فوتو: gov.kz
رۇقسات قاۋلىسىن ەۋروپالىق كوميسسيا 21 اقپان كۇنى جاريالاعان. مينيسترلىك وسى باعىتتا ناتيجەگە جەتۋ ۇشىن بالداعى قالدىق زاتتاردى باقىلاۋدىڭ ۇلتتىق جوسپارىن ازىرلەپ, ەنگىزۋ بويىنشا اۋقىمدى جۇمىس جۇرگىزگەن.
ەۋروپالىق كوميسسيا قاۋلىسىنىڭ 2-بابىنا سايكەس, بۇل شەشىم ەۋروپالىق وداقتىڭ رەسمي جۋرنالىندا جاريالانعان كۇننەن باستاپ جيىرما كۇن وتكەن سوڭ كۇشىنە ەنەدى.
ەو كوميسسياسىنىڭ تالاپتارىنا سايكەس, وسى تىزىمگە قوسىلۋ ءۇشىن اۋماقتىق ينسپەكتسيا ءوتىنىشتى ۆەتەريناريالىق باقىلاۋ جانە قاداعالاۋ كوميتەتىنە جولداعان كەزدە مىناداي قۇجاتتاردى ۇسىنۋى قاجەت:
1. كاسىپورىننىڭ ەو-نىڭ يمپورتتىق نورمالارى مەن تالاپتارىنا سايكەستىگىن راستايتىن كوميتەتتىڭ اۋماقتىق ينسپەكتسياسىنىڭ كەپىلدىك حاتى;
2. كاسىپورىنعا جۇرگىزىلگەن ۆەتەريناريالىق باقىلاۋ جانە قاداعالاۋ تەكسەرۋلەرى اكتىلەرى جانە ونىڭ ەو تالاپتارىنا سايكەستىگى تۋرالى قورىتىندى;
3. كاسىپورىندا وندىرىستىك باقىلاۋ جۇيەسى مەن حاسسپ جۇيەسىنىڭ جۇمىس ىستەيتىنىن راستايتىن قۇجاتتار.
4. كاسىپورىن تۋرالى دەرەكتەر كورسەتىلگەن, اعىلشىن جانە ورىس تىلدەرىندە تولتىرىلعان ءتيىستى كەستە.
