ەلباسى قابىلدادى

مەملەكەت باسشىسى نۇرسۇلتان نازارباەۆ قازاقستان رەسپۋبليكاسىنىڭ باس پروكۋرورى قايرات ءماميدى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ق.ءمامي ەلباسىنا ەلدەگى زاڭدى­لىق پەن قۇقىقتىق ءتارتىپتىڭ جاي-كۇيى تۋرالى باياندادى. سونى­مەن قا­تار سۋ شارۋاشىلىعى قۇ­رىل­عىلا­رىن­دا, سونداي-اق ازامات­تىق اۆيا­تسيا سالاسىندا قاۋىپ­سىز­دىكتى قام­تا­ماسىز ەتۋگە بايلا­نىس­تى تاپسىرما­لار­دىڭ ورىندالۋى تۋرالى حابارلادى. تەكسەرۋلەر ناتيجەلەرى بوي­ىن­­شا وسى نىسانداردىڭ مەن­شىك يەلەرىنە گيدروبەكەتتەر قۇرىپ, ولار­دى قۇتقارۋ قۇرالدارىمەن جابدىقتاۋ جانە سۋ دەڭگەيىن باسقارۋ جۇيەلەرىندەگى اقاۋلاردى جويۋ جونىندە ۇيعارىم شىعا­رىل­دى. ۋاكىلەتتى جانە جەرگىلىكتى ات­قا­رۋشى ورگاندارعا 77 سۋ شارۋا­شى­لىعىنىڭ قۇرىلعىلارى بوي­ىن­شا شارا قابىلداۋ تاپسى­رىلدى. مەملەكەت باسشىسى باس پروكۋرورعا اقتاۋداعى قاتاڭ تارتىپتەگى تۇرمەدەن قاشقان سوتتالۋشىلارعا قاتىستى ماسەلەنى جەكە باقىلاۋعا الۋدى تاپسىردى. باس پروكۋرور مەملەكەت باس­شى­سىنا قىلمىسكەرلەردىڭ تۇرمە­دەن قاشۋىنا جول بەرگەن قىز­مەت­كەرلەرگە قاتىستى قىلمىستىق ءىس قوزعالعانى تۋرالى حابارلادى.