قىزىلجار مەشىتى اۋىزاشار بەردى

پەتروپاۆل. 19 ماۋسىم. «قىزىلجار» مەشىتىنىڭ باس يمامى, وبلىستىڭ ۋاكىل يمامى كەنجەتايقاجى بەيسەمباي ۇلىنىڭ ۇيىمداستىرۋىمەن 500 ادامعا ارنالىپ اۋىزاشار بەرىلدى.   قايىرىمدىلىق شاراعا ايماق باسشىسى ەرىك سۇلتانوۆ قاتىستى. بۇل تۋرالى وبلىستىق ءدىن ىستەرى باسقارماسىنىڭ ماماندارى حابارلادى. تۇركيادان رامازان ايىن وتكىزۋگە ارنايى كەلگەن كاميل گۋل قاري قۇران حاتىم باعىشتادى. ەرىك حامزا ۇلى ءوز سوزىندە مەشىتكە جينالعان جاماعاتتى ورازانىڭ باستالۋىمەن قۇتتىقتاپ, ۇلتارالىق, كونفەسسياارالىق تاتۋلىق, بىرلىك تىلەدى. 15 جاستاعى جاس قاري وماردىڭ دا ارابشاعا جۇيرىكتىگى كورىنىپ تۇردى.  الماتىدا  ۇيىمداستىرىلعان قۇران وقۋ جارىسىندا كوزگە تۇسكەن ول  سۇرەلەردەن ەش  مۇدىرمەدى. اۋىزاشاردا يماندىلىق, قايىرىمدىلىق, ورازانىڭ ساۋابى, يسلام ءدىنىنىڭ ءمان-ماڭىزى جايلى ۋاعىزدار ايتىلىپ, ونىڭ وتكىزىلۋىنە بەلسەنە اتسالىسقان كاسىپكەرلەر قۇرمەتتەلدى. سولاردىڭ ءبىرى سەرمۇحامبەتقاجى ورال ۇلىنا ەرەكشە ءىلتيپات كورسەتىلدى. قازاقستان مۇسىلماندار ءدىني باسقارماسىنىڭ توراعاسى, باس ءمۇفتي ەرجانقاجى مالعاجى ۇلىنىڭ العىس حاتتارىنا ءبىر توپ ەتنومادەني بىرلەستىكتەر يە بولدى. بۇدان كەيىن 500 ادامعا داستارحان جايىلىپ, اۋىزاشار بەرىلدى. الداعى ۋاقىتتا مۇنداي ىزگى ءداستۇردى جەكەلەگەن مۇسىلمان ۇيىمدارى جالعاستىرۋعا نيەت ەتىپ وتىر. ءومىر ەسقالي. دەرەكك: سولتۇستىك قازاقستان وبلىستىق ءدىن ىستەرى باسقارماسى. سۋرەت: egemen.kz