2024 جىلدىڭ قورىتىندىسى بويىنشا بانك رەسپۋبليكاداعى جوبالارعا شامامەن 1,4 ملرد دوللار ءبولدى, جالپى العاندا, كەيىنگى 3 جىلدا بانكتىڭ ەلگە سالعان ينۆەستيتسيالار كولەمى 3,6 ملرد دوللاردى قۇرادى. وسىلايشا قازاقستانداعى جوبالار ۇلەسى بانك پورتفەلىندە ماڭىزدى ورنىن ارتتىرا ءتۇستى.
نيكولاي پودگۋزوۆ 2025 جىلى بانك تسيفرلىق تەحنولوگيالار مەن يننوۆاتسيالىق شەشىمدەردى ەنگىزۋگە باسا نازار اۋدارا وتىرىپ, ەنەرگەتيكا, كولىك جانە ونەركاسىپ سالالارىنداعى نەگىزگى ستراتەگيالىق جوبالاردى قارجىلاندىرۋدى جالعاستىرۋعا نيەتتى ەكەنىن اتاپ ءوتتى.
بيىل ەادب قازاقستاننىڭ ورتالىق جانە شىعىس وڭىرىندەگى جەو-نى كەڭەيتۋ جانە جاڭعىرتۋ, پوليەتيلەن وندىرەتىن زاۋىت قۇرىلىسى, قۋاتى 545 مۆت «التىن دالا» كۇن ەلەكتر ستانساسىن سالۋ سياقتى الەۋمەتتىك ماڭىزى بار جوبالارعا ينۆەستيتسيا سالۋدى جوسپارلاپ وتىر.
پرەمەر-مينيستر قازاقستاننىڭ, اسىرەسە ەنەرگەتيكا, ينجەنەرلىك جانە كوممۋنالدىق ينفراقۇرىلىم سالالارىنداعى ىنتىماقتاستىقتى ودان ءارى كەڭەيتۋگە مۇددەلى ەكەنىن اتاپ ءوتتى.
«ەۋرازيالىق دامۋ بانكى – قازاقستاننىڭ ماڭىزدى سەرىكتەسى. وتكەن جىلى ەكونوميكامىزعا تارتىلعان ينۆەستيتسيا كولەمى شامامەن 40%-عا ارتتى. بانكتىڭ قازاقستانداعى نەسيە پورتفەلى جالپى كولەمنىڭ 63,4%-ىنا دەيىن ءوستى. ءبىز بانكپەن ءوزارا ءتيىمدى شارتتاردا ىنتىماقتاستىقتى ودان ءارى كەڭەيتۋگە مۇددەلىمىز. سونداي-اق ءبىز ءوزارا ءىس-قيمىلدىڭ ءداستۇرلى جانە جاڭا باعىتتارىنىڭ الەۋەتىن اشۋعا نيەتتىمىز», دەپ اتاپ ءوتتى و.بەكتەنوۆ.
