فوتو: Orda.kz
ءىس المالى اۋداندىق سوتىندا قارالىپ جاتىر. ALA Hostel ديرەكتورى ادىلبەك مۇحامەدياروۆ پەن «گيدسەرۆيس» كومپانياسىنىڭ يەسى الەكساندر پەكەلنيككە قر قىلمىستىق كودەكسىنىڭ 292-بابى 3-بولىگى ء(ورت قاۋىپسىزدىگى تالاپتارىن بۇزۋ, ابايسىزدا ەكى نەمەسە ودان دا كوپ ادامنىڭ ولىمىنە اكەلۋ) بويىنشا ايىپ تاعىلعان.
سۋديا ەرنار قاسىمبەكوۆ ادىلبەك مۇحامەدياروۆقا قاتىستى بۇلتارتپاۋ شاراسىن نەعۇرلىم جەڭىل – ۇيقاماققا وزگەرتۋ تۋرالى شەشىم شىعارعان. سونداي-اق ونىڭ مالىمدەۋىنشە, پروتسەسس التى ايدان بەرى جالعاسىپ كەلەدى. قر قىلمىستىق-پروتسەستىك كودەكسىنىڭ 342-بابىنا سايكەس, ەگەر ورتاشا اۋىر قىلمىسقا قاتىستى ايىپتالۋشى التى ايدان استام ۋاقىت قاماۋدا وتىرسا, سوت بۇلتارتپاۋ شاراسىن ۇيقاماققا نەمەسە باسقا جەڭىل شاراعا وزگەرتۋگە مىندەتتى.
ەستەرىڭىزگە سالا كەتەيىك, 2023 جىلعى 30 قاراشادا الماتى قالاسى, شاريپوۆ كوشەسى, 86 مەكەنجايىندا ورنالاسقان «Almaty Hostel» عيماراتىندا ءورت بولىپ, 13 ادام قازا تاپقان. ولاردىڭ ەكەۋى – وزبەكستان, ەكەۋى – رەسەي, قالعانى – قازاقستان ازاماتتارى بولعان.
