شەنەۋنىكتەردىڭ ايتۋىنشا, تەڭىز جاعالاۋىنداعى تۇراقتى جەل ۋاقتىلى جينالماعان قوقىستى ۇشىرىپ, قالانىڭ تازالىعىنا كەرى اسەر ەتەدى. بۇل ماسەلەنى تۇبەگەيلى شەشۋ ءۇشىن اكىمدىك جەراستى كونتەينەرلەرىنورناتپاق.
كتك جازعانداي, قالا بيلىگى بىلتىر 10 جەراستى قوقىس جاشىگىن سىناق رەتىندە ورناتىپ, ولاردىڭ تيىمدىلىگىن تەكسەرگەن. بيىل ءار داناسى 4,5 ميلليون تەڭگە تۇراتىن 192 كونتەينەر ساتىپ الۋ جوسپارلانىپ وتىر.
«بيىل 192 جەراستى كونتەينەرىن ساتىپ الۋ بويىنشا كونكۋرس جۇرگىزىلۋدە. بۇل 192 ورىنعا ورناتىلادى. جالپى العاندا, ءار نۇكتەدە 3 كونتەينەردەن بولاتىندىقتان, بارلىعى 576 كونتەينەر قاراستىرىلعان. بۇرىنعى كونتەينەرلەردىڭ كولەمى 1,75 تەكشە مەتر بولسا, جاڭالارى 1 تەكشە مەتر بولعانىمەن, ىشكى سىيىمدىلىعى ۇلكەنىرەك», – دەدى اقتاۋ قالالىق كوممۋنالدىق شارۋاشىلىق ءبولىمىنىڭ ورىنباسارى باقتيار ماقساتوۆ.
اكىمدىك بۇل جۇيە قالانىڭ تازالىعى مەن ەكولوگيالىق جاعدايىن جاقسارتۋعا كومەكتەسەدى دەپ سەندىرەدى.
