ماڭعىستاۋدا اسسامبلەيا جىلى ەرەكشە اتاپ وتىلەدى

اقتاۋ. 9 اقپان. ماڭعىستاۋ وبلىسىندا اسسامبلەيا جىلى جاسالاتىن بىرقاتار شارالار تۋرالى ايتىلدى. بۇل تۋرالى egemen.kz ءتىلشىسى حابارلادى. ماڭعىستاۋدا مەرەكەلىك شارالاردىڭ العاشقى لەگى اقپان ايىندا باستالادى. ەتنو-مادەني بىرلەستىكتەر شىعارماشىلىق ۇجىمدارىنىڭ ونەر بايقاۋى ءوتىپ, وندا وزگە ۇلت وكىلدەرى مەملەكەتتىك تىلدە ءان ورىنداپ, ۇلتتىق اسپاپتا ويناۋ شەبەرلىكتەرىن سىنعا سالادى. سودان سوڭ ەتنو-مادەني بىرلەستىكتەر جاستارى اراسىندا قازاق ءتىلىن ءبىلۋ دەڭگەيىنەن سايىس ءوتىپ, جەڭىمپازدار رەسپۋبليكالىق بايقاۋعا جولداما الادى. سونداي-اق, اقتاۋ قالالىق اكىمدىگى مەن ماڭعىستاۋ وبلىستىق اسسامبلەيا حاتشىلىعى بىرلەسە جۇرگىزەتىن «ءبىر شاڭىراق استىندا» جوباسى ءوز جالعاسىن تاۋىپ, ەتنو-مادەني بىرلەستىكتەر ءوزارا ونەر جارىستىراتىن بولادى. بۇل جولى قازاقستاندا تۇراتىن ۇلتتاردىڭ تىلىندە ءان شىرقاپ, ولاردىڭ ۇلتتىق اسپاپتارىندا ويناۋدان سىنعا تۇسەدى. ماڭعىستاۋدا تۇركىستان قالاسىنان باستاۋ العان «قحا-20 قايىرىمدى ءىس» اكتسياسىن قولداۋ شارالارى باستالعان. «قازاقستان كورەيلەرى» اسسوتسياتسياسى ماڭعىستاۋ وبلىستىق فيليالى توسەك تارتىپ جاتقان ناۋقاستارعا ءدارى-دارمەك تاراتسا, «رۋسسكوە زەملياچەستۆو» ۇجىمى جۋىردا ارداگەرلەردى قۇتتىقتاپ, ولارعا سىيلىقتار تاپسىرىپ, ماتەريالدىق تۇرعىدا كومەك بەردى. قازاقستان حالقى اسسامبلەياسى ماڭعىستاۋ وبلىستىق حاتشىلىعىنىڭ مەڭگەرۋشىسى گ.يسمۋرزينانىڭ ايتۋىنشا, رەسپۋبليكالىق كولەمدە وتەتىن اسسامبلەيا كافەدرالارىنىڭ بايقاۋىنا جۋىردا عانا اقتاۋداعى كاسپي مەملەكەتتىك تەحنولوگيالىر جانە ينجينيرينگ ۋنيۆەرسيتەتى جانىنان اشىلعان كافەدرادا قاتىساتىن بولادى. گۇلايىم شىنتەمىرقىزى. دەرەك: egemen.kz. سۋرەت: shalkarfm.kz.