ۆەنەرا – «KEGOC» ورتالىق جۇيەارالىق ەلەكتر تورابى فيليالىنا قاراستى «جەزقازعان» قوسالقى ستانساسىنىڭ 6-رازريادتى ەلەكترمونتەرى. ءوز ءىسىنىڭ حاس شەبەرىنە اينالعانشا قىزىعى مەن قيىندىعى قاتار جۇرگەن تىرشىلىك تەپكىشەكتەرىن باسىپ ءوتتى. استاناعا تاياۋ ارشالى اۋدانىندا كوپبالالى وتباسىندا تۋىپ-وسكەن. مەكتەپتەن سوڭ مەديتسينا سالاسىن تاڭداعان. وعان اياۋلى اناسى مەن تۋعان-تۋىستارى قاتتى قۋاندى. سەبەبى اكەسى قىرىقتان ەندى اسا بەرگەندە كوز جۇمىپ, جەسىر قالعان اناسى 9 بالانى ءوسىرىپ, جەتىلدىرىپ كەلە جاتىر ەدى.
ومىرلىك جارى احاتپەن قاراعاندى مەديتسينا ينستيتۋتىندا وقىپ ءجۇرىپ تانىستى. بىراق وتباسىلىق جاعدايعا بايلانىستى وقۋ ورنىن تولىق اياقتاماي, باسقا ماماندىققا اۋىسىپ كەتتى. 1997 جىلى جەزقازعان پوليتەحنيكالىق ۋنيۆەرسيتەتىن «ەكونوميكا جانە كاسىپورىندى باسقارۋ» ماماندىعى بويىنشا ءبىتىردى. تاۋ-كەن ينجەنەرى, ەكونوميست دارەجەسىن الىپ شىقتى. قىزمەتىن ەنەرگەتيكا سالاسىنا اۋىستىرعاندا ءبىلىمىن تولىقتىرۋدى ويلادى. 2009 جىلى قازاق كولىك ۋنيۆەرسيتەتىن «ەلەكترمەن جابدىقتاۋ» ماماندىعى بويىنشا ءتامامدادى.
ۆەنەرانىڭ باۋىرلارى ونىڭ وتە قامقور, قايىرىمدى جان ەكەنىن ايتادى. ال ارىپتەستەرى كاسىبيلىگى مەن تالاپشىلدىعى تۋرالى اڭگىمەلەيدى. بۇگىندە وتاعاسى ەكەۋى بەرەكەلى وتباسىنىڭ ۇيىتقىسى بولىپ وتىر. بوتاكوز ەسىمدى قىزى استاناداعى قىتاي كومپانياسىندا قىزمەت ىستەسە, ۇلى اسقار «قازاقمىس» كورپوراتسياسىندا ەڭبەك ەتەدى.
«شۋاقتى كوكتەمنىڭ شىرايى – گۇل مەن ايەل عوي. 8 ناۋرىز – ايەلدەردىڭ حالىقارالىق مەرەكەسىندە اياۋلى انام رىمتاي كەنجەبەكقىزىن ەسكە الامىن. جاپ-جاس كەزىندە كۇيەۋى ءبىزدىڭ اكەمىز راحىمتاي كاربوز ۇلىنان ايىرىلىپ, 9 بالانى جالعىز ءجۇرىپ جەتىلدىردى. ءومىردىڭ داڭعىل جولىنا سالدى. وقىتتى, توقىتتى, جان بالاسىنان كەم قىلعان جوق. سونىڭ ارقاسىندا سۇيىكتى ىسىمىزبەن اينالىسىپ, ەل ەكونوميكاسىنا تيتىمدەي بولسا دا ۇلەسىمىزدى قوسىپ وتىرمىز. بارشا ارۋلاردى ايتۋلى مەيراممەن قۇتتىقتايمىن», دەيدى ۆەنەرا.
