اباي تاجىك تىلىندە سويلەدى

حاكىم ابايدىڭ “قارا سوزدە­رىمەن” ەندى تاجىك باۋىرلارىمىز دا تانىساتىن بولدى. جاقىندا “پان­دنوما” دەگەن اتپەن جارىق كورگەن كىتاپتىڭ تۇساۋكەسەرى دۋشانبە قالا­سىنداعى جۋرناليستەر وداعى ۇيىندە ءوتىپ, وعان تاجىك ەلىنىڭ زيالى قاۋىمى, قوعام قايراتكەرلەرى مەن باق وكىلدەرى قاتىستى. كىتاپتى تاجىك تىلىنە اۋدارۋ جانە باستىرىپ شىعارۋ – بۇل تاجىكستانداعى قازاق­ستان ەلشىلىگى مەن تاجىكستان جۋر­نا­ليستەر وداعىنىڭ جانە “تاجىكستان-قازاقستان” دوستىق قوعامىنىڭ ءبىر­لەسىپ ۇيىمداستىرعان جوباسى. جيناقتى وقىرمان قاۋىمعا تا­نىستىرا كەلە تاجىكستانداعى قازاق­ستاننىڭ توتەنشە جانە وكىلەتتى ەل­شىسى ءابۋتالىپ احمەتوۆ ابايدىڭ شىعارماشىلىق مۇراسى شەت تىلدەرگە بىرنەشە مارتە اۋدارىلعانىن اتاپ وتە كەلە كىتاپتىڭ تاجىكستان جوعار­عى وقۋ ورىندارى مەن ۇلتتىق كىتاپ­حاناسىنا سىيعا تارتىلاتىنىن دا جەتكىزدى. ال وسى جيناقتىڭ جارىققا شىعۋى تاجىكستاننىڭ مادەنيەت مي­نيسترى ابدۋگاففار ابدۋجابباروۆ­تىڭ پىكىرىنشە, ەكى ەلدىڭ ءوزارا دوس­تىق بايلانىسىن, ىنتىماق­تاستىعىن بۇرىنعىدان دا جاقىنداتا تۇسپەك. تۇساۋكەسەردە ءسوز العان اۋدار­ما­شى, پۋبليتسيست, ابايتانۋشى فات­حۋللو ازيزوۆ بۇل كىتاپتىڭ ارقاۋى – ادامگەرشىلىك تاقىرىبى ەكەنىن اتاپ ءوتىپ, جاڭا كىتاپتىڭ ىشىنەن ءبىراز ۇزىندىلەر وقىدى. ول وسى قارا سوزدەردى اۋدارۋ بارىسىندا بىرقاتار ۇزىندىلەرىن جەرگىلىكتى باسىلىمدارعا جاريالاعان ەكەن. تاجىك باۋىرلار بىردەن قىزىعۋشىلىق تانىتىپتى. سونداي-اق تاجىكستان-رەسەي ۋني­ۆەرسيتەتىنىڭ پروفەسسورى ءابدۋساتتار نۇراليەۆ ءوز سوزىندە ابايدىڭ شى­عار­مالارىنىڭ تاجىكتىڭ كلاسسيكالىق شىعارمالارىنا جاقىندىعىن تىلگە تيەك ەتتى. راۋشان نۇعمانبەكوۆا.