قوستاناي. 9 اقپان. قوستانايدا بەلگىلى قىلقالام شەبەرى گەورگي سوكوۆتىڭ جەكە كورمەسى اشىلدى. وندا سۋرەتشىنىڭ گارفيكالىق جانرداعى 35 ەڭبەگى قويىلدى. بۇل تۋرالى egemen.kz ءتىلشىسى حابارلادى.
گرافيكالىق جانردا بولعانىمەن ارالاس تەحنيكامەن سالىنعان كارتينالار سۋرەتشىنىڭ شەبەرلىگىن عانا پاش ەتىپ قويمايدى, كورەرمەنىن ويعا جەتەلەيدى. گەورگي ميحايلوۆيچ بۇل جولى الەمدىك مادەنيەتتىڭ اسىل قازىناسى بولىپ تابىلاتىن ايگىلى ەسىمدەردىڭ سەريالىق گالەرەياسىن جاساعان. ولاردىڭ ءومىر سۇرگەن كەزەڭى دە ءارتۇرلى. حV عاسىرداعى ميكەلاندجەلو بۋوناروتتيدەن باستاپ, فرانسيسكو گويا, وگيۋست رودەن, پاۆەل فيلونوۆ, دجوۆانني لورەنتسو بەرنيني, فرانتس كافكا, دانتە اليگەري, فەدەريكو گارسيا لوركا, سالۆادور دالي, يان ۆەرمەەر, يگور ستراۆينسكي, ميگەل سەرۆانتەس, پيتەر رۋبەنس, الەكساندر بلوك, پابلو پيكاسسو, دانتە جانە گابريەل گارسيا ماركەسا پەن يوسيفا برودسكي سەكىلدى بۇگىنگى زامانداستارىمىزعا دەيىن كورەرمەننىڭ كوز الدىنان وتەدى. ولارعا ورتاق نارسە – ۇلىلىق.
گ.سوكوۆ بۇل سەريالىق جۇمىسىن 2008 جىلى باستاعان بولاتىن. ونىڭ ءبىرازىن جۇرتشىلىق سۋرەتشىنىڭ وسىعان دەيىنگى كورمەلەرىندە قاراعان ەدى. سۋرەتشى ونى تولىقتىرىپ, كورەرمەن نازارىنا قايتا ۇسىنىپتى.
وبلىستىق كوركەمسۋرەت گالەرەياسىنىڭ ۇيىمداستىرۋشى مامانى نازگۇل احمەتوۆا: «سوكوۆ شىعارمالارى ارقىلى الەمدىك مادەنيەتتەگى ۇلى ەسىمدەردى جاڭعىرتقانداي بولادى. ول ءار كارتيناسىندا ۇلى جازۋشىنىڭ, كومپوزيتوردىڭ نەمەسە فيلوسوفتىڭ جەكە پورترەتىن بەرمەيدى, ولاردىڭ شىعارمالارىن دا ارقاۋ ەتەدى. سوكوۆ سەريالىق جۇمىستارىنىڭ ەرەكشەلىگى دە وسى, ءار شىعارماسى تەرەڭ ويعا جەتەلەيدى», دەدى.
سۋرەتشى گەوگري سوكوۆ: «ماعان سەريالىق جۇمىس ىستەۋ ۇنايدى. ويتكەنى, ونى مەن كەز كەلگەن ۋاقىتتا جالعاستىرامىن, كەز كەلگەن ۋاقىتتا توقتاتىپ قويامىن. بۇل جۇمىستى جالعاستىرۋىما وقىعان شىعارمالار, كۇندەلىكتى تىرشىلىكتەگى كەلگەن ويلار تۇرتكى بولادى. مىسالى, ماركەستىڭ «مىڭ جىلدىق جالعىزدىق» كىتابىن قايتا وقىپ شىققاندا, كوز الدىما ءبىر شىعارمانىڭ جەلىسى كەلدى», دەدى.
گ.سوكوۆ 1969 جىلى الماتى كوركەمسۋرەت ۋچيليششەسىن بىتىرگەن بولاتىن. ول قازاقستان سۋرەتشىلەر وداعىنىڭ مۇشەسى, سونىمەن قاتار ۋاقىىتندا كسرو سۋرەتشىلەر وداعىنىڭ دا مۇشەسى بولدى. 90-شى جىلدارى مونۋمەنتالدىق سيپاتتا بىرقاتار جۇمىستار جاساپ, ول «قازاقستاننىڭ مونۋمەنتالدىق ونەرى» اتتى البومعا ەندى. 1996 جىلى قازاق مادەنيەت قورىقوستاناي فيليالىنىڭ توراعاسى بولدى. ولار جيناعان قازاقستان, الىس-جاقىن شەتەلدەر سۋرەتشىلەرىنىڭ شىعارمالارىنىڭ سانى 2000-عا جەتەدى. گەوروگي سوكوۆتىڭ ءوزىنىڭ جەكە كورمەسى جىل سايىن قوستانايدا وتەدى, سونىمەن قاتار ءار جىلدارى الماتىدا, پولشادا, ترويتسكىدە, ۋليانوۆسكىدە, رۋدنىيدا ءوتتى. ونىڭ شىعارمالارى ا.قاستەەۆ اتىنداعى جانە ەلىمىزدەگى, ودان سىرت جەرلەردەگى كوپتەگەن مۋزەيلەرگە قويىلعان.
ءنازيرا جارىمبەتوۆا.
دەرەك, سۋرەت: egemen.kz.
قوستاناي. 9 اقپان. قوستانايدا بەلگىلى قىلقالام شەبەرى گەورگي سوكوۆتىڭ جەكە كورمەسى اشىلدى. وندا سۋرەتشىنىڭ گارفيكالىق جانرداعى 35 ەڭبەگى قويىلدى. بۇل تۋرالى egemen.kz ءتىلشىسى حابارلادى.
گرافيكالىق جانردا بولعانىمەن ارالاس تەحنيكامەن سالىنعان كارتينالار سۋرەتشىنىڭ شەبەرلىگىن عانا پاش ەتىپ قويمايدى, كورەرمەنىن ويعا جەتەلەيدى. گەورگي ميحايلوۆيچ بۇل جولى الەمدىك مادەنيەتتىڭ اسىل قازىناسى بولىپ تابىلاتىن ايگىلى ەسىمدەردىڭ سەريالىق گالەرەياسىن جاساعان. ولاردىڭ ءومىر سۇرگەن كەزەڭى دە ءارتۇرلى. حV عاسىرداعى ميكەلاندجەلو بۋوناروتتيدەن باستاپ, فرانسيسكو گويا, وگيۋست رودەن, پاۆەل فيلونوۆ, دجوۆانني لورەنتسو بەرنيني, فرانتس كافكا, دانتە اليگەري, فەدەريكو گارسيا لوركا, سالۆادور دالي, يان ۆەرمەەر, يگور ستراۆينسكي, ميگەل سەرۆانتەس, پيتەر رۋبەنس, الەكساندر بلوك, پابلو پيكاسسو, دانتە جانە گابريەل گارسيا ماركەسا پەن يوسيفا برودسكي سەكىلدى بۇگىنگى زامانداستارىمىزعا دەيىن كورەرمەننىڭ كوز الدىنان وتەدى. ولارعا ورتاق نارسە – ۇلىلىق.
گ.سوكوۆ بۇل سەريالىق جۇمىسىن 2008 جىلى باستاعان بولاتىن. ونىڭ ءبىرازىن جۇرتشىلىق سۋرەتشىنىڭ وسىعان دەيىنگى كورمەلەرىندە قاراعان ەدى. سۋرەتشى ونى تولىقتىرىپ, كورەرمەن نازارىنا قايتا ۇسىنىپتى.
وبلىستىق كوركەمسۋرەت گالەرەياسىنىڭ ۇيىمداستىرۋشى مامانى نازگۇل احمەتوۆا: «سوكوۆ شىعارمالارى ارقىلى الەمدىك مادەنيەتتەگى ۇلى ەسىمدەردى جاڭعىرتقانداي بولادى. ول ءار كارتيناسىندا ۇلى جازۋشىنىڭ, كومپوزيتوردىڭ نەمەسە فيلوسوفتىڭ جەكە پورترەتىن بەرمەيدى, ولاردىڭ شىعارمالارىن دا ارقاۋ ەتەدى. سوكوۆ سەريالىق جۇمىستارىنىڭ ەرەكشەلىگى دە وسى, ءار شىعارماسى تەرەڭ ويعا جەتەلەيدى», دەدى.
سۋرەتشى گەوگري سوكوۆ: «ماعان سەريالىق جۇمىس ىستەۋ ۇنايدى. ويتكەنى, ونى مەن كەز كەلگەن ۋاقىتتا جالعاستىرامىن, كەز كەلگەن ۋاقىتتا توقتاتىپ قويامىن. بۇل جۇمىستى جالعاستىرۋىما وقىعان شىعارمالار, كۇندەلىكتى تىرشىلىكتەگى كەلگەن ويلار تۇرتكى بولادى. مىسالى, ماركەستىڭ «مىڭ جىلدىق جالعىزدىق» كىتابىن قايتا وقىپ شىققاندا, كوز الدىما ءبىر شىعارمانىڭ جەلىسى كەلدى», دەدى.
گ.سوكوۆ 1969 جىلى الماتى كوركەمسۋرەت ۋچيليششەسىن بىتىرگەن بولاتىن. ول قازاقستان سۋرەتشىلەر وداعىنىڭ مۇشەسى, سونىمەن قاتار ۋاقىىتندا كسرو سۋرەتشىلەر وداعىنىڭ دا مۇشەسى بولدى. 90-شى جىلدارى مونۋمەنتالدىق سيپاتتا بىرقاتار جۇمىستار جاساپ, ول «قازاقستاننىڭ مونۋمەنتالدىق ونەرى» اتتى البومعا ەندى. 1996 جىلى قازاق مادەنيەت قورىقوستاناي فيليالىنىڭ توراعاسى بولدى. ولار جيناعان قازاقستان, الىس-جاقىن شەتەلدەر سۋرەتشىلەرىنىڭ شىعارمالارىنىڭ سانى 2000-عا جەتەدى. گەوروگي سوكوۆتىڭ ءوزىنىڭ جەكە كورمەسى جىل سايىن قوستانايدا وتەدى, سونىمەن قاتار ءار جىلدارى الماتىدا, پولشادا, ترويتسكىدە, ۋليانوۆسكىدە, رۋدنىيدا ءوتتى. ونىڭ شىعارمالارى ا.قاستەەۆ اتىنداعى جانە ەلىمىزدەگى, ودان سىرت جەرلەردەگى كوپتەگەن مۋزەيلەرگە قويىلعان.
ءنازيرا جارىمبەتوۆا.
دەرەك, سۋرەت: egemen.kz.
