كەشە قاسىم-جومارت توقاەۆتىڭ توراعالىق ەتۋىمەن قازاقستان رەسپۋبليكاسى پارلامەنتى سەناتى بيۋروسىنىڭ وتىرىسى بولدى. بيۋرودا ماجىلىستەن تۇسكەن زاڭ جوبالارى ءبولىنىپ بەرىلدى.
كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتى «قازاقستان رەسپۋبليكاسىنىڭ ۇكىمەتى مەن وزبەكستان رەسپۋبليكاسىنىڭ ۇكىمەتى اراسىنداعى ادامداردىڭ رەادميسسياسى تۋرالى كەلىسىمدى جانە قازاقستان رەسپۋبليكاسىنىڭ ۇكىمەتى مەن وزبەكستان رەسپۋبليكاسىنىڭ ۇكىمەتى اراسىنداعى ادامداردىڭ رەادميسسياسى تۋرالى كەلىسىمدى ىسكە اسىرۋ ءتارتىبى تۋرالى اتقارۋ حاتتاماسىن راتيفيكاتسيالاۋ تۋرالى» زاڭ جوباسىن ودان ءارى پىسىقتاۋ جانە قورىتىندى ازىرلەۋگە جاۋاپتى كوميتەت بولىپ بەلگىلەندى.
ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتى «قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى (ەنەرگيا تيىمدىلىگىن ارتتىرۋ جانە جاستار بىرلەستىكتەرىن دامىتۋ باعدارلاماسى ءۇشىن ءبىر دونوردىڭ تراست قورى اكىمشىسى رەتىندە ارەكەت ەتۋشى) اراسىنداعى گرانت تۋرالى كەلىسىمدى (ەنەرگيا تيىمدىلىگىن ارتتىرۋ جوباسى) راتيفيكاتسيالاۋ تۋرالى» زاڭ جوباسى بويىنشا باس كوميتەت بولىپ بەلگىلەندى.
قارجى جانە بيۋدجەت كوميتەتىنە «حالىقارالىق ۆاليۋتا قورى كەلىسىمىنىڭ باپتارىنا تۇزەتۋلەردى راتيفيكاتسيالاۋ تۋرالى» زاڭ جوباسى بەكىتىلدى, الەۋمەتتىك-مادەني دامۋ جانە عىلىم كوميتەتىنە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە الەۋمەتتىك-ەڭبەك سالاسىنداعى مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىمەن شۇعىلدانۋ تاپسىرىلدى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
سوڭعى جاڭالىقتار
ايماقتار • كەشە
دارىگەرلەر ايەلدىڭ انالىق بەزىنەن 6 كگ ىسىكتى الىپ تاستادى
مەديتسينا • كەشە
