كورمە قۇرىلىسىنا وتاندىق كاسىپورىندار تارتىلماق

وتكەن سەنبى كۇنى پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ «استانا ەكسپو-2017» نىساندارىنىڭ قۇرىلىسى بارىسىندا شاعىن جانە ورتا بيزنەس كاسىپورىندارىن تارتۋعا قاتىستى مەملەكەت باسشىسىنىڭ تاپسىرمالارىن ورىنداۋ شەڭبەرىندە كوشپەلى كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. كورمە كەشەنىنىڭ قۇرىلىس الاڭىندا وتكەن كەڭەسكە ورتالىق جانە جەرگىلىكتى مەم­لەكەتتىك ورگانداردىڭ, «استا­نا ەكسپو-2017» ۇك» اق-تىڭ, «ءباي­تەرەك» ۇبح» اق-تىڭ باس­­شىلارى, قۇرىلىس ۇيىم­دارى مەن وڭىرلىك تاۋار ءوندى­رۋ­شىلەردىڭ وكىلدەرى قاتىستى. ءبىرىنشى ۆيتسە-پرەمەر قۇ­رىلىس-مونتاج جۇ­مىس­تارى­نىڭ بارىسىمەن جانە كورمە مەن ەكسپو-قالاشىعى نىسان­دارىنىڭ قۇرىلىسى ءۇشىن ماتەريالداردى جەتكىزۋ جاعدايىمەن تانىستى. «استانا ەكسپو-2017» ۇلت­تىق كومپانياسىنىڭ اقپاراتى بويىنشا, بۇگىنگى كۇنگە قاتىس­تى كورمەنى سالۋشى باس مەردى­گەر­لەر مەن قاراعاندى, پاۆلو­دار جانە سولتۇستىك قازاق­ستان وبلىستارىنىڭ تاۋار ءون­دىرۋشى كاسىپورىندارى جالپى سوماسى شامامەن 3 ملرد. تەڭگەنى قۇرايتىن كەلىسىمدەر بەكىتكەن. ونىڭ سىرتىندا استانالىق كاسىپورىنداردان سوماسى كە­مىندە 50 ملرد.تەڭگە بولاتىن تاۋارلار, جۇمىستار مەن قىز­مەت­تەر ساتىپ الۋ جونىندە ۇلت­تىق كومپانيالار مەن استانا اكىم­دىگى اراسىندا ءوزارا ىنتى­ماق­تاستىق تۋرالى مەموراندۋم بەكىتىلدى. كەڭەس قورىتىندىسى بويىنشا, ب.ساعىنتاەۆ ەكسپو نى­ساندارى قۇرىلىسىنا وتان­دىق تاۋار وندىرۋشىلەردى, شا­عىن جانە ورتا بيزنەستى تار­تۋعا قاتىستى وڭىرلەرمەن جۇ­مىس­تى جانداندىرۋ جونىندە مەم­لەكەتتىك ورگاندار مەن «استانا ەكسپو-2017» ۇك» اق-قا بىرقاتار  تاپسىرمالار بەردى.