فوتو: اشىق دەرەككوزدەن
تسيفرلىق جوبا رەسپۋبليكالىق جانە حالىقارالىق سايىستارعا وقۋشىلاردى دايىنداۋدىڭ ماڭىزدى قۇرالىنا اينالىپ, ونلاين-ءبىلىم الۋ مەن تاجىريبەلى ترەنەرلەرمەن كەڭەسۋ مۇمكىندىگىن ۇسىنىپ, وقۋشىلارعا ءبىلىمىن جەتىلدىرۋگە جانە ينتەللەكتۋالدىق بايقاۋلارعا دايىندىعىن شىڭداۋعا كومەكتەسەدى.
SMART Daryn-دى ىسكە قوسۋدىڭ ءبىرىنشى كەزەڭىندە پروكتورينگ جۇيەسىن قولدانىپ ونلاين-وليمپيادالار مەن كونكۋرستار وتكىزۋ جوسپارلانعان. مينيسترلىك الداعى ۋاقىتتا ونلاين-ساباقتار ۇيىمداستىرىلاتىن مالىمدەدى.
«پلاتفورما دارىندى وقۋشىلاردىڭ دامۋىنا جانە پەداگوگتەردىڭ بىلىكتىلىگىن ارتتىرۋعا جاڭا مۇمكىندىكتەر اشىپ, وقۋ پروتسەسىنە زاماناۋي ءبىلىم بەرۋ تەحنولوگيالارىن ەنگىزۋگە ىقپال ەتەدى. ءبىز SMART Daryn جوباسى دارىندى وقۋشىلار ءۇشىن ساپالى ءبىلىم الۋدى ايتارلىقتاي جەڭىلدەتىپ, ءبىلىم بەرۋ جۇيەسىنىڭ بارلىق قاتىسۋشىلارى اراسىندا ءتيىمدى ءوزارا ارەكەتتەستىك ورناتاتىنىنا سەنىمدىمىز», دەيدى «دارىن» رعپو ديرەكتورى عاجدەمبەك تۇرسىنوۆ.
سونىمەن قاتار پلاتفورمادا دارىندى بالالارعا ارنالعان مامانداندىرىلعان ءبىلىم بەرۋ ۇيىمدارىنا ءتۇسۋ ءۇشىن ەمتيحاندار وتكىزىلەدى.
قازىرگى تاڭدا قازاقستاندا 130-دان استام مامانداندىرىلعان مەكتەپ بار. سونداي-اق SMART Daryn پەداگوگتەر ءۇشىن ادىستەمەلىك ماتەريالدار مەن كەڭەستەردەن تۇراتىن ونلاين-كىتاپحانا ۇسىنادى.
