فوتو: accountingweb.com
ايداربەك حودجانازاروۆ بۇل شاعىمداردى ەلەكتر ەنەرگياسى تاريفتەرىنىڭ قىمباتتاۋى, يندۋستريالىق ايماقتار مەن ينفراقۇرىلىمنىڭ جەتكىلىكسىزدىگى, وتاندىق وندىرۋشىلەردىڭ مەملەكەتتىك ساتىپ الۋلارعا قولجەتىمدىلىگىنىڭ تومەندىگى, اكىمشىلىك كەدەرگىلەر مەن تەكسەرۋلەردىڭ كوبەيۋى, جەدەل مەديتسينالىق جەكەمەنشىك قىزمەتتەردىڭ قۇقىقتىق رەتتەلۋى سىندى 5 تاقىرىپ اياسىنا توپتاستىرعان.
دەپۋتاتتىڭ ايتۋىنشا, اتالعان ماسەلەلەر ەلىمىزدىڭ ەكونوميكالىق دامۋىنا كەرى اسەرىن تيگىزىپ, جاڭا وندىرىستەر مەن جۇمىس ورىندارىن اشۋعا توسقاۋىل بولىپ وتىر.
ول دەپۋتاتتىق ساۋالىندا ماسەلەنى شەشۋدىڭ 5 جولىن قوسا ۇسىندى.
-كەيبىر وڭىرلەردە ەلەكتر ەنەرگياسىنىڭ ءتاريفى كەيىنگى ەكى جىلدا 50-60%-عا وسكەن. اقتوبە وبلىسىندا تاريف 52 تگ/كۆت, تۇركىستان مەن شىمكەنتتە 48 تگ/كۆت جەتكەن. بۇل ءوز كەزەگىندە كاسىپكەرلەردىڭ ىسىنە كەرى اسەرىن تيگىزبەي قويمايدى, - دەگەن ايداربەك حودجانازاروۆ تاريف بەلگىلەۋ جۇيەسىنە قوعامدىق باقىلاۋ ەنگىزىپ, ەلەكتر ەنەرگياسىنىڭ سوڭعى باعاسىنا قانداي دەلدالدار اسەر ەتەتىنىن اشىق جاريالاۋدى ۇسىندى.
سونداي-اق, ەلەكتر ەنەرگياسىنىڭ كوتەرمە جانە بولشەك نارىعىنداعى مونوپولياعا قارسى تەكسەرۋ جۇرگىزىپ, كاسىپكەرلەر ءۇشىن يكەمدى تاريفتىك ساياسات ازىرلەۋ, تۇتىنۋ كولەمىنە قاراي جەڭىلدىكتەر قاراستىرۋ باستاماسىن كوتەردى.
«Respublica» پارتياسىنىڭ توراعاسى يندۋستريالىق ايماقتار مەن ينفراقۇرىلىمدى دامىتۋ, مەملەكەتتىك ساتىپ الۋلارداعى ادىلەتسىز باسەكەگە قاتىستى دا وزەكتى ماسەلەلەردى ورتاعا سالدى.
2023 جىلى قازاقستاندا 12 000 بيزنەستى زاڭسىز تەكسەرۋ دەرەگى تىركەلگەن. الماتىدا تەكسەرۋلەردىڭ 40%-ى سوتتا زاڭسىز دەپ تانىلعانى بەلگىلى بولدى.
«كاسىپكەرلەر تەكسەرۋشى ورگاندار تاراپىنان ادىلەتسىز قىسىمعا ۇشىراپ وتىر. سوندىقتان ءاربىر مەملەكەتتىك ورگاندا بيزنەس ومبۋدسمەنىن ەنگىزىپ, بارلىق تەكسەرۋلەر ء«بىر تەرەزە» قاعيداسى بويىنشا جۇرگىزىلىپ, كاسىپكەرلەر جىلىنا تەك ءبىر رەت ەسەپ بەرۋى ءتيىس.تەكسەرۋلەردى ونلاين تىركەۋ جانە كاسىپكەرلەرگە زاڭسىز تەكسەرۋ جۇرگىزگەن شەنەۋنىكتەردى جاۋاپكەرشىلىككە تارتۋ قاجەت», دەدى ايداربەك حودجانازاروۆ.
