فوتو: كولىك مينيسترلىگى
جولدىڭ ورتاشا جوندەۋى بىلتىردان باستالىپ, اقمول اۋىلىنان ورازاق اۋىلىنا دەيىنگى 39 شاقىرىمدىق جولدى قامتىعان. بيىل وسى جوندەۋ جۇمىستارىنىڭ العاشقى كەزەڭى اياقتالادى.
«ەندىگى كەزەكتە, بيىل ورازاق اۋىلىنان قورعالجىن قورىعىنا دەيىنگى 110 شاقىرىمدىق جول ۋچاسكەسىندە ورتاشا جوندەۋ جۇمىستارى باستالادى. قورعالجىن اۋىلىنان قورىققا دەيىنگى جول ۋچاسكەسى ەرەكشە نازاردا. وتكەن عاسىردىڭ 60-جىلدارىندا سالىنعان بۇل جول بۇگىندە اسفالتوبەتون جامىلعىسى جوق توپىراق توسەمىنەن تۇرادى. جولدىڭ جاڭارتىلۋى تۋريستىك اعىندى ارتتىرىپ, وڭىردەگى شاعىن جانە ورتا بيزنەستىڭ دامۋىنا وڭ اسەر ەتەدى دەپ كۇتىلەدى», دەلىنگەن حابارلامادا.
ايتا كەتەيىك, جول جوندەۋ جۇمىستارى وبلىسارالىق جانە اۋدانارالىق كۇرە جولداردى اۋقىمدى ورتاشا جوندەۋ اياسىندا جۇزەگە اسىرىلىپ جاتىر. پرەزيدەنت تاپسىرماسىنا سايكەس, جالپى جوندەلەتىن جولداردىڭ كورسەتكىشى 10 مىڭ شاقىرىمعا دەيىن ارتادى. 2025 جىلى 8 مىڭ شاقىرىم رەسپۋبليكالىق ماڭىزى بار جول جوندەلسە, 2026 جىلى 2 مىڭنان استام جول جاڭارتىلماق.
