فوتو: ۇكىمەتتىڭ ءباسپاسوز قىزمەتى
ايتا كەتەيىك, عىلىمي, عىلىمي-تەحنيكالىق جانە يننوۆاتسيالىق قىزمەتتى سالاارالىق ۇيلەستىرۋ ماقساتىندا 2024 جىلى «عىلىم جانە تەحنولوگيالىق ساياسات تۋرالى» جاڭا زاڭ قابىلداندى.
سونىمەن قاتار بيزنەستىڭ عىلىمعا ينۆەستيتسيا سالۋىن ىنتالاندىرۋ ءۇشىن 2025 جىلدىڭ 1 قاڭتارىنان باستاپ سالىق جەڭىلدىكتەرى ەنگىزىلگەن.
عالىمداردى الەۋمەتتىك قولداۋ باعىتىنا ەرەكشە كوڭىل ءبولىنىپ كەلەدى. پرەمەر-مينيستر جاس مامانداردى عىلىمي ورتاعا تارتۋدىڭ ماڭىزدىلىعىن اتاپ ءوتتى.
«عىلىمنىڭ باسىم باعىتتارى بويىنشا ىرگەلى زەرتتەۋلەرمەن اينالىساتىن عالىمدار تىكەلەي قارجىلاندىرۋعا يە بولدى. جىل سايىن 250-دەن استام جاس عالىم الەمنىڭ جەتەكشى عىلىمي ورتالىقتارىندا تاعىلىمدامادان وتەدى. دوكتورانتۋرا باعدارلامالارى بويىنشا وقۋعا مۇمكىندىك بەرەتىن ءبىلىم بەرۋ گرانتتارىنىڭ سانى ارتىپ كەلەدى. جاستاردىڭ عىلىمداعى ۇلەسى ايتارلىقتاي ءوسىپ, بۇگىندە ول 46%-دى قۇراپ وتىر. جاستاردى ودان ءارى عىلىمعا تارتۋ ءۇشىن ۋنيۆەرسيتەتتەردەگى عىلىمي زەرتتەۋلەردى بەلسەندى دامىتۋ قاجەت», دەدى ولجاس بەكتەنوۆ.
