اتىراۋداعى جول اپاتىندا ۋكراينا ازاماتتارى قايتىس بولدى

اتىراۋ. 9 اقپان. اتىراۋ وبلىسىندا ورىن العان كولىك اپاتىنان ۋكراينانىڭ ءۇش ازاماتى قايتىس بولدى. بۇل تۋرالى egemen.kz ءتىلشىسى حابارلادى. جول-كولىك وقيعاسى 7 اقپاندا 15.30 ساعاتتا اتىراۋ-قۇلسارى-بەينەۋ باعىتىنداعى كۇرە جولدا ورىن العان. الماتى تۇرعىنى باسقارعان «Mercedes-Benz» اۋىر جۇك كولىگى مەن Toyota Previ شاعىن اۆتوبۋسىنىڭ سوقتىعىسقان. جول-كولىك وقيعاسى بولعان جەردە ۋكراينانىڭ ءۇش ازاماتى, ياعني, شاعىن اۆتوبۋستىڭ رولىندە وتىرعان 50 جاسار ەر ادام, سونىمەن بىرگە, 33 جاستاعى ايەل مەن 14 جاسار ءجاسوسپىرىم مەرت بولدى. «ۇشەۋى دە لۋگانسكا قالاسىنىڭ تۇرعىندارى. بۇل ازاماتتار 7 اقپاندا قازاقستان-رەسەي شەكاراسىنداعى «قۇرمانعازى» باقىلاۋ-وتكىزۋ بەكەتى ارقىلى ەل اۋماعىنا وتكەن. قۇجاتتارىنا قاراعاندا ولار دۋشانبە قالاسىنا باعىت العان. جولدىڭ تايعاق بولۋى سالدارىنان شاعىن اۆتوبۋىس قارسى باعىتقا شىعىپ كەتكەن», دەدى اتىراۋ وبلىستىق ىشكى ىستەر دەپارتامەنتىنىڭ ءباسپاسوز حاتشىسى گۇلنازيرا مۇحتاروۆا. جولداسبەك شوپەعۇل. دەرەك: اتىراۋ وبلىستىق ىشكى ىستەر دەپارتامەنتى. سۋرەت: azh.kz.