ۇلىتاۋ وبلىسى جەكە وبلىس بولعاندىقتان جولاۋشىلار تاسىمالىنا سۋبسيديا بەرۋ رەسپۋبليكالىق بيۋدجەتتەن قاراستىرىلادى. بىلتىر ۇلىتاۋ وبلىسىنىڭ جولاۋشىلار كولىگى جانە اۆتوموبيل جولدارى باسقارماسى قازاقستان رەسپۋبليكاسى كولىك مينيسترلىگىنىڭ اۆتوموبيل جولدارى كوميتەتىنە ەكى وبلىسقا جولاۋشىلار تاسيتىن اۆتوبۋستى قايتادان ىسكە قوسۋ جونىندە ۇسىنىسپەن شىققان. كولىك مينيسترلىگى «قاراجات كەلەسى جىلعا قاراستىرىلادى» دەپ جاۋاپ بەردى.
بيىل سۋبسيديا قاراستىرىلىپ, ەكى وبلىستىڭ بىرەۋىنە ياعني ءىرى وبلىس قاراعاندىعا رۇقسات بەرىلدى.
«وتكەن جۇمادا قاراعاندى وبلىسىنان جاۋاپتى تۇلعالار «قاراعاندى – جەزقازعان» باعىتىندا جولاۋشىلار تاسىمالدايتىن مارشرۋتتى شىعارۋدى قولعا الىپ جاتقانىن ايتىپ, ىسكە قوسۋ ءۇشىن كەلىسىم-شارت جاساۋعا ۇسىنىس جاسادى. ءبىز كەلىسىم حات جازىپ بەردىك. ەندى №3 قاراعاندى اۆتوپاركى بۇرىنعى مارشرۋتتى قايتادان جالعاستىرادى. قاي ايدان باستاپ جۇرەتىنى ازىرگە بەلگىسىز» دەدى ۇلىتاۋ وبلىسىنىڭ جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى ەرلان ءتۇسىپوۆ.
