ناۋقاس 18 اقپان كۇنى كەۋدە تۇسى قاتتى اۋىرىپ, ەنتىككەن جاعدايدا اۋرۋحاناعا تۇسكەن. حيرۋرگتەر توبى اقپاننىڭ 20-سىنا دەيىن ناۋقاستى وتاعا ابدەن دايىنداپ الىپ, سول كۇنى وكپە بۋللالارىن بەينەتوراكوسكوپيالىق كەسۋ, تىگۋ, جانە وكپەقاپ قۋىسىنا بيۋلاۋ بويىنشا بىلتە قويۋ ادىسىمەن وپەراتسيا جاسادى.
حيرۋرگيانىڭ وزىق ادىستەرى مەن دارىگەرلەردىڭ كاسىبيلىگىنىڭ ارقاسىندا ناۋقاس ءۇشىن وپەراتسيادان كەيىنگى كەزەڭ اسقىنۋسىز, وڭ ديناميكامەن ءوتتى. ەندى مىنە, ناۋقاستىڭ دەنساۋلىعى دۇرىستالعان كەيىن وتباسىنا ورالىپ وتىر.
دەگەنمەن №1 قكا توراكالدى بولىمشەسىنىڭ مەڭگەرۋشىسى نۇرحات ءجۇنىسوۆ بۇل اۋرۋدىڭ اۋىر زارداپتارى تۋرالى ەسكەرتە كەلە: «الىپ بۋللەزدى ەمفيزەما كەزىندە وكپە تىنىندە ءىرى اۋا قۋىستارى (بۋللالار) پايدا بولىپ, قالىپتى گاز الماسۋ ۇدەرىسىن بۇزادى. پاتسيەنت قاتتى ەنتىگىپ, كەۋدە قۋىسىنىڭ اۋىرعانىن سەزەدى, ال بۋللا جارىلعان جاعدايدا پنەۆموتوراكس پايدا بولادى – بۇل قاۋىپتى جاعداي, وندا اۋا پلەۆرا قۋىسىنا شىعىپ, وكپەنىڭ جابىسىپ قالۋىنا دۋشار ەتەدى. دەر كەزىندە حيرۋرگيالىق وپەراتسيا جاسالماسا ناۋقاستا پنەۆموتوراكس قايتالانىپ, پروگرەسسيۆتى تىنىس جەتكىلىكسىزدىگى دامۋى مۇمكىن. زاماناۋي, اعزاعا زاقىمى بارىنشا از ادىستەر ناۋقاستىڭ دەنساۋلىعىن تەز قالپىنا كەلتىرەدى», دەيدى.
الماتى
