە (بۇدان ءارى – ىشكى ىستەر ورگاندارىنىڭ قىزمەتكەرلەرى), ىشكى ىستەر ورگاندارىنىڭ وقۋ ورىندارىنىڭ كۋرسانتتارىنا (تىڭداۋشىلارىنا) قولدانىلادى جانە كورسەتىلگەن ادامدار ساناتتارىنا اقشالاي ريزىقتى, جاردەماقىلاردى جانە وزگە دە تولەماقىلاردى تولەۋ ءتارتىبىن رەتتەيدى.
وسى قاعيدالار بويىنشا اقشالاي ريزىق:
ا) قاتارداعى جانە باسشى قۇرامنىڭ شتاتتىق لاۋازىمدارىن اتقاراتىن;
ءا) قازاقستان رەسپۋبليكاسى ءىىم-ءنىڭ وقۋ ورىندارىندا وقيتىن;
ب) ىشكى ىستەر ورگاندارىنىڭ قاراماعىندا تۇرعان ىشكى ىستەر ورگاندارىنىڭ قىزمەتكەرلەرىنە تولەنەدى.
2. ىشكى ىستەر ورگاندارى قىزمەتكەرلەرىنىڭ اقشالاي ريزىعى:
اقشالاي ۇستاۋدان;
قىزمەت وتكەرۋدىڭ ەرەكشە جاعدايلارى ءۇشىن لاۋازىمدىق جالاقىلارىنا ۇستەمەاقىدان تۇرادى;
اقشالاي ۇستاۋ:
اتقاراتىن شتاتتىق لاۋازىم بويىنشا جالاقىدان;
ارناۋلى اتاعى ءۇشىن قوسىمشا اقىدان تۇرادى.
قازاقستان رەسپۋبليكاسى ءىىم وقۋ ورىندارى كۋرسانتتارىنىڭ (تىڭداۋشىلارىنىڭ) اقشالاي ۇستاۋ تۇرلەرىنىڭ ءبىرى شاكىرتاقى بولىپ تابىلادى.
اقشالاي ۇستاۋدى تولەۋ ءۇشىن نەگىز ىشكى ىستەر ورگانى باسشىسىنىڭ ونىڭ نومەنكلاتۋراسىنا كىرەتىن شتاتتىق لاۋازىمعا تاعايىنداۋ تۋرالى, قاراماعىنا قابىلداۋ تۋرالى بۇيرىعى, وقۋ ورنى باستىعىنىڭ وقۋعا قابىلداۋ تۋرالى بۇيرىعى بولىپ تابىلادى.
3. اقشالاي ريزىقتى تولەۋ قازاقستان رەسپۋبليكاسىنىڭ 2007 جىلعى 15 مامىرداعى ەڭبەك كودەكسىندە بەلگىلەنگەن مەرزىمدەردە جۇزەگە اسىرىلادى.
ىشكى ىستەر ورگاندارىنىڭ قىزمەتكەرلەرىنە بەلگىلەنگەن مەرزىمىنەن بۇرىن اقشالاي ريزىقتى دەمالىسقا كەتەتىن جانە قىزمەت بويىنشا اۋىساتىندارعا – اعىمداعى جانە كەلەسى ايلارعا, بىراق دەمالىس جانە مەرەكە كۇندەرىن ەسەپتەمەگەندە, دەمالىسقا نەمەسە جاڭا قىزمەت ورنىنا كەتۋگە دەيىن ءۇش جۇمىس كۇننەن كەشىكتىرمەي تولەۋگە جول بەرىلەدى.
4. تولىق اي قىزمەت ەتپەگەن قىزمەتكەرگە تيەسىلى اقشالاي ريزىقتىڭ مولشەرى وسى ايدا قىزمەت ەتكەن كۇنتىزبەلىك كۇننىڭ ناقتى سانىنا قاراي ايقىندالادى.
تولىق ەمەس ايعا اقشالاي ريزىقتى تولەۋ كەزىندە ءبىر كۇنتىزبەلىك كۇنگە تولەم مولشەرى وسى ايداعى كۇنتىزبەلىك كۇننىڭ سانىنا تولىق ايعا تيەسىلى اقشالاي ريزىق سوماسىن ءبولۋ ارقىلى ايقىندالادى.
ەگەر اقشالاي ريزىق تولەنەتىن كەزەڭدە ىشكى ىستەر ورگاندارىنىڭ قىزمەتكەرىنە باستاپقى كوەففيتسيەنت بەلگىلەنسە نەمەسە لاۋازىمدىق جالاقىلارىنا جانە ساۋىقتىرۋعا ارنالعان جاردەماقىلارىنا, سونداي-اق لاۋازىمدىق جالاقىلارىنا ۇستەمەاقىلاردى ەسەپتەۋ ءۇشىن كوەففيتسيەنتتى كەزەكتى رەت ارتتىرىلسا اقشالاي ريزىق كوەففيتسيەنت نەمەسە ۇستەمەاقى بەلگىلەنگەن كۇننەن باستاپ كورسەتىلگەن وزگەرىستەردى ەسكەرە وتىرىپ, تولەنەدى.
5. ىشكى ىستەر ورگاندارىنىڭ كادرىندا قالدىرا وتىرىپ, قازاقستان رەسپۋبليكاسى پرەزيدەنتىنىڭ اكىمشىلىگىنە, قازاقستان رەسپۋبليكاسى پارلامەنتى پالاتالارىنىڭ اپپاراتتارىنا, قازاقستان رەسپۋبليكاسى پرەمەر-ءمينيسترىنىڭ كەڭسەسىنە جانە وزگە دە مەملەكەتتىك ورگاندارعا, سونداي-اق حالىقارالىق ۇيىمدارعا ىسساپارعا جىبەرىلگەن ىشكى ىستەر ورگاندارىنىڭ قىزمەتكەرلەرىنە اقشالاي ريزىق پەن وزگە دە تولەمدەر «قۇقىق قورعاۋ قىزمەتى تۋرالى» قازاقستان رەسپۋبليكاسىنىڭ زاڭىن ىسكە اسىرۋدىڭ كەيبىر ماسەلەلەرى» قازاقستان رەسپۋبليكاسى ۇكىمەتىنىڭ 2011 جىلعى 20 قازانداعى № 1192 قاۋلىسىمەن بەكىتىلگەن قازاقستان رەسپۋبليكاسىنىڭ قۇقىق قورعاۋ ورگاندارىنىڭ قىزمەتكەرلەرىن قازاقستان رەسپۋبليكاسىنىڭ مەملەكەتتىك ورگاندارى مەن حالىقارالىق ۇيىمدارعا ىسساپارعا جىبەرۋ قاعيدالارىنا سايكەس جۇرگىزىلەدى.
6. ىشكى ىستەر ورگاندارىنىڭ قىزمەتكەرلەرىنە تيەسىلى جانە ۋاقتىلى تولەنبەگەن نەمەسە تولىق تولەنبەگەن اقشالاي ريزىق بارلىق كەزەڭگە تولەنەدى, كورسەتىلگەن تولەم تولەنبەگەن نەمەسە تولىق تولەنبەگەن قىزمەتكەرلەرگە كەم تولەۋ انىقتالعان نەمەسە نارازىلىق ءبىلدىرۋ كۇنىنە دەيىن, بىراق 3 جىلدان ارتىق ەمەس مەرزىمگە تولەنەدى.
لاۋازىمدىق جالاقىنى ەسەپتەۋگە ارنالعان كوەففيتسيەنتتى بەلگىلەۋ ءۇشىن جەكە ىستەرىندەگى بۇرىن بەلگىسىز بولعان جانە ەسكەرىلمەگەن قىزمەت كەزەڭدەرى راستالعان جاعدايلاردا جاڭا بەلگىلەنگەن مولشەرلەر بويىنشا اقشالاي ريزىق قىزمەتكەرلەر بۇرىن ەسكەرىلمەگەن ەڭبەك سىڭىرگەن جىلدارىن راستايتىن قۇجاتتار ۇسىنعان كۇننەن باستاپ وتكەن ۋاقىتقا قايتا ەسەپتەۋسىز تولەنەدى.
7. وسى قاعيدالاردا كوزدەلگەن جاعدايلاردا قالارالىق اۆتوموبيل (تاكسيدەن باسقا), تەمىر جول جانە سۋ كولىگىمەن بارىپ-قايتۋعا ارنالعان شىعىستاردى وتەۋ قازاقستان رەسپۋبليكاسى ۇكiمەتiنiڭ 2000 جىلعى 22 قىركۇيەكتەگi № 1428 قاۋلىسىمەن بەكىتىلگەن مەملەكەتتiك بيۋدجەتتiڭ ەسەبiنەن ۇستالاتىن مەملەكەتتiك مەكەمەلەر قىزمەتكەرلەرiنiڭ, سونداي-اق قازاقستان رەسپۋبليكاسىنىڭ پارلامەنتi دەپۋتاتتارىنىڭ قازاقستان رەسپۋبليكاسىنىڭ شەگiندەگi قىزمەتتiك iسساپارلارى تۋرالى ەرەجەگە سايكەس جۇزەگە اسىرىلادى.
2. لاۋازىمدىق جالاقىلار, ارناۋلى اتاعىنا قوسىمشا اقىلار
8. ىشكى ىستەر ورگاندارىنىڭ قىزمەتكەرلەرىنە لاۋازىمدىق جالاقىلار, ارناۋلى اتاعى ءۇشىن قوسىمشا اقىلار «قازاقستان رەسپۋبليكاسىنىڭ مەملەكەتتiك بيۋدجەتi جانە ۇلتتىق بانكiنiڭ سمەتاسى (بيۋدجەتi) ەسەبiنەن قامتىلعان قازاقستان رەسپۋبليكاسى ورگاندارى قىزمەتكەرلەرiنە ەڭبەكاقى تولەۋدiڭ بiرىڭعاي جۇيەسi تۋرالى» قازاقستان رەسپۋبليكاسى پرەزيدەنتىنىڭ 2004 جىلعى 17 قاڭتارداعى № 1284 جارلىعىمەن بەكىتىلەتىن مەملەكەتتىك بيۋدجەت ەسەبىنەن ۇستالاتىن قازاقستان رەسپۋبليكاسى ورگاندارى قىزمەتكەرلەرىنىڭ بىرىڭعاي ەڭبەكاقى جۇيەسىمەن ايقىندالادى.
قىزمەتكەرلەردىڭ لاۋازىمدىق جالاقىلارىنىڭ مولشەرى اتقارىپ وتىرعان لاۋازىمىنا قاراي جانە اتقارىپ وتىرعان لاۋازىمدارىن لاۋازىمدار ساناتىنىڭ توبىنا جاتقىزۋعا, مەملەكەتتىك قىزمەتتەگى ەڭبەك سىڭىرگەن جىلدارى مەن وتىلىنە قاراي ولاردىڭ لاۋازىمدىق جالاقىلارىن جانە ساۋىقتىرۋعا ارنالعان جاردەماقىلارىن ەسەپتەۋ ءۇشىن بەكىتىلگەن ءتيىستى كوەففيتسيەنتتەردى, تۇزەتۋ كوەففيتسيەنتىن ەسكەرە وتىرىپ, بازالىق لاۋازىمدىق جالاقىنىڭ مولشەرىنە كوبەيتۋ ارقىلى ايقىندالادى.
قىزمەتكەرلەرگە ارناۋلى اتاعى ءۇشىن قوسىمشا اقى مولشەرى ءتيىستى كوەففيتسيەنتتەردى بازالىق لاۋازىمدىق جالاقى مولشەرىنە كوبەيتۋ ارقىلى ايقىندالادى.
9. ىشكى ىستەر ورگاندارىنىڭ قىزمەتكەرلەرىنە لاۋازىمدىق جالاقى لاۋازىمعا تاعايىندالعان كۇننەن باستاپ, بىراق كورسەتىلگەن بۇيرىق شىققان كۇننەن ەرتە ەمەس نەمەسە ەگەر لاۋازىمعا تاعايىنداۋ كۇنى كورسەتىلمەسە تاعايىنداۋ تۋرالى بۇيرىققا قول قويىلعان كۇننەن باستاپ تولەنەدى.
ىشكى ىستەر ورگاندارىنىڭ قىزمەتكەرلەرىنە ارناۋلى اتاعى ءۇشىن قوسىمشا اقى تولەۋ اتاق بەرىلگەن كۇننەن باستاپ نەمەسە ەگەر بەرۋ كۇنى بۇيرىقتا كورسەتىلمەسە ارناۋلى اتاقتى بەرۋ تۋرالى بۇيرىققا قول قويىلعان كۇننەن باستاپ جۇرگىزىلەدى.
10. قىزمەتكەرلەرگە لاۋازىمدىق جالاقى ىشكى ىستەر ورگاندارىنىڭ شتاتىندا كورسەتىلگەن لاۋازىمدار ساناتى («قازاقستان رەسپۋبليكاسىنىڭ اسكەري قىزمەتشiلەرi, قۇقىق قورعاۋ ورگاندارى, قازاقستان رەسپۋبليكاسى توتەنشە جاعدايلار مينيسترلiگi ورتكە قارسى قىزمەت ورگاندارى مەن پروكۋراتۋرا ورگاندارىنىڭ قىزمەتكەرلەرi لاۋازىمدارىنىڭ ساناتتارى بويىنشا تiزiلiمدەرiن بەكiتۋ تۋرالى» قازاقستان رەسپۋبليكاسى پرەزيدەنتىنىڭ 2004 جىلعى 17 قاڭتارداعى № 1283 جارلىعىنا سايكەس) بويىنشا تولەنەدى.
شتاتتا ەكى اتاۋى بار لاۋازىمدار بويىنشا لاۋازىمدىق جالاقى لاۋازىمنىڭ ءبىرىنشى اتاۋى بويىنشا بەلگىلەنەدى.
11. ورتا باسشى قۇرامنىڭ لاۋازىمىنا تاعايىندالعان قاتارداعى جانە كىشى باسشى قۇرام قىزمەتكەرلەرىنە بەلگىلەنگەن اتقاراتىن شتاتتىق لاۋازىمى بويىنشا جالاقى, ارناۋلى اتاعى بويىنشا قوسىمشا اقى تولەنەدى.
3. قىزمەت وتكەرۋدىڭ ەرەكشە جاعدايلارى ءۇشىن ۇستەمەاقىلار جانە قازاقستان رەسپۋبليكاسىنىڭ زاڭناماسىندا كوزدەلگەن قوسىمشا ەڭبەكاقى تولەۋ
12. قىزمەتتىڭ ەرەكشە جاعدايلارى ءۇشىن ۇستەمەاقى نەگىزگى نەمەسە ۋاقىتشا اتقاراتىن لاۋازىمى بويىنشا الاتىن ناقتى جالاقىسىنا تولەنەدى.
13. ەگەر ۇستەمەاقى تولىق ەمەس ايعا تولەنۋى ءتيىس بولسا, ونىڭ سوماسى ۇستەمەاقىنىڭ كورسەتىلگەن شەكتى مولشەرىنە جانە وسى ايعا كۇنتىزبەلىك كۇننىڭ سانىنا قاراي بەلگىلەنەدى.
14. قىزمەتتىڭ ەرەكشە جاعدايلارى ءۇشىن ۇستەمەاقى ىشكى ىستەر ورگانى باسشىسىنىڭ بۇيرىعى نەگىزىندە ۇستەمەاقى بەلگىلەگەن كۇننەن باستاپ, بىراق بۇيرىقتا كورسەتىلگەن كۇننەن ەرتە ەمەس نەمەسە بۇيرىقتا ۇستەمەاقى نى بەلگىلەۋ كۇنى كورسەتىلمەسە, ۇستەمەاقى بەلگىلەۋ تۋرالى بۇيرىققا قول قويىلعان كۇننەن باستاپ تولەنەدى.
15. قىزمەتتىڭ ەرەكشە جاعدايلارى ءۇشىن قىزمەتكەرلەرگە ۇستەمەاقى تولەۋ لاۋازىمنان بوساتىلعان كۇننەن باستاپ نەمەسە ۇستەمەاقى تولەۋ كوزدەلمەگەن لاۋازىمدى ۋاقىتشا اتقارۋعا كىرىسكەن كۇننەن باستاپ توقتاتىلادى.
16. قىزمەتتىڭ ەرەكشە جاعدايلارى ءۇشىن ۇستەمەاقى اعىمداعى جىلعا اقشالاي ۇستاۋ تولەۋمەن بىرۋاقىتتا تولەنەدى.
17. ىشكى ىستەر ورگاندارىنىڭ قىزمەتكەرلەرىنە قوسىمشا تولەم سەمەي يادرولىق پوليگونىنداعى يادرولىق سىناقتار اۋماعىندا تۇرعانى ءۇشىن جانە ەكولوگيالىق زارداپ شەككەن ايماقتاردا تۇرعانى ءۇشىن قازاقستان رەسپۋبليكاسىنىڭ «سەمەي يادرولىق سىناق پوليگونىنداعى يادرولىق سىناقتاردىڭ سالدارىنان زارداپ شەككەن ازاماتتاردى الەۋمەتتiك قورعاۋ تۋرالى» 1992 جىلعى 18 جەلتوقسانداعى جانە «ارال وڭىرىندەگى ەكولوگيالىق قاسىرەت سالدارىنان زارداپ شەككەن ازاماتتاردى الەۋمەتتىك قورعاۋ تۋرالى» 1992 جىلعى 30 ماۋسىمداعى زاڭدارىندا ايقىندالاتىن مولشەردە جانە تارتىپپەن كوەففيتسيەنتتەردى قولدانا وتىرىپ, ەڭبەكاقى بەلگىلەنەدى.
18. قىزمەت وتكەرۋدىڭ ەرەكشە جاعدايلارى ءۇشىن ۇستەمەاقى مولشەرلەرى قازاقستان رەسپۋبليكاسىنىڭ پرەزيدەنتى بەكىتەتىن مەملەكەتتىك بيۋدجەت ەسەبىنەن ۇستالاتىن قازاقستان رەسپۋبليكاسى ورگاندارى قىزمەتكەرلەرىنىڭ بىرىڭعاي ەڭبەكاقى تولەۋ جۇيەسىمەن بەلگىلەنەدى.
4. قازاقستان رەسپۋبليكاسى ءىىم-ءنىڭ, شەت ەلدەر وقۋ ورىندارىنىڭ كۋرسانتتارىنا (تىڭداۋشىلارىنا), ماگيسترانتتارىنا, دوكتورانتتارىنا جۇرگىزىلەتىن تولەمدەر
19. جوعارى وقۋ ورىندارىنىڭ كۋرسانتتارىنا (تىڭداۋشىلارىنا) وقۋ ورنىنا قابىلدانعان كۇننەن باستاپ لاۋازىمدىق جالاقى (شاكىرتاقى) تولەنەدى.
20. كۋرسانتتاردىڭ (تىڭداۋشىلاردىڭ) لاۋازىمدىق جالاقىلارى كۋرستانتتاردىڭ (تىڭداۋشىلاردىڭ) لاۋازىمدىق جالاقىلارىن (شاكىرتاقىلارىن) ەسەپتەۋ ءۇشىن بەكىتىلگەن ءتيىستى كوەففيتسيەنتتەردى بازالىق لاۋازىمدىق جالاقىنىڭ مولشەرىنە كوبەيتۋ ارقىلى ايقىندالادى.
21. وقۋ كۋرسىنا بايلانىستى لاۋازىمدىق جالاقى (شاكىرتاقى) الاتىن, كەلەسى كۋرسقا كوشىرىلگەن كۋرستانتتارعا (تىڭداۋشىلارعا) وسى وقۋ كۋرسى بويىنشا جالاقى (شاكىرتاقى) كەلەسى كۋرسقا كوشكەنى تۋرالى بۇيرىققا قول قويىلعان كۇننەن باستاپ, بىراق جاڭا وقۋ جىلى باستالاردان ەرتە ەمەس مەرزىمدە تولەنەدى.
22. ءىىم وقۋ ورىندارىنىڭ ماگيستراتۋراسىنا جانە دوكتارانتۋراسىنا قابىلدانعان قىزمەتكەرلەرگە وقۋ ورنىنا جولدانعانعا دەيىن سوڭعى اتقارعان (ۋاقىتشا اتقارعانى ەمەس) شتاتتىق لاۋازىمى بويىنشا لاۋازىمدىق جالاقىنىڭ جەتپىس پايىزى مولشەرىندە لاۋازىمدىق جالاقى, سونداي-اق ارناۋلى اتاعى ءۇشىن قوسىمشا اقى وقۋ ۋاقىتىنا بەلگىلەنەدى.
23. ىشكى ىستەر ورگاندارىنا ديپلوم الۋ الدىنداعى پراكتيكادان ءوتۋ ءۇشىن جىبەرىلگەن جانە ىشكى ىستەر ورگاندارىنىڭ شتاتتىق لاۋازىمىنا تاعايىندالعان كۋرسانتتارعا (تىڭداۋشىلارعا) ديپلوم الدىنداعى پراكتيكادان ءوتۋ جەرى بويىنشا ءبىلىم الۋشىلاردىڭ قورىتىندى اتتەستاتتاۋدان ءوتۋى ءۇشىن وقۋ ورىندارىنا ىسساپارعا جىبەرىلگەن كۇن بويىنشا شتاتتىق لاۋازىمدا بولۋ كەزەڭىنە اقشالاي ۇستاۋ تولەنەدى, ول تۋرالى اقشالاي اتتەستاتتا ءتيىستى جازبالار جاسالادى.
24. قازاقستان رەسپۋبليكاسى ىشكى ىستەر مينيسترلىگى وقۋ ورىندارىنىڭ كۋرسانتتارىنا (تىڭداۋشىلارىنا) كانيكۋلدىق دەمالىستار كەزەڭىندە تۇرعىلىقتى تۇراتىن جەرىنە بارىپ-قايتۋعا قالاارالىق اۆتوموبيل (تاكسيدەن باسقا), تەمىر جول جانە سۋ كولىگىنە جول ءجۇرۋ قۇنى تولەنەدى.
25. جوعارى وقۋ ورنىنان كەيىنگى ءبىلىم بەرۋ باعدارلامالارى بويىنشا شەت ەلدەردىڭ قۇقىق قورعاۋ ورگاندارىنىڭ جوعارى وقۋ ورىندارىندا وقيتىن قىزمەتكەرلەرگە وقۋمەن بايلانىستى تولەم, ونىڭ ىشىندە اقشالاي ۇستاۋ حالىقارالىق كەلىسىمدەرگە سايكەس جۇزەگە اسىرىلادى.
26. شەت ەلدەردىڭ قۇقىق قورعاۋ ورگاندارىنىڭ (پوليتسيا) ءبىلىم بەرۋ ۇيىمدارىندا كۇندىزگى نىسان بويىنشا وقيتىن قىزمەتكەرلەرگە (تىڭداۋشىلارعا) كانيكۋلدىق دەمالىس كەزەڭىندە وقۋ ورنىنا بارىپ-قايتۋعا ارنالعان شىعىستار وتەلەدى.
5. كادرلاردىڭ بىلىكتىلىگىن ارتتىرۋ جانە قايتا دايارلاۋ
كۋرستارىندا وقۋ ۋاقىتىنا جۇرگىزىلەتىن تولەمدەر
27. قازاقستان رەسپۋبليكاسىنىڭ جانە شەت ەلدەردىڭ قۇقىق قورعاۋ ورگاندارىنىڭ ءبىلىم بەرۋ ۇيىمدارىندا وقيتىن قىزمەتكەرلەرگە كادرلاردىڭ بىلىكتىلىگىن ارتتىرۋ جانە قايتا دايارلاۋ كۋرستارىندا وقۋ ۋاقىتىنا, سونداي-اق وقۋ ورنىنا بارىپ-قايتۋ جولىنا نەگىزگى شتاتتىق لاۋازىم بويىنشا الاتىن اقشالاي ريزىق تولەنەدى, سونداي-اق وقۋدا بولعان ءاربىر كۇنىنە تاۋلىكتىك تولەنەدى جانە قىزمەتتىك ىسساپارعا بەلگىلەنگەن تارتىپپەن جانە نورمالار بويىنشا تۇرعىن ءۇي-جايدى جالعا الۋ بويىنشا شىعىستار «مەملەكەتتiك بيۋدجەتتiڭ ەسەبiنەن ۇستالاتىن مەملەكەتتiك مەكەمەلەر قىزمەتكەرلەرiنiڭ, سونداي-اق قازاقستان رەسپۋبليكاسىنىڭ پارلامەنتi دەپۋتاتتارىنىڭ قازاقستان رەسپۋبليكاسىنىڭ شەگiندەگi قىزمەتتiك iسساپارلارى تۋرالى ەرەجەنى بەكىتۋ تۋرالى» قازاقستان رەسپۋبليكاسى ۇكiمەتiنiڭ 2000 جىلعى 22 قىركۇيەكتەگi № 1428 قاۋلىسىمەن بەلگىلەنگەن تارتىپپەن جانە نورمالار بويىنشا وتەلەدى.
28. ىشكى ىستەر ورگاندارىنىڭ قىزمەتكەرلەرى يادرولىق سىناقتاردىڭ سالدارى اسەر ەتكەن اۋماقتاردا, ەكولوگيالىق زارداپ ايماقتارىندا تۇرعانى ءۇشىن ناقتى الاتىن قوسىمشا اقى وقۋ ۋاقىتىندا ساقتالادى.
6. لاۋازىمدى ۋاقىتشا اتقارۋ كەزىندە جۇرگىزىلەتىن تولەمدەر
29. نەگىزگى مىندەتتەرىنەن بوساتا وتىرىپ, باسقا لاۋازىمدار بويىنشا مىندەتتەردى ۋاقىتشا اتقارۋ جۇكتەلگەن شتاتتىق لاۋازىمدى اتقاراتىن قىزمەتكەرلەرگە تولەم مىناداي تارتىپپەن جۇرگىزىلەدى:
1) شتاتتىق ورىنباسارلارعا ولاردىڭ وزدەرىنىڭ تىكەلەي باستىقتارىنىڭ بوس ەمەس لاۋازىمدارى بويىنشا قىزمەتتىك مىندەتتەرىنە قاراماستان, اقشالاي ريزىقتى تولەۋ ولاردىڭ نەگىزگى اتقارىپ وتىرعان لاۋازىمى بويىنشا جۇرگىزىلەدى;
2) باسشىنىڭ بوس لاۋازىمى بويىنشا مىندەتتەرىن, ونىڭ ىشىندە ورىنباسارلارىنىڭ دا ۋاقىتشا اتقارۋى كەزىندە, اقى وزگە دە تولەمدەر ەسكەرىلە وتىرىپ, لاۋازىمدى ۋاقىتشا اتقارۋعا كوزدەلگەن جالاقىعا قاراي, بىراق ەكى ايدان اسپايتىن ۋاقىتقا تولەنەدى. كورسەتىلگەن مەرزىم ىشىندە ولاردى وسى لاۋازىمعا تاعايىنداۋ نەمەسە بوس لاۋازىم بويىنشا مىندەتتەردى اتقارۋدان بوساتۋ تۋرالى شەشىم قابىلدانۋى ءتيىس.
مىندەتتەردى ۋاقىتشا اتقارۋدىڭ ءۇزىلىسسىز مەرزىمى بوس لاۋازىم بويىنشا ەكى ايدان, ال بوس ەمەس لاۋازىم بويىنشا – ءتورت ايدان اسپاۋى ءتيىس.
لاۋازىم بويىنشا مىندەتتەردى ۋاقىتشا اتقارۋدىڭ ءۇزىلىسسىز مەرزىمى لاۋازىمدى اتقارۋعا كىرىسكەن كۇننەن باستاپ, بىراق بۇيرىقتا كورسەتىلگەن كۇننەن ەرتە ەمەس, ال كۇنى كورسەتىلمەسە, بۇيرىققا قول قويىلعان كۇننەن ەرتە ەمەس, مىندەتتەرىن اتقارۋدان بوساتىلعان كۇن بويىنشا ەسەپتەلەدى.
لاۋازىم بويىنشا مىندەتتەردى اتقارۋشى رەتىندە تاعايىنداۋ قىزمەتكەرلەردى لاۋازىمعا تاعايىنداۋ جانە ولاردىڭ ورنىن اۋىستىرۋ قۇقىعى بەرىلگەن لاۋازىمدى ادامداردىڭ بۇيرىعىمەن رەسىمدەلەدى.
قىزمەتكەرگە مىندەتتەردى ۋاقىتشا اتقارۋدى جۇكتەۋ جانە ونى وسىعان بايلانىستى نەگىزگى لاۋازىمى بويىنشا مىندەتتەردى اتقارۋدان بوساتۋ, تىكەلەي باسشىسى بولماعان كەزەڭدە ونىڭ لاۋازىمى بويىنشا مىندەتتەردى اتقارۋ قىزمەتكەردىڭ قىزمەتتىك مىندەتتەرىندە كوزدەلگەن جاعدايلاردى قوسپاعاندا, قىزمەتكەرلەردى لاۋازىمعا تاعايىنداۋ باسشىنىڭ بۇيرىعىمەن جۇزەگە اسىرىلادى.
30. لاۋازىمدىق جالاقىدان ەسەپتەلەتىن ءارتۇرلى ۇستەمەاقى تۇرلەرىن ۋاقىتشا اتقارىلاتىن لاۋازىم بويىنشا تولەۋ كەزىندە ناقتى الاتىن جالاقىسى نازارعا الىنادى.
7. ەڭبەككە ۋاقىتشا جارامسىزدىق كەزەڭىندە جۇرگىزىلەتىن تولەمدەر
31. ىشكى ىستەر ورگاندارىنىڭ قىزمەتكەرلەرىنە ەڭبەككە ۋاقىتشا جارامسىزدىقتىڭ بارلىق كەزەڭىندە ەڭبەككە ۋاقىتشا جارامسىزدىعى بويىنشا قىزمەتتىك مىندەتتەرىنەن بوساتۋ پاراقتارىنىڭ نەگىزىندە, سونداي-اق وتباسىنىڭ سىرقات مۇشەسىن كۇتۋ بويىنشا ەڭبەككە ۋاقىتشا جارامسىزدىعى بويىنشا پاراقتاردىڭ نەگىزىندە اقشالاي ريزىق تولىق كولەمدە تولەنەدى.
بارلىق كورسەتىلگەن جاعدايلار بويىنشا قىزمەتكەرلەرگە اقشالاي ريزىق تولەۋ راستايتىن قۇجاتتار ۇسىنعاننان كەيىن عانا جۇرگىزىلەدى.
32. ىشكى ىستەر ورگاندارىنىڭ قاراماعىندا بولۋى كەزەڭىندە سىرقاتتانعان ىشكى ىستەر ورگاندارىنىڭ قىزمەتكەرلەرىنە ەڭبەككە ۋاقىتشا جارامسىزدىعى كەزەڭىنە اقشالاي ۇستاۋ تولەنەدى.
33. جۇكتىلiگi مەن بوسانۋى بويىنشا دەمالىستا, جاڭا تۋعان بالانى (بالالاردى) اسىراپ الۋ دەمالىسىندا, ءۇش جاسقا تولعانعا دەيىنگى بالا كۇتىمى جونىندەگى ەڭبەكاقىسى ساقتالمايتىن دەمالىستا بولۋ كەزەڭىندە ىشكى ىستەر ورگاندارىنىڭ قىزمەتكەرى سىرقاتتانعان كەزدە سىرقاتتانعان كۇندەرى ءۇشىن اقشالاي ريزىق تولەنبەيدى.
ەگەر سىرقاتتانۋ كورسەتىلگەن دەمالىستار اياقتالعاننان كەيىن دە جالعاساتىن بولسا, ءتيىستى دەمالىس اياقتالعان كۇننىڭ كەلەسى كۇنىنەن باستاپ جانە قىزمەتكەردىڭ قىزمەتكە شىعۋ كۇنىنە دەيىن اقشالاي ريزىق تولەنەدى.
8. ىشكى ىستەر ورگاندارىنىڭ قاراماعىندا بولعان ۋاقىتقا جۇرگىزىلەتىن تولەمدەر
34. اتقارىپ وتىرعان لاۋازىمدارىنان بوساتىلعان ىشكى ىستەر ورگاندارىنىڭ قىزمەتكەرلەرىنە ءتيىستى ىشكى ىستەر ورگاندارىنىڭ قاراماعىندا بولعان ۋاقىتىندا اقشالاي ۇستاۋ شتاتتىق لاۋازىمنان بوساتىلعان كۇننەن باستاپ (ياعني سوڭعى اتقارعان لاۋازىمى بويىنشا لاۋازىمدىق جالاقى, ارناۋلى اتاعى ءۇشىن قوسىمشا اقى) جانە تۇرعىن ءۇيدى ۇستاۋعا جانە كوممۋنالدىق قىزمەتتەرگە اقى تولەۋگە اقشالاي وتەماقى تولەنەدى.
تولەمدەر «قۇقىق قورعاۋ قىزمەتى تۋرالى» زاڭمەن بەلگىلەنگەن ءتيىستى ىشكى ىستەر ورگاندارىنىڭ قاراماعىندا بولۋ مەرزىمدەرىنىڭ كەزەڭىندە جۇرگىزىلەدى.
ىشكى ىستەر ورگاندارىنىڭ قىزمەتكەرىن قاراماعىنا قابىلداۋ تۋرالى بۇيرىقتا ولاردىڭ قاراماعىندا بولۋ كەزەڭىندە ىشكى ىستەر ورگاندارىنىڭ قىزمەتكەرلەرىنە ءتيىستى تولەمدى جۇزەگە اسىراتىن ىشكى ىستەر ورگانىنىڭ ءبولىنىسى كورسەتىلەدى.
35. ىشكى ىستەر ورگاندارىنىڭ قىزمەتكەرلەرىنە قاراماعىندا بولۋى ۋاقىتىندا لاۋازىمدىق جالاقى تولەۋ كەزەڭىندە سەمەي يادرولىق پوليگونىنداعى يادرولىق سىناق اۋماقتارىندا تۇرعانى ءۇشىن قوسىمشا تولەم نەمەسە ولارعا كورسەتىلگەن قوسىمشا تولەم بەلگىلەنگەن اۋداندىق جانە جەرگىلىكتى جەردىڭ ىشكى ىستەر ورگاندارىنىڭ قاراماعىندا بولعان جاعدايدا ەكولوگيالىق زارداپ شەككەن ايماقتاردا تۇرعانى ءۇشىن كوەففيتسيەنتتەردى قولدانا وتىرىپ, ەڭبەكاقى ساقتالادى.
36. قاراماعىنا قابىلداۋ تۋرالى بۇيرىققا قول قويىلعان كۇن نەمەسە بۇيرىقتا كورسەتىلگەن كۇن قاراماعىنا قابىلداۋ كۇنى بولىپ ەسەپتەلەدى.
37. قاراماعىندا بولۋ مەرزىمىنە اقشالاي ۇستاۋدى تولەۋ كەزىندە:
دەمالىستاردا بولۋ ۋاقىتى;
دەنساۋلىق ساقتاۋ ۇيىمدارىندا ەمدەلۋدە (اسكەري-دارiگەرلiك كوميسسيانىڭ جولداماسى بويىنشا تەكسەرىلۋدە) بولۋ ۋاقىتى;
بۇرىنعى قىزمەت اتقارعان جەرiنەن تيiستi قۇقىق قورعاۋ ورگانى تۇرعان جەرگە دەيiن جولدا بولۋ ۋاقىتى;
سىرتتاي نەمەسە كەشكى وقۋ نىسانى بويىنشا ءبىلىم الاتىن ادامدار ءۇشىن – بiلiم بەرۋ ۇيىمدارىنىڭ وقۋ-ەمتيحان سەسسيالارىندا بولۋ ۋاقىتى;
قىلمىستىق iس اقتاۋ نەگiزدەرi بويىنشا قىسقارتىلعان نەمەسە اقتاۋ ۇكiمi شىعارىلعان جاعدايلاردا, قاماۋعا الىنعان كۇننەن باستاپ جانە بوساتىلعان كۇنiن قوسا العاندا, قىلمىستىق جاۋاپكەرشىلىككە تارتىلۋعا بايلانىستى قاماۋدا بولۋ ۋاقىتى ەسەپتەلمەيدi.
9. لاۋازىمدىق مىندەتتەرىن اتقارۋدان شەتتەتىلگەندەرگە جانە قاماۋدا بولۋ ۋاقىتىندا, سونداي-اق قىزمەتى قالپىنا كەلتىرىلگەندەرگە جۇرگىزىلەتىن تولەمدەر
38. لاۋازىمدىق مىندەتتەرىن اتقارۋدان شەتتەتىلگەن قىزمەتكەرلەرگە قىلمىستىق پروتسەستى جۇرگىزەتىن ورگان اقشالاي ريزىق تولەۋدى ۋاقىتشا توقتاتادى.
39. قاماۋ تۇرىندە بۇلتارتپاس جازاسى تاڭدالعان قىزمەتكەرلەرگە اقشالاي ريزىقتى تولەۋ قاماۋعا العان كۇننەن باستاپ توقتاتىلادى.
40. لاۋازىمدىق مىندەتتەرىن اتقارۋدان ۋاقىتشا شەتتەتىلگەن قىزمەتكەرلەرگە ىشكى ىستەر ورگانىنىڭ باسشىسى جاۋاپكەرشىلىك تۋرالى ماسەلە شەشىلگەنگە دەيىن قىزمەتتىك تەرگەۋ جۇرگىزگەن جاعدايدا, بىراق ءبىر ايدان ارتىق ەمەس مەرزىمگە اقشالاي ۇستاۋ ساقتالادى.
41. قىلمىس جاساعانى ءۇشىن سوتتالۋىنا بايلانىستى ىشكى ىستەر ورگاندارىنان بوساتىلعان, ال كەيىننەن اقتالعان جانە تيىسىنشە لاۋازىمى مەن ارناۋلى اتاعى قالپىنا كەلتىرىلگەن قىزمەتكەرلەرگە قىزمەتتە امالسىزدان بولماعان ۋاقىتىن ءۇشىن قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسىمەن بەلگىلەنگەن تارتىپپەن اقشالاي ريزىق وتەلەدى.
10. دەمالىستار ۋاقىتىندا جۇرگىزىلەتىن تولەمدەر
42. جىل سايىنعى اقىلى ەڭبەك دەمالىسىنا كەتكەن كەزدە قىزمەتكەرلەرگە اقشالاي ريزىق جانە دەمالىسقا كەتكەن كۇنگە اتقارىپ وتىرعان شتاتتىق لاۋازىمى بويىنشا ەكى لاۋازىمدىق جالاقى مولشەرىندە ساۋىقتىرۋعا ارنالعان جاردەماقى جىلىنا ءبىر رەت نە قىزمەتكەردىڭ ىشكى ىستەر ورگانىنىڭ قاراماعىندا بولعان جاعدايدا قاراماعىنا قابىلدانعان كۇنگە سوڭعى اتقارعان شتاتتىق لاۋازىمى بويىنشا تولەنەدى.
تولەنەتىن جىل سايىنعى ەڭبەك دەمالىسى ءبولىپ بەرىلگەن جاعدايدا ساۋىقتىرۋعا ارنالعان جاردەماقىنى تولەۋ دەمالىستىڭ ءبىرىنشى بولىگىن بەرگەن كەزدە جۇرگىزىلەدى.
43. ىشكى ىستەر ورگاندارىنا قىزمەتكە كەلگەن جىلى ىشكى ىستەر ورگاندارىنىڭ قىزمەتكەرلەرىنە جىل سايىنعى ەڭبەك دەمالىسىن بەرگەن كەزدە ساۋىقتىرۋعا ارنالعان جاردەماقىنىڭ مولشەرى ەكى لاۋازىمدىق جالاقىنى ون ەكى ايعا ءبولىپ جانە الىنعان سومانى قىزمەتكە كەلگەن جىلعا قىزمەتتىڭ تولىق ايىنىڭ سانىنا كوبەيتىپ ەسەپتەلەدى.
قىزمەتتەن بوساتىلعان جىلى تولەنگەن جاردەماقى قايتارۋعا جاتپايدى.
44. بالا كۇتىمى جونىندەگى دەمالىسقا كەتكەن جىلى جانە ودان شىققان كەزدە قىزمەتكەرلەرگە ساۋىقتىرۋعا ارنالعان جاردەماقى مولشەرى جىل سايىنعى ەڭبەك دەمالىسىن بەرگەن كەزدە ەكى لاۋازىمدىق جالاقىنى ون ەكى ايعا ءبولىپ جانە الىنعان سومانى كۇنتىزبەلىك جىلعا قىزمەتتىڭ تولىق ايىنىڭ سانىنا كوبەيتىلىپ ەسەپتەلەدى.
45. ىشكى ىستەر ورگاندارىنا باسقا قۇقىق قورعاۋ ورگاندارىنان, ارناۋلى مەملەكەتتىك ورگانداردان اۋىسۋ (ىسساپارعا جىبەرۋ) تارتىبىمەن قىزمەتكە كەلگەن جانە قارۋلى كۇشتەردىڭ, باسقا اسكەرلەر مەن اسكەري قۇرامالاردىڭ اسكەري قىزمەتشىلەرى قاتارىنان كەلگەن ادامدارعا ساۋىقتىرۋعا ارنالعان جاردەماقى ولار اۋىسقان (كەلگەن) جىلعا بۇرىنعى قىزمەت ورنى بويىنشا ولارعا جاردەماقى تولەنبەۋ فاكتىسى (بۇيرىقتان ءۇزىندى, اقشالاي اتتەستات جانە ت.ب.) راستالعان كەزدە تولەنەدى.
46. قىزمەتكەرلەرگە دەمالىس وتكiزۋ ورنىنا بارۋ جانە قايتۋ جولىنا بەرىلگەن ۋاقىتىن قوسا العاندا, اقىلى جىل سايىنعى ەڭبەك, قىسقا مەرزiمدى, قوسىمشا دەمالىستار ۋاقىتىنا اقشالاي ريزىق ولاردىڭ اتقارىپ وتىرعان لاۋازىمى بويىنشا دەمالىسقا شىققان كۇنi الاتىن مولشەردە تولەنەدi.
اتقارىپ وتىرعان لاۋازىمىنان بوساتىلعان جانە قاراماعىندا بولعان ىشكى ىستەر ورگاندارىنىڭ قىزمەتكەرلەرىنە بەرىلگەن جىل سايىنعى ەڭبەك دەمالىسى ۋاقىتىندا اقشالاي ۇستاۋ قاراماعىندا بولۋ مەرزىمىنە قاراماستان, قاراماعىنا قابىلدانعان كۇنگە نەگىزگى لاۋازىمى بويىنشا الاتىن مولشەردە تولەنەدى.
47. وقۋ ورىنداردىڭ كۋرسانتتارى مەن تىڭداۋشىلارىنىڭ كانيكۋلدىق دەمالىستا بولعان ۋاقىتى ءۇشىن ولارعا وقۋ ۋاقىتىندا الاتىن لاۋازىمدىق جالاقىسى (شاكىرتاقى) تولەنەدى.
48. ءتيىستى ىشكى ىستەر ورگاندارىنا قىزمەتكە ءبولۋ بويىنشا جىبەرىلگەن قازاقستان رەسپۋبليكاسى ىشكى ىستەر مينيسترلىگىنىڭ وقۋ ورىندارىنىڭ تۇلەكتەرىنە وقۋ ورنىن اياقتاعاننان جانە ولاردى لاۋازىمعا تاعايىنداعاننان كەيىن بەرىلەتىن دەمالىس كەزەڭى ءۇشىن ولار تاعايىندالعان شتاتتىق لاۋازىم بويىنشا اقشالاي ريزىق جانە جىلىنا ەكى لاۋازىمدىق جالاقى مولشەرىندە ساۋىقتىرۋعا ارنالعان جاردەماقى تولەنەدى.
49. وقۋدىڭ كۇندىزگى جانە سىرتتاي نىسانى بويىنشا ءىىم وقۋ ورىندارىنا, ونىڭ ىشىندە ماگيستراتۋرا مەن دوكتورانتۋراعا ءتۇسۋ ەمتيحاندارىنا دايىندالۋ جانە تاپسىرۋ ءۇشىن قىزمەتكەرلەرگە ۇسىنىلعان وقۋ دەمالىستارىنىڭ ۋاقىتىنا ولارعا دەمالىسقا كەتكەن كۇنگە نەگىزگى شتاتتىق لاۋازىم بويىنشا اقشالاي ۇستاۋ تولەنەدى, ال باسقا ءبىلىم بەرۋ ۇيىمدارىنا تۇسۋشىلەرگە اقشالاي ۇستاۋ تولەنبەيدى.
50. سىرتتاي وقۋ نىسانى بويىنشا ءىىم ءبىلىم بەرۋ ۇيىمدارىندا وقيتىن قىزمەتكەرلەرگە ەمتيحان تاپسىرۋ كەزەڭىندە ۇسىنىلعان وقۋ دەمالىستارى ۋاقىتىندا اقشالاي ۇستاۋى ساقتالادى, سونداي-اق قازاقستان رەسپۋبليكاسىنىڭ شەگىندە تەمىر جول كولىگىمەن وقۋ ورنىنا بارىپ-قايتۋعا جولاقىسىنىڭ شىعىستارى وتەلەدى.
51. مەملەكەتتىك قىزمەتشىلەردى دايارلاۋ بويىنشا مەملەكەتتىك تاپسىرىس شەڭبەرىندە ءبىلىم بەرۋ ۇيىمدارىنا تۇسكەن قىزمەتكەرلەرگە وقۋ دەمالىسى كەزىندە اقشالاي ريزىق تولەنبەيدى.
11. قىزمەتتiك مiندەتتەرiن اتقارۋ كەزiندە العان جاراقاتى, جارالانۋى (كونتۋزيا الۋى), مەرتىگۋى, ناۋقاستانۋى سالدارىنان بولعان مۇگەدەكتiك بەلگiلەنگەندە نەمەسە قىزمەتتiك مiندەتتەرiن اتقارۋ كەزەڭiندە مەرتiككەن جاعدايدا, سونداي-اق ىشكى ىستەر ورگاندارىنىڭ قىزمەتكەرى قازا تاپقان (قايتىس بولعان) جاعدايدا ىشكى ىستەر ورگاندارىنىڭ قىزمەتكەرىنە جۇرگىزىلەتىن
تولەمدەر
52. قىزمەتكەرلەر قىزمەتتiك مiندەتتەرiن اتقارىپ جۇرگەن كەزەڭiندە مەرتiككەن جاعدايدا, قىزمەتكەرگە قىزمەتتiك مiندەتتەرiن اتقارۋ كەزiندە العان جاراقاتى, جارالانۋى (كونتۋزيا الۋى), مەرتىگۋى, ناۋقاستانۋى ناتيجەسىندە بولعان مۇگەدەكتiك بەلگiلەنگەندە, سونداي-اق ول قىزمەتتىك مىندەتتەرىن اتقارۋ كەزىندە قازا بولعان (قايتىس بولعان) كەزدە نە بولماسا قىزمەتتiك مiندەتتەردi ورىنداۋ ءۇشىن مىندەتتى اتقارۋ كەزiندە العان جاراقات سالدارىنان قىزمەتتەن بوساتىلعاننان كەيiنگi بiر جىل ىشىندە بىرجولعى وتەماقى «قۇقىق قورعاۋ قىزمەتى تۋرالى» قازاقستان رەسپۋبليكاسىنىڭ زاڭىن ىسكە اسىرۋدىڭ كەيبىر ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2011 جىلعى 20 قازانداعى № 1192 قاۋلىسىمەن بەكىتىلگەن قازاقستان رەسپۋبليكاسىنىڭ قۇقىق قورعاۋ ورگانىنىڭ, مەملەكەتتىك فەلدەگەرلىك قىزمەت قىزمەتكەرى ءوزىنىڭ قىزمەتتىك مىندەتتەرىن اتقارۋ كەزەڭىندە مەرتىككەن كەزدە, سونداي-اق ول قازا تاپقان (قايتىس بولعان) جاعدايدا ونىڭ الۋىنا قۇقىعى بار بىرجولعى وتەماقى تولەۋ قاعيدالارىنا سايكەس تولەنەدى.
53. قايتىس بولعان نەمەسە قازا بولعان قىزمەتكەرلەردى جەرلەۋگە ولاردى ءۇش ايلىق اقشالاي ۇستاۋ مولشەرىندە بىرجولعى اقشالاي وتەماقى تولەنەدى.
12. تۇرعىن ءۇيدى ۇستاۋعا جانە كوممۋنالدىق قىزمەتتەرگە اقشالاي وتەماقى تولەۋ
54. ىشكى ىستەر ورگاندارىنىڭ قىزمەتكەرلەرىنە, ونىڭ ىشىندە قاراماعىندا, جۇكتىلىگى مەن بوسانۋى بويىنشا, جاڭا تۋعان بالانى (بالالاردى) اسىراپ الۋىنا بايلانىستى, ءۇش جاسقا تولعانعا دەيىنگى بالا كۇتىمى جونىندەگى ەڭبەكاقىسى ساقتالمايتىن دەمالىستا بولعان قىزمەتكەرلەرگە تۇرعىن ءۇيدى ۇستاۋعا جانە كوممۋنالدىق قىزمەتتەرگە اقى تولەۋ ءۇشىن اقشالاي وتەماقى تولەنەدى.
55. قىزمەتكەرلەرگە اقشالاي وتەماقى تولەۋ قىزمەتكە تۇسكەن كۇننەن باستاپ جۇرگىزىلەدى جانە قىزمەتتەن بوساتىلۋىنا بايلانىستى ىشكى ىستەر ورگاندارىنىڭ جەكە قۇرامىنىڭ تىزىمىنەن الىپ تاستاعان كۇننەن باستاپ توقتاتىلادى.
56. اقشالاي وتەماقىنىڭ مولشەرى ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭعا سايكەس ايقىندالادى.
57. اقشالاي وتەماقىنى تولەۋ تۋىستىق قاتىناستارعا جانە بىرلەسىپ تۇرۋعا (ياعني اكەسىنە, ايەلىنە, بالالارىنا ەگەر ول قىزمەتكەرلەر بولىپ تابىلسا) قاراماستان, ءاربىر قىزمەتكەرگە جۇرگىزىلەدى.
اقشالاي وتەماقى قىزمەتكەرلەرگە اعىمداعى جىلعى اقشالاي ريزىقتى تولەۋمەن بىرۋاقىتتا تولەنەدى.
58. ىشكى ىستەر ورگاندارىنىڭ كادرىندا قالدىرا وتىرىپ, قازاقستان رەسپۋبليكاسى پرەزيدەنتىنىڭ اكىمشىلىگىنە, قازاقستان رەسپۋبليكاسى پارلامەنتى پالاتالارىنىڭ اپپاراتتارىنا, قازاقستان رەسپۋبليكاسى پرەمەر-ءمينيسترىنىڭ كەڭسەسىنە جانە وزگە دە مەملەكەتتىك ورگاندارعا ىسساپارعا جىبەرىلگەن قىزمەتكەرلەرگە اقشالاي وتەماقىنى ىسساپارعا جىبەرىلگەنگە دەيىن ولار شتاتىندا تۇرعان ورگان تولەيدى.
59. قازاقستان رەسپۋبليكاسى ءىىم وقۋ ورىندارىندا كۇندىزگى وقۋ نىسانى بويىنشا ماگيستراتۋرا مەن دوكتورانتۋراداعى وقۋ كەزەڭىندە قىزمەتكەرلەرگە تۇرعىن ءۇيدى ۇستاۋعا جانە كوممۋنالدىق قىزمەتتەرگە اقى تولەۋگە اقشالاي وتەماقى قىزمەتكەردىڭ وقۋ ورنى بويىنشا وقۋ ورىندارى تولەيدى.
شەتەلدىك قۇقىق قورعاۋ ورگاندارىنىڭ وقۋ ورىندارىنىڭ ماگيستراتۋراسى مەن دوكتورانتۋراسىندا كۇندىزگى وقۋ كەزەڭىندە قىزمەتكەرلەرگە تۇرعىن ءۇيدى ۇستاۋعا جانە كوممۋنالدىق قىزمەتتەرگە اقى تولەۋگە اقشالاي وتەماقىنى ولار وقۋعا جىبەرىلگەنگە دەيىن شتاتىندا تۇرعان ورگان تولەيدى.
13. ىشكى ىستەر ورگاندارىنىڭ قىزمەتكەرلەرىنە تۇرعىن ءۇيدى
جالعا الۋ (جالداۋ) ءۇشىن اقشالاي وتەماقى تولەۋ
60. تۇرعىن ۇيگە مۇقتاج ىشكى ىستەر ورگاندارىنىڭ قىزمەتكەرلەرىنە تۇرعىن ۇيمەن قامتاماسىز ەتىلگەنگە دەيىن تۇرعىن ءۇيدى جالعا الۋ (جالداعانى) ءۇشىن وتەماقى تولەنەدى.
61. تۇرعىن ءۇيدى جالعا الۋ (جالداعانى) ءۇشىن وتەماقى تولەۋ ءتارتىبى, سونداي-اق وتەماقى الۋعا قۇقىعى بار ىشكى ىستەر ورگاندارى قىزمەتكەرلەرىنىڭ لاۋازىمدار ساناتىن قازاقستان رەسپۋبليكاسىنىڭ ۇكىمەتى ايقىندايدى.
14. نىساندى كيىم ءۇشىن اقشالاي وتەماقى تولەۋ
62. تىزبەسىن ىشكى ىستەر ءمينيسترى بەكىتەتىن بولىنىستەردىڭ لاۋازىمدارىندا قىزمەت وتكەرەتىن قىزمەتكەرلەرگە نىساندى كيىم ورنىنا اقشالاي وتەماقى تولەنەدى.
63. نىساندى كيىم-كەشەك ءۇشىن اقشالاي وتەماقى ىشكى ىستەر مينيسترلىگىنىڭ ءتيىستى جىلدىڭ 1 قاڭتارىنداعى جاعداي بويىنشا بۇيرىعىمەن بەكىتەتىن ىشكى ىستەر ورگاندارىنىڭ قىزمەتكەرلەرىن نىساندى كيىم-كەشەكپەن جابدىقتاۋ نورمالارى بويىنشا ورتاجىلدىق توزۋ قۇنىنىڭ مولشەرىندە تولەنەدى.
ورتاجىلدىق توزۋ قۇنىن ەسەپتەۋ سوڭعى مەملەكەتتىك ساتىپ الۋ ناتيجەلەرى بويىنشا كەلىسىمشارتتارمەن ايقىندالعان نىساندى كيىمنىڭ ءاربىر زاتىنىڭ قۇنى بويىنشا جۇرگىزىلەدى.
64. نىساندى كيىم ءۇشىن اقشالاي وتەماقى قىزمەتكەرلەرگە ءار جارتى جىلدىقتىڭ سوڭىندا تولەنەدى.
جارتىجىلدىق اقشالاي وتەماقىنىڭ مولشەرى ىشكى ىستەر ورگاندارىنىڭ قىزمەتكەرلەرىن نىساندى كيىممەن جابدىقتاۋ نورمالارى بويىنشا ورتاجىلدىق توزۋ قۇنىن ءتيىستى جىلداعى كۇنتىزبەلىك كۇننىڭ سانىنا ءبولىپ, ءتيىستى جارتى جىلدىقتىڭ كۇنتىزبەلىك كۇنىنىڭ سانىنا كوبەيتە وتىرىپ ەسەپتەلەدى.
65. ىشكى ىستەر ورگاندارىنان قىزمەتتەن بوساتىلعان كەزدە قىزمەتكەرلەرگە نىساندى كيىم ءۇشىن اقشالاي وتەماقى جارتى جىلدىق اقشالاي وتەماقىنىڭ مولشەرى ىشكى ىستەر ورگاندارىنىڭ قىزمەتكەرلەرىن نىساندى كيىممەن جابدىقتاۋ نورمالارى بويىنشا ورتاجىلدىق توزۋ قۇنىن قىزمەتتەن بوساتىلاتىن جىلدىڭ كۇنتىزبەلىك كۇنىنىڭ سانىنا بولە وتىرىپ, وتەماقى تولەۋ جۇزەگە اسىرىلماعان قىزمەتتەن بوساتىلۋ جىلىنىڭ قىزمەتتىڭ كۇنتىزبەلىك كۇنىنىڭ سانىنا كوبەيتە وتىرىپ, ەسەپتەلەتىن مولشەردە تولەنەدى.
66. قىزمەت بويىنشا ءبىر بولىنىستەن ەكىنشى بولىنىسكە ورىن اۋىستىرۋ كەزىندە قىزمەتكەرلەرگە نىساندى كيىم ءۇشىن اقشالاي وتەماقى جارتى جىلدىق اقشالاي وتەماقىنىڭ مولشەرى ىشكى ىستەر ورگاندارىنىڭ قىزمەتكەرلەرىن نىساندى كيىممەن جابدىقتاۋ نورمالارى بويىنشا ورتاجىلدىق توزۋ قۇنىن قىزمەتتەن بوساتىلاتىن جىلدىڭ كۇنتىزبەلىك كۇنىنىڭ سانىنا بولە وتىرىپ, وتەماقى تولەۋ جۇزەگە اسىرىلماعان قىزمەتتەن بوساتىلۋ جىلىنىڭ قىزمەتتىڭ كۇنتىزبەلىك كۇنىنىڭ سانىنا كوبەيتە وتىرىپ, ەسەپتەلەتىن مولشەردە تولەنەدى.
15. ىشكى ىستەر ورگاندارى قىزمەتكەرلەرىنىڭ قىزمەت بويىنشا ورنىن
اۋىستىرۋ جانە جىلجىتۋ كەزىندە كوتەرمە جاردەماقى تولەۋ
67. ءبىر ەلدى مەكەننەن كەمىندە ەلۋ كيلومەتر الىستاعى ەكىنشى ەلدى مەكەنگە كوشۋىنە بايلانىستى ىشكى ىستەر ورگاندارى قىزمەتكەرىنىڭ قىزمەت بويىنشا ورنىن اۋىستىرۋ جانە جىلجىتۋ كەزىندە وعان ەكى ايلىق اقشالاي ۇستاۋ جانە ونىمەن بىرگە كوشكەن وتباسى مۇشەلەرىنىڭ ارقايسىسىنا جارتى ايلىق اقشالاي ۇستاۋ مولشەرىندە كوتەرمە جاردەماقى تولەنەدى.
ىشكى ىستەر ورگاندارى قىزمەتكەرىنىڭ قىزمەت بويىنشا ورنىن اۋىستىرۋ جانە جىلجىتۋ كەزىندە وعان مەملەكەت ەسەبىنەن ون تونناعا دەيىن مەنشىكتى مۇلكىن تاسىمالداۋعا شىعىندار, سونداي-اق ونىمەن بىرگە كوشكەن وتباسى مۇشەلەرىن قوسا وتىرىپ, تەمىر جول, سۋ, اۆتوموبيل كولىگىندەگى جولاقىسى وتەلەدى.
قىزمەت بويىنشا ورنىن اۋىستىرۋ جانە جىلجىتۋ كەزىندە كوتەرمە جاردەماقىعا, كولىكتەگى جولاقىسى ءۇشىن جانە مەنشىكتى مۇلكىن تاسىمالداۋعا ارنالعان شىعىنداردىڭ وتەلۋىنە قۇقىعى بار ىشكى ىستەر ورگاندارى قىزمەتكەرلەرى لاۋازىمدارىنىڭ تىزبەسىن (بۇدان ءارى – تىزبە) قازاقستان رەسپۋبليكاسىنىڭ ۇكىمەتى ايقىندايدى.
68. كوتەرمە جاردەماقى تىزبەدە كوزدەلگەن لاۋازىمعا تاعايىندالۋىنا بايلانىستى كوشىپ كەلگەن ىشكى ىستەر ورگاندارىنىڭ قىزمەتكەرلەرىنە تولەنەدى.
كوتەرمە جاردەماقى قىزمەتكەر تاعايىندالعان نەگىزگى لاۋازىم بويىنشا جالاقىدان تولەنەدى.
كوتەرمە جاردەماقىنى تولەۋ قىزمەتكەردى تاعايىنداۋ تۋرالى ءتيىستى بۇيرىقتا جازىلادى.
69. قىزمەتكەردىڭ جاڭا قىزمەت ورنى بويىنشا تۇراقتى تۇرۋ ءۇشىن ناقتى كوشىپ كەلگەن ىشكى ىستەر ورگانى قىزمەتكەرىنىڭ ءاربىر وتباسى مۇشەسىنە ونىڭ قىزمەت ورنىنا وتباسى مۇشەلەرى كوشىپ كەلگەن كۇنگە نەگىزگى لاۋازىمى بويىنشا قىزمەتكەرگە تيەسىلى جارتى ايلىق اقشالاي ۇستاۋ مولشەرىندە كوتەرمە جاردەماقى تولەنەدى.
70. ىشكى ىستەر ورگاندارىنىڭ قىزمەتكەرلەرىنە كوتەرمە جاردەماقى مىناداي وتباسى مۇشەلەرىنە تولەنەدى: جۇبايى (زايىبى), ەرلi-زايىپتىلاردىڭ ورتاق نەمەسە بiرiنiڭ كامەلەتكە تولماعان (اسىراپ العان, اسىراۋىنداعى نەمەسە قامقورلىعىنداعى) بالالارى; بiلiم بەرۋ ۇيىمدارىنىڭ كۇندiزگi بولiمiندە وقيتىن جيىرما ءۇش جاسقا دەيiنگi (اسىراپ العان, اسىراۋىنداعى نەمەسە قامقورلىعىنداعى) بالالارى جانە جۇبايىنىڭ (زايىبىنىڭ) بالالارى; ون سەگىز جاسقا دەيiن مۇگەدەك بولعان (اسىراپ العان, اسىراۋىنداعى نەمەسە قامقورلىعىنداعى) مۇگەدەك بالالارى جانە جۇبايىنىڭ (زايىبىنىڭ) مۇگەدەك بالالارى; قىزمەتكەردiڭ اسىراۋىنداعى اتا-اناسى جانە جۇبايىنىڭ (زايىبىنىڭ) اتا-اناسى.
اسىراۋىنداعى ادامدار رەتiندە ونىڭ تابىسى ەسەبiنەن ءومiر سۇرەتiن جانە جەكە تابىس كوزi جوق قىزمەتكەردiڭ وتباسى مۇشەلەرى تانىلادى.
وتباسى مۇشەلەرىنە كوتەرمە جاردەماقى تولەۋ كەزىندە جاسى, مۇگەدەكتىگى, اسىراپ الۋ فاكتىسى ىشكى ىستەر ورگانى قىزمەتكەرىنىڭ جاڭا قىزمەت ورنىنا ولاردىڭ كەلگەن كۇنىنە ەسكەرىلەدى.
71. وتباسى مۇشەلەرىنە ارنالعان كوتەرمە جاردەماقى قىزمەتكەرلەرگە ىشكى ىستەر ورگانىنىڭ قارجى بولىنىسىنە مىناداي قۇجاتتاردى ۇسىنعان كەزدە تولەنەدى:
1) ىشكى ىستەر ورگانىنىڭ كادر ءبولىنىسى بەرگەن وتباسى قۇرامى تۋرالى انىقتاما;
2) تۇرعىلىقتى جەرىنەن مەكەنجاي انىقتاماسى;
3) جيىرما ءۇش جاسقا دەيىنگى ادامنىڭ كۇندىزگى وقۋ نىسانىندا وقيتىنى تۋرالى وقۋ ورنىنىڭ انىقتاماسى;
4) وتباسىندا مۇگەدەكتىك توبى بويىنشا ون سەگىز جاسقا جەتپەگەن مۇگەدەك بالالار بولعان جاعدايدا حالىقتى الەۋمەتتىك قورعاۋ مەملەكەتتىك مەكەمەسىنەن مۇگەدەكتىك تۋرالى انىقتاما;
5) بالالاردى قورعاۋ سالاسىنداعى ۋاكىلەتتى ورگاننان كامەلەتكە تولماعاندى قورعانشىلىق جانە قامقورشىلىق تۋرالى انىقتاما;
6) وتباسى مۇشەلەرىنىڭ ادامى دەپ تانۋ نە قىزمەتكەرمەن بىرگە تۇراتىنى تۋرالى سوت شەشىمىنىڭ كوشىرمەسى.
16. ىشكى ىستەر ورگاندارىنان بوساتىلعان كەزدە جۇرگىزىلەتىن تولەمدەر
72. ىشكى ىستەر ورگاندارىنان بوساتىلعان قىزمەتكەرلەرگە:
1) قىزمەتتەن بوساتىلعان كۇنگە لاۋازىم اتقارعاندارعا – قىزمەتتەن بوساتۋ تۋرالى بۇيرىقتا كورسەتىلگەن قىزمەتتەن بوساتۋدىڭ وتكەن كۇنىنىڭ كۇنى بويىنشا نەمەسە ەگەر قىزمەتتەن بوساتۋ كۇنى كورسەتىلمەسە قىزمەتتەن بوساتۋ تۋرالى بۇيرىققا قول قويعان كۇنگە اقشالاي ريزىق تولەنەدى;
2) وقۋ ورىنداردىڭ كۋرسانتتارى مەن تىڭداۋشىلارى – وقۋ ورىنداردىڭ اۋىسپالى قۇرامىنىڭ تىزىمىنەن الىنعان كۇن بويىنشا لاۋازىمدىق جالاقى (شاكىرتاقى) تولەنەدى;
3) قىزمەتتەن بوساتىلعان كۇنگە ىشكى ىستەر ورگاندارىنىڭ قاراماعىندا بولعاندارعا – اقشالاي ۇستاۋدى تولەۋ وسى قاعيدالاردىڭ 36-تارماعىنا سايكەس قاراماعىندا بولۋ كۇنى بويىنشا تولەنەدى.
73. قىزمەتتەن بوساتىلاتىن قىزمەتكەرلەرگە بىرجولعى جاردەماقىلار مىناداي تارتىپپەن جانە مولشەردە:
كۇنتىزبەلىك ون جىلدان از ەڭبەك سىڭىرگەن جانە دەنساۋلىق جاعدايى بويىنشا, شتاتتاردىڭ قىسقارۋىنا بايلانىستى قىزمەتتەن بوساتىلعاندارعا – ءۇش ايلىق اقشالاي ۇستاۋ;
كۇنتىزبەلىك ون جىلدان استام ەڭبەك سىڭىرگەن جانە قىزمەتتە بولۋدىڭ شەكتى جاسىنا تولعاننان كەيىن, دەنساۋلىق جاعدايى بويىنشا نەمەسە شتاتتاردىڭ قىسقارۋىنا بايلانىستى قىزمەتتەن بوساتىلعاندارعا:
ون جىلدان ون بەس جىلعا دەيىن – ءتورت ايلىق اقشالاي ۇستاۋ;
ون بەس جىلدان جيىرما جىلعا دەيىن – بەس ايلىق اقشالاي ۇستاۋ;
جيىرما جىلدان جيىرما بەس جىلعا دەيىن – التى ايلىق اقشالاي ۇستاۋ;
جيىرما بەس جىلدان وتىز جىلعا دەيىن – جەتى ايلىق اقشالاي ۇستاۋ;
وتىز جىلدان اسقاندارعا – سەگىز ايلىق اقشالاي ۇستاۋ تولەنەدى.
ىشكى ىستەر ورگاندارىندا قىزمەت وتكەرۋ كەزەڭىندە مەملەكەتتىك ناگرادالارمەن – وردەندەرمەن ماراپاتتالعان ىشكى ىستەر ورگاندارىنىڭ قىزمەتكەرلەرىنە قىزمەتتەن بوساتىلعان كەزدە بىرجولعى جاردەماقى مولشەرى اقشالاي ۇستاۋدىڭ ەكى جالاقىسىنا ۇلعايادى.
74. بىرجولعى جاردەماقى مولشەرىن ايقىنداۋ ءۇشىن ەڭبەك سىڭىرگەن جىلدارعا زەينەتاقى تولەمىن تاعايىنداۋعا كۇنتىزبەلىك ەسەپتەلگەن ەڭبەك سىڭىرگەن جىلدارى قابىلدانادى.
بىرجولعى جاردەماقى سوڭعى شتاتتىق لاۋازىم بويىنشا تولەنەتىن لاۋازىمدىق جالاقىعا, قىزمەتتەن بوساتىلعان كۇنگى ارناۋلى اتاعى ءۇشىن قوسىمشا اقىعا قاراي ەسەپتەلەدى.
قۇقىق قورعاۋ ورگانىنىڭ قىزمەتكەرى قۇقىق قورعاۋ ورگاندارىنا قايتادان (كەيىننەن) قىزمەتكە قابىلدانعاننان كەيىن قىزمەتتەن بوساتىلعان كەزدە بىرجولعى جاردەماقى مولشەرىن ايقىنداۋ كەزىندە قىزمەتتىڭ بىرجولعى (جۇمىستان شىعۋ) جاردەماقىسى تولەنبەگەن كەزەڭى ەسەپكە الىنادى.
75. ەڭبەك سىڭىرگەن جىلدارى ءۇشىن زەينەتاقى تولەمىن الۋ قۇقىعىنسىز قىزمەتتەن بوساتۋ كەزىندە بىرجولعى جاردەماقىلار تولەۋمەن قاتار ىشكى ىستەر ورگاندارىنىڭ ورتا, اعا جانە جوعارى باسشى قۇرام ادامدارىنا, قىزمەتتە بولۋدىڭ شەكتى جاسىنا تولعاننان كەيىن, دەنساۋلىق جاعدايى بويىنشا نەمەسە شتاتتاردى قىسقارتۋعا بايلانىستى قىزمەتتەن بوساتىلعاندارعا ارناۋلى اتاقتار ءۇشىن قوسىمشا اقىلارى قىزمەتتەن بوساتىلعان كۇننەن باستاپ ءبىر جىل بويى ساقتالادى.
بۇل رەتتە ەگەر كورسەتىلگەن مەرزىم ىشىندە قىزمەت اتقارىپ جۇرگەن ىشكى ىستەر ورگاندارىنىڭ باسشى قۇرامى ادامدارىنىڭ ارناۋلى اتاقتارى ءۇشىن قوسىمشا اقىل
• 05 مامىر, 2015
قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى №808
سوڭعى جاڭالىقتار
قازاقستاندا ءبىر پالاتالى قۇرىلتايدى ىقتيمال تاراتۋ تەتىگىن نەعۇرلىم يكەمدى ەتۋ ۇسىنىلدى
اتا زاڭ • بۇگىن, 17:58
حالىقارالىق زاڭگەرلەر قاۋىمداستىعى: جاڭا كونستيتۋتسيا جوباسى حالىقارالىق ستاندارتتارعا ساي
اتا زاڭ • بۇگىن, 17:48
«ارداگەرلەر ۇيىمى» جاڭا كونستيتۋتسيا جوباسىن قولدادى
اتا زاڭ • بۇگىن, 17:32
جاڭا كونستيتۋتسيا جوباسىندا ادام مەن ازاماتتىق قۇقىقتىڭ ارا-جىگىن اجىراتۋ ۇسىنىلدى
قۇقىق • بۇگىن, 17:25
مارات شيبۇتوۆ: اتا زاڭ جوباسى جالپىحالىقتىق رەفەرەندۋمعا شىعارۋعا دايىن
اتا زاڭ • بۇگىن, 17:20
پرەزيدەنت ازيا ينفراقۇرىلىمدىق ينۆەستيتسيالار بانكىنىڭ باسشىسىن قابىلدادى
پرەزيدەنت • بۇگىن, 17:16
كونستيتۋتسيالىق كوميسسيا جاڭا اتا زاڭدا ۆولونتەرلىك قىزمەت مارتەبەسىن بەكىتۋدى قولدادى
اتا زاڭ • بۇگىن, 17:13
ماڭعىستاۋلىق پەداگوگتەر حالىقارالىق جوبادا جەڭىمپاز اتاندى
ەكولوگيا • بۇگىن, 17:01
قازاقستان حالىق پارتياسى وڭىرلەردە كونستيتۋتسيالىق رەفورما بارىسىن ءتۇسىندىردى
ايماقتار • بۇگىن, 17:00
قازاقستاندا جىل سايىن 80 مىڭ ەم الۋشى دونورلىق قان الادى
مەديتسينا • بۇگىن, 16:58
سەمەيدە تەرروريزمدى ناسيحاتتاعان ازامات 7 جىلعا سوتتالدى
وقيعا • بۇگىن, 16:52
مەملەكەت باسشىسى Sunwah Group كورپوراتسياسىنىڭ توراعاسىن قابىلدادى
پرەزيدەنت • بۇگىن, 16:44
قوستاناي وبلىسىنىڭ الەۋمەتتىك سالالارىن دامىتۋ: ۇكىمەتتە قانداي ماسەلەلەر كوتەرىلدى؟
ايماقتار • بۇگىن, 16:36
جاڭا كونستيتۋتسيا: ساراپشىلار قوعامدىق تۇراقتىلىق پەن دامۋعا قولداۋ ءبىلدىردى
قوعام • بۇگىن, 16:32
