استانا. 8 اقپان. ايبا-نىڭ WSB (دۇنيەجۇزىلىك بوكس سەرياسى) جوباسى اياسىندا «استانا ارلاندارى» اقش «نوكاۋتشىلارىن» 5:0 ەسەبىمەن تاس-تالقان قىلىپ جەڭدى. بۇل تۋرالى egemen.kz حابارلادى.
قوس كوماندا اراسىنداعى ايقاس قاراعاندى قالاسىندا ءوتتى. وسىعان دەيىن «ارلاندار» ۇيدەگى تارتىستارىن تەك استانا مەن الماتى قالالارىندا عانا وتكىزىپ كەلگەن ەدى. بيىلعى ماۋسىمنان باستاپ كوماندا جەتەكشىلەرى ايماقتارداعى جانكۇيەرلەرىن دە نازاردان تىس قالدىرماي, ءوز شارشى الاڭىنداعى كەيبىر جەكپە-جەكتەرىن وبلىس ورتالىقتارىندا وتكىزۋگە بەل بۋدى. العاش بولىپ مۇنداي مۇمكىندىككە قاراعاندى قالاسى يە بولدى. سونىڭ ناتيجەسىندە, كەنشىلەر قالاسىنا اقش-تىڭ كۇرزى جۇدىرىقتى جىگىتتەرى قوناققا كەلدى.
بۇعان دەيىن ءۇش تارتىس وتكىزگەن «ارلاندار» مەن «نوكاۋتشىلار» بارلىعىندا جەڭىسكە جەتىپ, 9 ۇپايمەن «ۆ» توبىندا كوش باستاپ كەلگەن ەدى. سوندىقتان قاراعاندى قالاسىنداعى سەرىك ساپيەۆ اتىنداعى بوكس ورتالىعىندا وتكەن ايقاس توپتىڭ ناعىز كوشباسشىسىن انىقتايتىن سايىس رەتىندە دە جانكۇيەرلەردىڭ قىزىعۋشىلىعىن تۋدىردى.
ەڭ ءبىرىنشى شارشى الاڭعا 52 كيلو سالماق دارەجەسىندەگى بوكسشىلار كوتەرىلدى. «استانا ارلاندارىنىڭ» باس جاتتىقتىرۋشىسى مارات جاكيەۆ بۇل سىنعا ميراس جاقىپوۆتى دايىنداعان ەكەن. ال ميراستىڭ قارسىلاسى برەنت ۆەنەگاس ەسىمدى بوكسشى. تولىق اتى-ءجونى برەنت ريچارد ۆەنەگاس ءىىى. قوس بوكسشى دا بەس راۋند بويى ايانىپ قالمادى. سوڭىندا قاپتالداعى تورەشىلەر «ارلاننىڭ» باسىمدىعىن تىركەپ, جاقىپوۆ 3:0 (49:46, 49:46, 49:46) ەسەبىمەن جەڭىسكە جەتتى.
كەلەسى كەزەكتە جانكۇيەرلەر الدىنا 60 كيلوداعى ەرجان ءمۇساپىروۆ پەن ماليەك دوننەل مونتگومەري شىقتى. بۇل جەكپە-جەكتە ەرجان 2:1 (48:47, 47:48, 48:47) ەسەبىمەن باسىم ءتۇستى. جاسىراتىنى جوق, تارتىس بارىسىندا ەرجان ايقىن باسىمدىق تانىتا المادى. العاشقى راۋندتاردا شيراق قيمىلداعانىمەن, سوڭعى كەزەڭدەردە تىزگىنگە مونتگومەري يە بولدى. بۇل كورىنىس تورەشىلەردىڭ شەشىمىنەن دە بايقالىپ, قازىلار ءۇش ۇپايدىڭ بىرەۋىن اقش-تان كەلگەن بوكسشىعا ۇستاتتى.
الدىڭعى ەكى كوماندالاسىنىڭ جەڭىستى جولىن «ارلاندار» ساپىنداعى حورۆاتيالىق لەگيونەر حرۆوە سەپ (81 كيلو) جالعاستىردى. ول قارسىلاسى ستيۆ نەلسوندى بەس راۋند بويى سوققىنىڭ استىنا الىپ, اقش-تان كەلگەن بوكسشىعا «ازۋىن باتىردى». ناتيجەسىندە, تورەشىلەر ءبىراۋىزدان حرۆوەنى جەڭىمپاز دەپ تانىپ (3:0 (50:44, 50:45, 48:47)), «ارلاندار» مەرزىمىنەن بۇرىن جەڭىسكە جەتتى.
ءتورتىنشى جۇپتى 69 كيلو سالماق دارەجەسىندەگى اسلانبەك شىمبەرگەنوۆ پەن برايان تسەباللو قۇرادى. اسلانبەك سوڭعى قازاقستان چەمپيوناتىندا توپ جارعان بوكسشى. بۇل ونىڭ WSB جوباسىنداعى بەتاشار جەكپە-جەگى. دەسەك تە, العاشقى ءۇش راۋندتا شيراق قيمىلداپ, تورەشىلەر تاراپىنان وڭ باعا الدى. الايدا, سوڭعى ەكى كەزەڭدە شارشاپ قالعانى سەزىلدى. قارسىلاسىنىڭ بۇل بوساڭدىعىن ۇتىمدى پايدالانعان برايان سوققىلارىن دىتتەگەن جەرلەرگە ءدوپ تيگىزىپ, اسلانبەكتى سۇلاتىپ سالۋعا ۇمتىلدى. دەگەنمەن, ونىڭ بۇل ويى جۇزەگە اسپاي, «ارلانىمىز» 2:1 (48:47, 48:47, 46:48) ەسەبىمەن باسىم ءتۇستى.
سايىس سوڭىندا جانكۇيەرلەر +91 كيلو سالماقتاعى بوكسشىلاردىڭ ايقاسىنا كۋا بولدى. بۇل سالماقتا «ارلاندار» ساپىنان ازىرگە فيليپپ حرگوۆيچ سەنىمدى اقتاپ تۇر. سەرىك ساپيەۆ اتىنداعى بوكس ورتالىعىنا جينالعان جانكۇيەرلەر حرگوۆيچ شارشى لاڭعا كوتەرىلگەندە ناعىز الىپتاردىڭ ايقاسىن كۇتىپ, قيقۋعا باستى. «ارلان» بوكسشى دا جانكۇيەرلەرگە ايىز قاندىرار تاماشا جەكپە-جەك سىيلاپ, قارسىلاسى برەندون گلەنتوندى ەكىنشى راۋندتا-اق تەحنيكالىق نوكاۋتقا جىبەردى.
وسىلايشا «ارلاندار» ماۋسىمداعى ءتورتىنشى جەڭىستەرىنە قول جەتكىزدى. ازىرگە 12 ۇپايمەن «ۆ» توبىندا جەكە-دارا كوش باستاپ تۇر. ءبىزدىڭ جىگىتتەر كەلەسى ايقاستارىن 14 اقپاندا پۋەرتوريكولىق Puerto Rico Hurricanes كومانداسىنا قارسى وتكىزەدى. بۇل تارتىس تا قاراعاندى قالاسىندا وتەدى دەپ جوسپارلانۋدا.
ەلامان قوڭىر.
دەرەك: egemen.kz.
سۋرەت: worldseriesboxing.com.
استانا. 8 اقپان. ايبا-نىڭ WSB (دۇنيەجۇزىلىك بوكس سەرياسى) جوباسى اياسىندا «استانا ارلاندارى» اقش «نوكاۋتشىلارىن» 5:0 ەسەبىمەن تاس-تالقان قىلىپ جەڭدى. بۇل تۋرالى egemen.kz حابارلادى.
قوس كوماندا اراسىنداعى ايقاس قاراعاندى قالاسىندا ءوتتى. وسىعان دەيىن «ارلاندار» ۇيدەگى تارتىستارىن تەك استانا مەن الماتى قالالارىندا عانا وتكىزىپ كەلگەن ەدى. بيىلعى ماۋسىمنان باستاپ كوماندا جەتەكشىلەرى ايماقتارداعى جانكۇيەرلەرىن دە نازاردان تىس قالدىرماي, ءوز شارشى الاڭىنداعى كەيبىر جەكپە-جەكتەرىن وبلىس ورتالىقتارىندا وتكىزۋگە بەل بۋدى. العاش بولىپ مۇنداي مۇمكىندىككە قاراعاندى قالاسى يە بولدى. سونىڭ ناتيجەسىندە, كەنشىلەر قالاسىنا اقش-تىڭ كۇرزى جۇدىرىقتى جىگىتتەرى قوناققا كەلدى.
بۇعان دەيىن ءۇش تارتىس وتكىزگەن «ارلاندار» مەن «نوكاۋتشىلار» بارلىعىندا جەڭىسكە جەتىپ, 9 ۇپايمەن «ۆ» توبىندا كوش باستاپ كەلگەن ەدى. سوندىقتان قاراعاندى قالاسىنداعى سەرىك ساپيەۆ اتىنداعى بوكس ورتالىعىندا وتكەن ايقاس توپتىڭ ناعىز كوشباسشىسىن انىقتايتىن سايىس رەتىندە دە جانكۇيەرلەردىڭ قىزىعۋشىلىعىن تۋدىردى.
ەڭ ءبىرىنشى شارشى الاڭعا 52 كيلو سالماق دارەجەسىندەگى بوكسشىلار كوتەرىلدى. «استانا ارلاندارىنىڭ» باس جاتتىقتىرۋشىسى مارات جاكيەۆ بۇل سىنعا ميراس جاقىپوۆتى دايىنداعان ەكەن. ال ميراستىڭ قارسىلاسى برەنت ۆەنەگاس ەسىمدى بوكسشى. تولىق اتى-ءجونى برەنت ريچارد ۆەنەگاس ءىىى. قوس بوكسشى دا بەس راۋند بويى ايانىپ قالمادى. سوڭىندا قاپتالداعى تورەشىلەر «ارلاننىڭ» باسىمدىعىن تىركەپ, جاقىپوۆ 3:0 (49:46, 49:46, 49:46) ەسەبىمەن جەڭىسكە جەتتى.
كەلەسى كەزەكتە جانكۇيەرلەر الدىنا 60 كيلوداعى ەرجان ءمۇساپىروۆ پەن ماليەك دوننەل مونتگومەري شىقتى. بۇل جەكپە-جەكتە ەرجان 2:1 (48:47, 47:48, 48:47) ەسەبىمەن باسىم ءتۇستى. جاسىراتىنى جوق, تارتىس بارىسىندا ەرجان ايقىن باسىمدىق تانىتا المادى. العاشقى راۋندتاردا شيراق قيمىلداعانىمەن, سوڭعى كەزەڭدەردە تىزگىنگە مونتگومەري يە بولدى. بۇل كورىنىس تورەشىلەردىڭ شەشىمىنەن دە بايقالىپ, قازىلار ءۇش ۇپايدىڭ بىرەۋىن اقش-تان كەلگەن بوكسشىعا ۇستاتتى.
الدىڭعى ەكى كوماندالاسىنىڭ جەڭىستى جولىن «ارلاندار» ساپىنداعى حورۆاتيالىق لەگيونەر حرۆوە سەپ (81 كيلو) جالعاستىردى. ول قارسىلاسى ستيۆ نەلسوندى بەس راۋند بويى سوققىنىڭ استىنا الىپ, اقش-تان كەلگەن بوكسشىعا «ازۋىن باتىردى». ناتيجەسىندە, تورەشىلەر ءبىراۋىزدان حرۆوەنى جەڭىمپاز دەپ تانىپ (3:0 (50:44, 50:45, 48:47)), «ارلاندار» مەرزىمىنەن بۇرىن جەڭىسكە جەتتى.
ءتورتىنشى جۇپتى 69 كيلو سالماق دارەجەسىندەگى اسلانبەك شىمبەرگەنوۆ پەن برايان تسەباللو قۇرادى. اسلانبەك سوڭعى قازاقستان چەمپيوناتىندا توپ جارعان بوكسشى. بۇل ونىڭ WSB جوباسىنداعى بەتاشار جەكپە-جەگى. دەسەك تە, العاشقى ءۇش راۋندتا شيراق قيمىلداپ, تورەشىلەر تاراپىنان وڭ باعا الدى. الايدا, سوڭعى ەكى كەزەڭدە شارشاپ قالعانى سەزىلدى. قارسىلاسىنىڭ بۇل بوساڭدىعىن ۇتىمدى پايدالانعان برايان سوققىلارىن دىتتەگەن جەرلەرگە ءدوپ تيگىزىپ, اسلانبەكتى سۇلاتىپ سالۋعا ۇمتىلدى. دەگەنمەن, ونىڭ بۇل ويى جۇزەگە اسپاي, «ارلانىمىز» 2:1 (48:47, 48:47, 46:48) ەسەبىمەن باسىم ءتۇستى.
سايىس سوڭىندا جانكۇيەرلەر +91 كيلو سالماقتاعى بوكسشىلاردىڭ ايقاسىنا كۋا بولدى. بۇل سالماقتا «ارلاندار» ساپىنان ازىرگە فيليپپ حرگوۆيچ سەنىمدى اقتاپ تۇر. سەرىك ساپيەۆ اتىنداعى بوكس ورتالىعىنا جينالعان جانكۇيەرلەر حرگوۆيچ شارشى لاڭعا كوتەرىلگەندە ناعىز الىپتاردىڭ ايقاسىن كۇتىپ, قيقۋعا باستى. «ارلان» بوكسشى دا جانكۇيەرلەرگە ايىز قاندىرار تاماشا جەكپە-جەك سىيلاپ, قارسىلاسى برەندون گلەنتوندى ەكىنشى راۋندتا-اق تەحنيكالىق نوكاۋتقا جىبەردى.
وسىلايشا «ارلاندار» ماۋسىمداعى ءتورتىنشى جەڭىستەرىنە قول جەتكىزدى. ازىرگە 12 ۇپايمەن «ۆ» توبىندا جەكە-دارا كوش باستاپ تۇر. ءبىزدىڭ جىگىتتەر كەلەسى ايقاستارىن 14 اقپاندا پۋەرتوريكولىق Puerto Rico Hurricanes كومانداسىنا قارسى وتكىزەدى. بۇل تارتىس تا قاراعاندى قالاسىندا وتەدى دەپ جوسپارلانۋدا.
ەلامان قوڭىر.
دەرەك: egemen.kz.
سۋرەت: worldseriesboxing.com.
