ەگەر تۇرىپ جاتقان ءۇيىڭىز Home Protect ءپوليسى ارقىلى جەر سىلكىنىسى قاۋپىنەن ساقتاندىرىلىپ تۇرسا, قانداي جاعدايدا جانە قانداي سومادا ساقتاندىرۋ تولەمدەرىن الۋعا بولاتىنى تۋرالى «Freedom Insurance» سك» اق باسقارما توراعاسى ازامات كەرىمباەۆ باياندادى.
«ريحتەر شكالاسى بويىنشا ساقتاندىرۋ جاعدايىنا ماگنيتۋداسى 7,5, ياكي ودان جوعارى جەر سىلكىنىسى سالدارىنان م ۇلىكتىڭ ءب ۇلىنۋى, جوعالۋى نەمەسە تۇگەلدەي قيراۋى جاتادى. ءبىز تولىق قيراتىلدى دەپ, م ۇلىكتى قالپىنا كەلتىرۋ مەن جوندەۋ شىعىندارى پاتەر قۇنىنىڭ 70%-نان اسىپ كەتكەندە ەسەپتەيمىز. دەمەك, بۇل جوندەۋگە, تۇرۋعا ءتىپتى جاراماي قالعان ءۇي. ياعني, پاتەردىڭ 70%-ى قيراسا, ساقتاندىرۋ كومپانياسى تولەم جاسايدى. مىسالى, جەر سىلكىنىسىنەن كەيىن پاتەردىڭ قابىرعاسىندا جارىقشاقتار پايدا بولسا, بۇل ساقتاندىرۋ جاعدايىنا جاتپايدى», دەيدى ساقتاندىرۋشى.
ال Home Protect ءپوليسى بويىنشا جەر سىلكىنىسى قاۋپىنەن ساقتاندىرۋدىڭ ۇقساس باسقا ونىمدەرىنە قاراعاندا, ءۇيدىڭ تولىق قۇنىن وتەيتىنىن ايتا كەتۋ كەرەك. مىسالى, پاتەردىڭ قۇنى 100 ميلليون بولسا, وندا تولەم وسى سوما كولەمىندە بولادى.
ەندىگى جەردە ساقتاندىرۋ سوماسى ونلاين قىزمەتتەر نەگىزىندە اۆتوماتتى تۇردە ەسەپتەلەدى. بۇل ءونىم تەك الماتى قالاسىندا ورنالاسقان پاتەرلەرگە ارنالعان, ويتكەنى وڭتۇستىك مەگاپوليس ەڭ سەيسميكالىق بەلسەندى ايماقتاردىڭ بىرىنە جاتادى. پاتەردى تەك مەنشىك يەسى عانا ساقتاندىرا الادى.
«ەگەر ءسىزدىڭ ءۇيىڭىز يپوتەكاعا الىنعان بولسا, وندا وسى ءپوليستى ساتىپ العان كەزدە سىزگە ونى راسىمدەگەن بانك بەنەفيتسيار بولادى. ياعني, ساقتاندىرۋ جاعدايى تۋىنداعان كەزدە ساقتاندىرۋ تولەمىن وسى بانك الادى. بارلىق دەرلىك كەپىلدىككە قويىلعان ونىمدەرىنىڭ جۇمىس ىستەۋ قاعيداتى وسىنداي – نەسيە العان كەزدە م ۇلىكتى كەپىلدىككە قويساڭىز, كوبىنەسە بانك پايدا كورۋشى, ياعني ساقتاندىرۋ تولەمىن الۋشى بولادى. اتاۋلى ءونىم بويىنشا ساقتاندىرۋ تولەمىن پاتەر يەسى الادى. سوندىقتان, ەگەر پاتەرىڭىز يپوتەكاعا راسىمدەلگەن بولسا, وندا بۇل ماسەلەنى بانكپەن مىندەتتى تۇردە كەلىسىپ العان ءجون», دەيدى ساراپشى.
دەگەنمەن, ساقتاندىرۋدىڭ تاعى ءبىر شارتى: پاتەر 2011 جىلدان كەيىنگى, تەمىربەتون مونوليتتەن سالىنۋى ءتيىس. بۇل ءونىم بويىنشا كومپانيا راسىمدەي الاتىن پوليستەردىڭ سانى شەكتەۋلى كورىنەدى. «الداعى ۋاقىتتا وعان سۇرانىس ارتاتىن بولسا, ءبىز پوليستەر سانىن كوبەيتۋدى قاراستىرامىز», دەيدى مامان.
ءپوليستى ونلاين, كومپانيانىڭ سايتىندا راسىمدەۋگە بولادى – https://ffins.kz/ru/pages/home-protect. ول ءۇشىن جسن دەرەكتەرى عانا قاجەت. ەگەر ءسىزدىڭ اتىڭىزعا بىرنەشە پاتەر تىركەلگەن بولسا, وندا تۇرعىن ءۇي ءتىزىمى ەكرانعا شىعادى دا, ساقتاندىرعىڭىز كەلەتىن پاتەردى تاڭداۋىڭىز كەرەك. ءارى قاراي تۇرعىن ءۇيدىڭ قۇنى انىقتالادى, ول قۇن ساقتاندىرۋشىنىڭ جاۋاپكەرشىلىگىنىڭ ءليميتى بولىپ ەسەپتەلىنەدى. ساقتاندىرۋ سىياقىسىن ەسەپتەۋ تۇرعىن ءۇي قۇنىنا تىكەلەي بايلانىستى. تولەمنەن كەيىن ساقتاندىرۋ سەرتيفيكاتى پوشتاعا جانە سايتتاعى جەكە كابينەتكە كەلەدى.
«وتكەن جىلى الماتىدا بولعان جەر سىلكىنىسىنەن كەيىن نارىقتا ساقتاندىرۋدىڭ وسى تۇرىنە سۇرانىس بار ەكەنىن تۇسىندىك. ءبىز ارەكەت جاساپ, جويقىن جەر سىلكىنىسىنەن تۇرعىن ۇيگە كەلتىرىلگەن شىعىننىڭ ورنىن تولتىرا الاتىن ءونىم ازىرلەدىك», دەيدى ازامات كەرىمباەۆ.
الماتى
