سۋرەت: gov.kz
ساران يندۋستريالدى ايماعىنداعى «Silk Road Electronics» جشس الاڭىندا وتكەن ماڭىزدى جيىنعا كوميتەت توراعاسى سۇلتانبەك ماكەجانوۆ باستاعان سەنات دەپۋتاتتارى, ونەركاسىپ جانە قۇرىلىس مينيسترلىگى مەن ۇلتتىق ەكونوميكا مينيسترلىگىنىڭ باسشىلارى, قاراعاندى وبلىسى اكىمدىگى مەن جەرگىلىكتى كاسىپورىننىڭ جەتەكشىلەرى قاتىستى.
القالى باسقوسۋدىڭ بارىسىندا «Saran» يندۋستريالىق ايماعىن دامىتۋدىڭ الداعى جوسپارىن, سالىق ساياساتى, سالىق جەڭىلدىگىنىڭ تيىمدىلىگى تالقىلاندى. سونىمەن قاتار ونەركاسىپ جوبالارىن ىسكە اسىرۋ, بولات قۇبىرلار ءوندىرىسى مەن مەتالل بۇيىمداردى مىرىشتاۋ ءىسى, قايتا وڭدەۋدەگى تيىمدىلىك تۋراسىندا دا پىكىر ورتاعا سالىندى.
بيزنەس وكىلدەرى تاراپىنان ماسەلەلەر دە اشىق ايتىلىپ, ولاردى شەشۋ تەتىكتەرى تالقىلاندى. ارمەن قاراي جيىندا ايتىلعان ۇسىنىس توڭىرەگىندە دە جۇمىستار اتقارىلادى.
سونىمەن قاتار مەيماندار «Tengri Tyres» جانە «Qaztehna» سەرىكتەستەرى سەكىلدى يندۋستريالىق ايماقتىڭ جەتەكشى كاسىپورىندارىندا بولىپ, ءوندىرىس قۋاتىمەن, ونەركاسىپ الەۋەتىمەن تانىستى.
قاراعاندى وبلىسى
