بيىل كوماندا ەلىمىزدە العاشقىلاردىڭ ءبىرى بولىپ لەگيونەرسىز وينايدى. قازىر كوماندا قۇرامىنداعى 25 فۋتبولشىنىڭ التاۋى جاڭادان قوسىلعان ويىنشىلار. ولاردىڭ اراسىندا قازاقستان قۇراماسىنىڭ ويىنشىسى ايبول ابىكەن, ەل چەميوناتىنىڭ 8 دۇركىن جەڭىمپازى, تاجىريبەلى قاقپاشى الەكساندر موكين, قازاقستان جاستار قۇراماسىنىڭ فۋتبولشىلارى رومان بوجكو, نيكيتا گۋبارەۆ, نۇرداۋلەت اعزامباەۆ, جالعاس جاقسىلىقوۆ بار.
وبلىس اكىمىنىڭ ورىنباسارى وڭىردەگى سپورت سالاسىن دامىتۋ باعىتىنداعى جۇمىستاردى اتاپ ءوتتى. ايماقتا زاماناۋي ۇلگىدەگى سپورت كەشەندەرى سالىنىپ, ەل يگىلىگىنە تابىستالىپ كەلەدى. قىزىلوردا قالاسىنىڭ سول جاعالاۋىندا 11 مىڭ ورىندىق جاڭا ستاديوننىڭ قۇرىلىسى ءجۇرىپ جاتىر. وتكەن جىلى قازاقستان فۋتبول فەدەراتسياسىنىڭ «ALAN» باعدارلاماسى اياسىندا ع.مۇراتباەۆ اتىنداعى ستاديوننىڭ قوسالقى الاڭى قايتا جاڭعىرتىلىپ, پايدالانۋعا بەرىلدى.
كەزەكتى ەل بىرىنشىلىگىنە كوماندا تىڭعىلىقتى دايىندالىپ, تۇركيادا ەكى وقۋ-جاتتىعۋ جيىنىن وتكىزدى. «قايسار» قازاقستان چەمپيوناتىنىڭ 1 تۋرىن 2 ناۋرىزدا «جەڭىسپەن» كەزدەسۋدەن باستايدى.
