سولتۇستىك قازاقستان اۋىلدارىنا اقىسىز عالامتور قىزمەتى جەتتى

پەتروپاۆل. 9 اقپان. بۇدان بىلاي سولتۇستىك قازاقستان وبلىسى قىزىلجار اۋدانىنا قاراستى «ياكور» اۋىلىنىڭ تۇرعىندارى دا عالامتوردىڭ مۇمكىندىكتەرىن كەڭىنەن پايدالانا الاتىن بولادى. بۇل تۋرالى «قازپوشتا» اق سولتۇستىك قازاقستان وبلىستىق فيليالىنىڭ ءباسپاسوز قىزمەتى حابارلادى. جەرگىلىكتى جەرلەردەگى پوشتا بولىمشەلەرىندە ينتەرنەت بايلانىسىن جولعا قويۋ ارقىلى ءتيىستى ورىندارعا كەز كەلگەن ءوتىنىش-تىلەكتەردى جەتكىزۋدىڭ قولجەتىمدىلىگىن قامتاماسىز ەتۋ «قازپوشتا» اق جۇمىسىنداعى باسىم باعىتتاردىڭ ءبىرى سانالادى. وسىعان وراي اتالمىش فيليال جىل باسىنان بەرى جامبىل اۋدانىنداعى «بلاگوۆەششەنكا» جانە ماعجان جۇماباەۆ اۋدانىنداعى «سوۆەتسكوە» اۋىلدارىنداعى پوشتا بولىمشەلەرىندە وسىنداي قوسىنداردى ورناتقان بولاتىن. ەندى, مىنە, «ياكور» اۋىلىنىڭ تۇرعىندارى دا اقىسىز عالامتار قىزمەتىنە قوسىلىپ, اقمولا وبلىسىندا ءىسساپاردا جۇرگەن «قازپوچتا» اق باسقارماسىنىڭ توراعاسى باعدات مۋسينمەن ينتەرنەت بايلانىسىنا شىعۋ, وزدەرىن تولعانتقان ماسەلەلەر بويىنشا وي-پىكىرلەر الماسۋ مۇمكىندىگىنە يە بولدى. ءسويتىپ, تۇرعىنداردىڭ سانى ءۇش مىڭنان اساتىن اۋىلدىڭ 50 پايىزى ينتەرنەتكە قوسىلدى. ال جاسى ۇلعايعان جاندار بولماسا ينتەرنەت» ءتىلىن» بىلمەيتىندەر پوشتا بولىمشەسىنە كەلىپ, وپەراتورلاردىڭ كومەگىنە جۇگىنە الادى. فيليال ديرەكتورى ەرىك نۇراقاەۆتىڭ ايتۋىنشا, مۇنداي قاناتقاقتى جوبا – قالالار مەن اۋىلداردىڭ بايلانىسىن نىعايتۋدىڭ بىردەن-ءبىر ءتيىمدى جولى. مەملەكەتتىك سايتتارعا تەگىن كىرۋ, شەتەلدەردە نەمەسە باسقا قالالاردا تۇراتىن تۋعان-تۋىستارمەن سويلەسۋ, تاعى باسقا قىزمەت تۇرلەرى قاراستىرىلعان. بۇگىنگى تاڭدا ءوڭىردىڭ 88 ەلدى مەكەنىندە پوشتا قىزمەتىنىڭ 54 پايىزى اۆتوماتتاندىرىلعان جۇيەگە قوسىلعان. الداعى مىندەت – بارلىق اۋىلدى, ءاربىر تۇرعىندى ينتەرنەتكە قولجەتىمدى جولدارىن قاراستىرۋ. ءومىر ەسقالي. دەرەك: «قازپوشتا» اق سولتۇستىك قازاقستان وبلىستىق فيليالىنىڭ ءباسپاسوز قىزمەتى. سۋرەت: egemen.kz.