وتكەندە عانا كوڭىلىن سۇراپ بارعاندا ساۋ كۇنىندەگىدەي وتكىر ازىلىمەن كۇلدىرىپ وتىر ەدى. ادىلەتتى قازاقستاندا الدىڭعى قاتاردا قازاقستاننىڭ ەڭبەك ەرى اتاعىن العان اسا كورنەكتى جازۋشى-دراماتۋرگ, مەملەكەتتىك سىيلىقتىڭ لاۋرەاتى دۋلات يسابەكوۆ اتى الەمگە ايگىلى قالامگەر ەدى. ۇلىبريتانياداعى لوردتار پالاتاسىندا سويلەگەن سونىمەن بىرگە لوندونداعى ورتالىق كىتاپحاناعا شىعارماسى قويىلعان تۇڭعىش جازۋشىمىز. ۇلىبريتانيادا 2014 جانە 2015 جىلى قاتارىنان دۋلات يسابەكوۆكە ارنالعان اپتالىق ءوتىپ, 2017 جىلدىڭ 1-7 قازان ارالىعىندا لوندون قالاسىندا جازۋشىنىڭ 75 جىلدىق مەرەيتويىنا وراي «قازاق ونەرىنىڭ فەستيۆالى» ۇيىمداستىرىلدى.
ۇلتتىق مۇددەمىزدىڭ قورعانى بولعان دۋلات يسابەكوۆ قاي كەزدە دە اقيقاتتى ايتا ءبىلدى. حالىق ءسوزىن سويلەدى. ەلىمىزدى, جەرىمىزدى, ءتىلىمىزدى, ءدىلىمىزدى
قورعادى.
وتكەندە كوڭىلىن سۇراي بارعاندا, ساۋمال ءىشىپ, باسىن كوتەرىپ, ءتاۋىر بوپ قالعان ەكەن. مەنەن كەيىن كىرگەن بەلگىلى قالامگەرلەر, ءوزى باسقارعان «مادەنيەت» جۋرنالىندا تالاي جىل ورىنباسارى بولعان مىرزان كەنجەباي ءىنىسى مەن نۇرلىبەك سامات ۇلى ۇشەۋمىزگە بۇرىنعىداي قالجىڭداپ, ء«تيىسىپ» وتىردى. «باسقا كەلسە دە, سەن كەلمەيتىن شىعارسىڭ» دەپ ەدىم» دەپ مىرزەكەڭە قالجىڭدادى. ءبارىمىز شۇيىركەلەسىپ اڭگىمەلەسىپ قالعانىمىزدى ءبىر ءىنىمىز سۋرەتكە تۇسىرە قويىپ ەدى, ء«تۇسىپ قالىڭدار, ەرتەڭ ءتىرى كۇنىندە تۇسكەن ەدىك» دەپ جۇرەسىڭدەر» دەپ ءبىر كۇلدىردى. قوشتاسىپ كەتىپ بارا جاتقاندا, «ەرتەڭ «دۋلات يسابەكوۆ قايتىس بولدى» دەگەندى گازەتتەن وقىماي, ءجيى حابارلاسىپ تۇرىڭدار ۇيگە, شولپانعا تەلەفون سوعىپ…» دەدى تاعى دا ءازىل-شىنىن ارالاستىرىپ. بۇل ءفاني دۇنيەدەگى سوڭعى كۇندەر مەن سوڭعى ساعاتتاردىڭ سۋىق سىرتىلى جاقىنداپ كەلە جاتقانىن سەزىپ تۇرسا دا, اجالدىڭ وزىمەن ويناپ وتىرعان قايران ءور رۋحتى, ەر كوكەم-اي دەپ, ىشتەي كۇرسىنىپ تۇرسام دا, ك ۇلىمسىرەپ قوشتاسقان ەدىك. سول سوڭعى كورۋىمىز ەكەن.
اللا الدىنان جارىلقاعاي! قالىڭ قازاققا كوڭىل ايتامىز... وتباسىنا, ۇلى ەستيار باۋىرىمىز بەن قىزدارى شولپان مەن ايمانعا, تۋعان-تۋىستارىنا كوڭىل ايتامىز...
پەيىشتە رۋحى شالقىسىن!
قازىبەك يسا,
ءماجىلىس دەپۋتاتى, اقىن
