الماتى. 19 ماۋسىم. مەگاپوليس قالانىڭ مەرەيىن اسىراتىن مادەني, دەمالىس ورىندارىنىڭ قاتارى كوبەيىپ كەلەدى. سونىڭ ءبىرى – جاپون باعى الماتىداعى تۇڭعىش پرەزيدەنتى ساياباعى پايدا بولدى. قالا تۇرعىندارىنىڭ كوڭىلىنە شۋاق شاشىپ, تۋريستەرگە تاماشا اسەر سىيلايتىن باققا جولى تۇسكەندەر ءوزىن ناعىز جاپونيا ەلىندە جۇرگەندەي سەزىنە الادى. بۇل تۋرالى egemen.kz حابارلادى.
الماتىنىڭ ەڭ كورىكتى جەرىنە قونىس تەپكەن باقتا ءبارى دە بار. بۇل جوبانىڭ اۆتورلارى باق ءوز اتاۋىنا ساي بولۋى ءۇشىن بارلىق جاعدايدى جاساعان.
قالانىڭ تابيعي رەسۋرستارى باسقارماسىنىڭ مالىمدەۋىنشە, ۋاقىت وتە كەلە باق مۇنان دا كوركەم بولا تۇسپەك. قازىردىڭ وزىندە مۇنداعى جاپون حالقىنىڭ اۋا-رايى, جاپون ستيلىندەگى ورىندىقتار مەن شامدار, گۇلزارلار مەن كوگالدار, توعاندار مەن بۇلاقتار كوز تارتادى. مۇندا جاپون ساۋلەت ونەرىنىڭ ۇلگىلەرى دە تاماشا شەشىم تاپقان. تۇندە ساياباقتا شامدار جانىپ تۇرادى.
سونداي-اق, مۇندا كۇنشىعىس ەلىنە ءتان ءتۇرلى دەكوراتيۆتىك اعاشتارعا قوسا, جاپون شيەلەرى مەن جاپون ۇيەڭكىسى كوشەتتەرى وتىرعىزىلدى.
ايتا كەتەيىك, بۇعان دەيىن تۇڭعىش پرەديەنت پاركىندە «جەتى قازىنا» اتتى قازاق ۇلتىن ناسيحاتتايتىن ارنايى باق جاسالعان بولاتىن. قالا اكىمشىلىگى بۇل جوبامەن توقىراپ قالمايتىنىن, كەلەسى جىلى اتالمىش ساياباقتا «ەۋروپالىق باق» پايدا بولادى دەپ وتىر.
ايناش ەسالي.
دەرەك, سۋرەت: egemen.kz.
