پوشتا بولىمشەسى جاڭعىرتىلدى

اتىراۋدا «اۆانگارد-3» شا­عىن اۋدانىنداعى №9 پوشتا ءبولىم­شەسىنىڭ اۋماعى ەكى ەسەگە, حالىققا قىزمەت كورسەتەتىن وپەراتورلار سانى دا ءۇش ەسەگە ارتىپ وتىر. «قازپوشتا» اكتسيونەرلىك قو­عامى اتىراۋ وبلىستىق فيليا­ل­ىنىڭ ديرەكتورى ەرجان وما­روۆتىڭ ايتۋىنشا, مۇندا ابو­نەنتتىك جاشىكتەر دە ورناتىلدى. ونىڭ جالعا الۋ اقىسى – 1 مىڭ تەڭگەدەن 3 مىڭ تەڭگە ارالىعىندا بەلگىلەنىپتى. سونىمەن بىرگە, تاۋلىك بويى جۇمىس جاسايتىن «24/7» جەلىسى دە ىسكە قوسىلدى. مۇنداعى تاعى ءبىر ەرەكشەلىك – ەلەكتروندى كەزەك ءادىسى قولدانىلادى. بولىمشەدەگى جۇمىس ءتارتىبى بەينەكامەرا ارقىلى باقىلانادى. «بۇگىنگى تاڭدا اتىراۋ وبلى­سىن­دا حالىققا 98 بولىمشە قىزمەت كورسەتەدى. سونىمەن بىرگە, 6 جىلجىمالى بەكەتىمىز بار. بۇل – برون­­دالعان كولىك. وندا نوۋتبۋك, پرين­تەر, GSM-مودەم سەكىلدى وسى زامان­عى تەحنولوگيامەن جۇمىس جاساۋ ءۇشىن دەربەس ەلەكترمەن قامتۋ جۇيەسى ورناتىلعان. قازىر جىلجىمالى بەكەتتەرىمىز قۇرمانعازى, يسا­­تاي, ماحامبەت, يندەر جانە قى­زىل­قوعا اۋداندارىنىڭ ەلدى مەكەن­­دەرىندە قىزمەت كورسەتىپ كەلەدى». جولداسبەك شوپەعۇل, «ەگەمەن قازاقستان». اتىراۋ وبلىسى. سۋرەتتى تۇسىرگەن راحىم قويلىباەۆ.