قوستاناي. 10 اقپان. قوستاناي مەن جىتىقارا قالاسىندا يندۋستريالىق ايماق قۇرىلادى. بۇل تۋرالى egemen.kz ءتىلشىسى حابارلادى.
جىتىقارا قالاسىندا بۇل ءۇشىن ينفراقۇرىلىم جۇمىستارىنىڭ 70 پايىزى ءبىتىپ تۇر, قالعان جۇمىستارىن جىل اياعىنا دەيىن اياقتاۋ جوسپارلانعان. ال قوستاناي قالاسىندا يندۋستريالىق ايماق جوباسىنىڭ ازىرگە 400 گەكتار الاڭدى الىپ جاتقان تەحنيكالىق-ەكونوميكالىق نەگىزى قالاندى. بۇل جوبانىڭ قۇرىلىسى 10.3 ميلليارد تەڭگەنى قۇرايدى, ونىڭ ىشىندە وندىرىستىك-سمەتالىق قۇجاتتامالارى 215 ميلليون تەڭگەنى قۇراپ وتىر.
وبلىس اكىمىنىڭ ورىنباسارى سەرگەي كارپليۋك: «قوستاناي قالاسىنداعى يندۋستريالىق ايماقتى ءبىز كولىك-لوگيستيكالىق ورتالىق بولادى دەپ مەجەلەپ وتىرمىز», دەدى. يندۋستريالىق ايماقتار قۇرۋ وبلىستا ءوندىرىستى كلاستەرلىك نەگىزدە دامىتۋعا, ايماقتىق جالپى ءونىمدى ۇلعايتۋعا, سونىمەن قاتار جاڭا جۇمىس ورىندارىن قۇرۋ ەسەبىنەن جۇمىسسىزدار قاتارىن قىسقارتۋعا مۇمكىندىك بەرەتىن بولادى.
ءنازيرا جارىمبەتوۆا.
دەرەك, سۋرەت: egemen.kz.
