اقمولا وبلىسىنا بەلارۋس رەسپۋبليكاسى ونەركاسىپ مينيسترلىگىنىڭ سىرتقى ەكونوميكالىق قىزمەت باسقارماسىنىڭ باسشىسى ۆلاديمير ۆولچوك باستاعان ءبىر توپ بەلارۋستىك ءىسكەر ازاماتتار كەلدى.
بەلارۋستىكتەردىڭ وڭىرگە ساپارىنىڭ باستى ماقساتى ەۋرازيالىق ەكونوميكالىق وداق اياسىندا قۇرىلعان «اۋىل شارۋاشىلىعى جانە كوممۋنالدىق تەحنيكالارىنىڭ قازاقستان-بەلارۋس يندۋستريالىق-تەحنولوگيالىق پاركى» ينۆەستيتسيالىق جوباسىن جۇزەگە اسىرۋ بارىسىمەن تانىسۋ جانە الداعى جوسپارلارىن تالقىلاۋعا ارنالدى.
اتالعان جوبا 2012 جىلى قولعا الىنا باستادى. مۇنداعى ماقسات بەلارۋس ەلىنىڭ كوممۋنالدىق جانە اۋىل شارۋاشىلىعى سالاسىنىڭ وزىق تەحنيكالارىن ەلىمىزدە قۇراستىرىپ, ەكى ەل اراسىنداعى ساۋدا-ەكونوميكالىق بايلانىستى نىعايتۋ بولىپ تابىلادى. جوبانىڭ ءبىرىنشى كەزەڭىن جۇزەگە اسىرۋ ءۇشىن 2014 جىلى بەلارۋس ەلىنىڭ «مينسك تراكتور زاۋىتى» اشىق اكتسيونەرلىك قوعامى جانە وتاندىق «قازاقستاننىڭ اگرويننوۆاتسيالىق كورپوراتسياسى» جاۋاپكەرشىلىگى شەكتەۋلى سەرىكتەستىگى بىرلەسىپ, «متز-قايك» سەرىكتەستىگىن قۇرعان بولاتىن.
ال وتكەن جىلى اتالعان جوبانى يندۋستريالاندىرۋ كارتاسىنا ەنگىزۋ ءۇشىن وبلىس اكىمدىگىنىڭ جانىنداعى وڭىرلىك ۇيلەستىرۋ كەڭەسىنىڭ شەشىمىمەن قولداۋ تاۋىپ, يندۋستريالاندىرۋ كارتاسىنا ەنگىزىلدى. سونداي-اق, سۋمەن, ەلەكتر قۋاتىمەن جابدىقتاۋ, كارىز جانە جىلۋ جۇيەسى ءتارىزدى ينفراقۇرىلىمدى تارتۋ ماسەلەسى دە وڭ شەشىمىن تاپقان.
جالپى, بەلارۋستىك كومپانيانىڭ اقمولا وبلىسىمەن ىسكەرلىك بايلانىسى 2010 جىلدان باستاۋ الادى. وسى ارالىقتا 5 ميلليونعا جۋىق اقش دوللارىنا 7 ءتۇرلى تەحنيكانىڭ 500 داناسى قۇراستىرىلىپ شىعارىلعان. بۇلار نەگىزىنەن وتانداستارىمىز تاراپىنان سۇرانىسقا يە كوممۋنالدىق جانە اۋىلشارۋاشىلىق تەحنيكالارى بولىپ تابىلادى.
«قازاقستان ءبىزدىڭ ستراتەگيالىق ارىپتەسىمىز. مۇندا بەلارۋس ونىمدەرىنە سۇرانىس جوعارى. وسىنداعى يندۋستريالىق-تەحنولوگيالىق پارك وسى باعىتتا بىرلەسە ىستەپ جاتقان جۇمىستارىمىزدىڭ جەمىسى. سوندىقتان, الداعى ۋاقىتتا ءونىم كولەمىن ارتتىرۋ جوسپاردا بار. بۇل ەكى جاققا ءتيىمدى ەكەندىگى ءسوزسىز», دەيدى بەلارۋس رەسپۋبليكاسى ونەركاسىپ مينيسترلىگىنىڭ سىرتقى ەكونوميكالىق قىزمەت باسقارماسىنىڭ باسشىسى ۆلاديمير ۆولچوك.
باقبەرگەن امالبەك,
«ەگەمەن قازاقستان».
اقمولا وبلىسى.
بەلارۋستىكتەردىڭ وڭىرگە ساپارىنىڭ باستى ماقساتى ەۋرازيالىق ەكونوميكالىق وداق اياسىندا قۇرىلعان «اۋىل شارۋاشىلىعى جانە كوممۋنالدىق تەحنيكالارىنىڭ قازاقستان-بەلارۋس يندۋستريالىق-تەحنولوگيالىق پاركى» ينۆەستيتسيالىق جوباسىن جۇزەگە اسىرۋ بارىسىمەن تانىسۋ جانە الداعى جوسپارلارىن تالقىلاۋعا ارنالدى.
اتالعان جوبا 2012 جىلى قولعا الىنا باستادى. مۇنداعى ماقسات بەلارۋس ەلىنىڭ كوممۋنالدىق جانە اۋىل شارۋاشىلىعى سالاسىنىڭ وزىق تەحنيكالارىن ەلىمىزدە قۇراستىرىپ, ەكى ەل اراسىنداعى ساۋدا-ەكونوميكالىق بايلانىستى نىعايتۋ بولىپ تابىلادى. جوبانىڭ ءبىرىنشى كەزەڭىن جۇزەگە اسىرۋ ءۇشىن 2014 جىلى بەلارۋس ەلىنىڭ «مينسك تراكتور زاۋىتى» اشىق اكتسيونەرلىك قوعامى جانە وتاندىق «قازاقستاننىڭ اگرويننوۆاتسيالىق كورپوراتسياسى» جاۋاپكەرشىلىگى شەكتەۋلى سەرىكتەستىگى بىرلەسىپ, «متز-قايك» سەرىكتەستىگىن قۇرعان بولاتىن.
ال وتكەن جىلى اتالعان جوبانى يندۋستريالاندىرۋ كارتاسىنا ەنگىزۋ ءۇشىن وبلىس اكىمدىگىنىڭ جانىنداعى وڭىرلىك ۇيلەستىرۋ كەڭەسىنىڭ شەشىمىمەن قولداۋ تاۋىپ, يندۋستريالاندىرۋ كارتاسىنا ەنگىزىلدى. سونداي-اق, سۋمەن, ەلەكتر قۋاتىمەن جابدىقتاۋ, كارىز جانە جىلۋ جۇيەسى ءتارىزدى ينفراقۇرىلىمدى تارتۋ ماسەلەسى دە وڭ شەشىمىن تاپقان.
جالپى, بەلارۋستىك كومپانيانىڭ اقمولا وبلىسىمەن ىسكەرلىك بايلانىسى 2010 جىلدان باستاۋ الادى. وسى ارالىقتا 5 ميلليونعا جۋىق اقش دوللارىنا 7 ءتۇرلى تەحنيكانىڭ 500 داناسى قۇراستىرىلىپ شىعارىلعان. بۇلار نەگىزىنەن وتانداستارىمىز تاراپىنان سۇرانىسقا يە كوممۋنالدىق جانە اۋىلشارۋاشىلىق تەحنيكالارى بولىپ تابىلادى.
«قازاقستان ءبىزدىڭ ستراتەگيالىق ارىپتەسىمىز. مۇندا بەلارۋس ونىمدەرىنە سۇرانىس جوعارى. وسىنداعى يندۋستريالىق-تەحنولوگيالىق پارك وسى باعىتتا بىرلەسە ىستەپ جاتقان جۇمىستارىمىزدىڭ جەمىسى. سوندىقتان, الداعى ۋاقىتتا ءونىم كولەمىن ارتتىرۋ جوسپاردا بار. بۇل ەكى جاققا ءتيىمدى ەكەندىگى ءسوزسىز», دەيدى بەلارۋس رەسپۋبليكاسى ونەركاسىپ مينيسترلىگىنىڭ سىرتقى ەكونوميكالىق قىزمەت باسقارماسىنىڭ باسشىسى ۆلاديمير ۆولچوك.
باقبەرگەن امالبەك,
«ەگەمەن قازاقستان».
اقمولا وبلىسى.
