پاۆلودار. 7 اقپان. پاۆلودار وبلىسى ەرتىس اۋدانى اكىمدىگىنىڭ ۇيىمداستىرۋىمەن سەنبى كۇنى اۋدان ورتالىعىنىڭ ۇلكەن-كىشىسى شاڭعى تەبۋە شىقتى. بۇل تۋرالى egemen.kz ءتىلشىسى حابارلادى.
شاڭعىمەن جۇگىرۋدەن وتكەن جارىسقا اۋدان اكىمىنىڭ ورىنباسارى ەرجان راحىمجانوۆ باستاعان ءماسليحات دەپۋتاتتارى, مەملەكەتتىك قىزمەتكەرلەر, ەتنو-مادەني ورتالىقتارىنىڭ مۇشەلەرى, جاستار, اۋداندىق ارداگەرلەر كەڭەسىنىڭ توراعاسى حامزا زەينىشەۆ, زەينەتكەر گ.كوپتەۆا, ماروفونشى سەرىك سەكەرباەۆ ۇلى ايبەكپەن, مۇمكىندىگى شەكتەۋلى جان سۇيىندىك كادەنوۆتەر قاتىستى. شاڭعىشىلار سپورتتىق شەبەرلىكتەرىن ارتتىرۋ ماقساتىندا 550 مەتر قاشىقتىققا جۇگىردى.
سونىمەن قاتار, قىسقى سپورت تۇرلەرىنەن وقۋشىلار سپارتاكياداسى ءوتتى. جارىستىڭ قورىتىندىسى بويىنشا, العاشقى ورىنداردى يۋري بۋتولين, اسىلحان تۇياقوۆ, ايدار قايىرجانوۆ, ديلناز توقباتىر, اناستاسيا شاپوۆالوۆا, رەگينا دۋدنيكتەر جەڭىپ الدى. وقۋشىلار ەندى شانعىمەن سىرعاناۋ فلەش-موب فەستيۆالىنە قاتىسۋعا جولداما الىپتى.
ال ۇلكەندەر اراسىندا شاڭعىمەن جۇگىرۋدە اۋداندىق توتەنشە جاعدايلار ءبولىمىنىڭ قىزمەتكەرى داۋرەن كوزكين مەن قىزىلجار اۋىلىنىڭ تۇرعىنى جاسۇلان تولەشەۆ العاشقىلار بولىپ مارەگە جەتتى. الدىڭعى 1,2,3 ورىن جەڭىمپازدارى جانە «مۇمكىدىگى شەكتەۋلىلەر اراسىنداعى جەڭىمپاز», «ەڭ جاس جۇگىرۋشى», «جاس مولشەرى ەڭ ۇلكەن جۇگىرۋشى», «ۇزدىك تەحنيكاسى ءۇشىن» نوميناتسيالارىنا يە بولعاندارعا ماقتاۋ قاعازدارى مەن سىيلىقتار تابىستالدى.
فاريدا بىقاي.
دەرەك: egemen.kz.
سۋرەت: egemen.kz.
