7 ناۋرىز كۇنى كەشكى ساعات 19:00 شاماسىندا الماتى اۋدانىندا, بەيبىتشىلىك جانە كەلىسىم سارايىنىڭ ماڭىندا اسكەري پاترۋل ءجاسوسپىرىمدى بايقاپ قالادى. ول نە ىستەرىن بىلمەي جالعىز تۇرعان.
ءپاترۋلدىڭ باسشىسى باقىتحان وتەمىسوۆ, سونداي-اق ساربازدار جالعاس اسقاروۆ پەن باعدات قىدىرحانوۆ بالامەن سويلەسىپ, ونىڭ تەلەفونىندا بىرلىكتىڭ تاۋسىلىپ قالعانىن جانە اناسىنا حابارلاسا الماي تۇرعانىن انىقتادى. سونىمەن قاتار, ونىڭ جولاقىسى دا بولماعان.
كەزەكشى سارباز اسەت سۇراعانوۆ بالانىڭ اناسىنا قوڭىراۋ شالىپ, جاعدايدى ءتۇسىندىردى. 20 مينۋتتان كەيىن ايەل كەلىپ, بالاسىن الىپ كەتتى.
