فوتو: اشىق دەرەككوز
دەنساۋلىق ساقتاۋ مينيسترلىگىنىڭ سانيتاريالىق-ەپيدەميولوگيالىق باقىلاۋ كوميتەتى زەرتحانالىق تەكسەرۋلەردەن كەيىن بۇل ونىمدەردى ساۋدادان الىپ تاستاۋ تۋرالى شەشىم قابىلداعان.
ەستەرىڭىزگە سالا كەتەيىك, اقتوبە وبلىسىنداعى مەكتەپتەردىڭ بىرىندە وقۋشىلار سنەك ونىمدەرىن جەپ ۋلانىپ قالعان ەدى. وسى جاعدايدان كەيىن سانيتاريا ماماندارى دۇكەندەردە ساتىلاتىن ونىمدەرگە مونيتورينگ جۇرگىزىپ, 14 ءتۇرلى سنەكتى زەرتتەگەن.
تەكسەرۋ ناتيجەسىندە ولاردىڭ قۇرامىندا ناتري گلۋتاماتى (ە621), ناتري گۋانيلاتى (ە627) جانە ناتري ينوزيناتى (ە631) سياقتى ءدام كۇشەيتكىشتەر بار ەكەنى انىقتالعان. ايتا كەتەيىك, اتالعان قوسپالاردى قولدانۋ كەدەن وداعىنىڭ تەحنيكالىق تالاپتارىندا قاراستىرىلماعان.
