كوماندا كاپيتانى ديلناز دوسمۇحامبەتوۆانىڭ ايتۋىنشا, جاڭا جوبا پلاستيككە ەكولوگيالىق بالاما جاساۋ ماقساتىندا ازىرلەنگەن. ولار ءتورت ايدا فيتوقاباتتىڭ قۇرىلىمىن قالىپتاستىرۋعا, گيدروفوبتى قاسيەتتەرىن ارتتىرۋعا, جاعىمسىز ءيسىن جويۋعا قول جەتكىزگەن.
ء«بىز شيكىزات رەتىندە نەگىزىنەن قامىس پەن تسەلليۋلوزانى پايدالانۋدى جوسپارلادىق. الايدا تسەلليۋلوزا – قىمبات ماتەريال. سول سەبەپتەن, ونى الماستىرۋ ءۇشىن بانان مەن اپەلسين قابىعىن قولدانۋدى ءجون كوردىك. قامىس پەن تاماق قالدىقتارىن ۇنتاقتاپ, بەلگىلى ءبىر پروپورتسيادا ارالاستىرۋ ارقىلى فيتوقابات الامىز», دەيدى ديلناز دوسمۇحامبەتوۆا.
اتالعان كوماندانىڭ مۇشەسى دميتري ۋارچەۆتىڭ ايتۋىنا قاراعاندا, فيتوقاباتتى ءارتۇرلى ءونىمدى شىعارۋدا قولدانۋعا بولادى. ەندى ونى بيزنەس-جوبا رەتىندە جۇزەگە اسىرۋ كوزدەلگەن. بىراق بۇل جوبانى ىسكە اسىرۋ ءۇشىن قارجىلىق جانە كونسۋلتاتسيالىق قولداۋ قاجەت.
اتىراۋ وبلىسى
