قىزىلاعاشقا ون ءۇي قوسىلدى

سۋ تاسقىنىنان زارداپ شەككەن قىزىلاعاش, ەگىنسۋ, كولتابان ەلدى مەكەندەرىن قالپىنا كەل­تىرۋ جۇمىستارىنىڭ تياناعىن كەلتىرۋ اياقتالۋعا جاقىنداپ, تۇرعىندار وزدەرىنە كورسەتىلگەن قامقورلىققا العىستارىن ايتۋدا. ەلباسىنىڭ ءتى­كە­لەي تاپسىرماسىمەن بارشا جۇرشىلىق جۇدى­رىق­تاي جۇمىلىپ, ءۇش ايدىڭ ىشىندە اۋىلدى ءتۇ­لە­تىپ, جاڭا قىزىلاعاشتىڭ كوركىنە كورىك قو­سى­لىپ, ساۋلەتتەنە ءتۇستى. ءساۋىر ايىندا قىزىل­اعاشقا ارنايى كەلگەن پفح “ۆN-ءىNVEST” كوم­پا­نياسىنىڭ پرەزيدەنتى بولات نازارباەۆ جا­بىرقاعان جۇرشىلىقپەن جۇزدەسىپ,  20 وتباسىنا ءۇي سالىپ بەرەتىن بولىپ ۋادە ەتكەن ەدى.  كەشە اۋىلدىڭ باتىسىنداعى جىبەك جولى كوشەسىندەگى 10 وتباسى  مەن اسار كوشەسىندەگى 10 وتباسى جاڭا ۇيلەرگە قونىستانىپ, قۋانىشتى ءساتتىڭ كۋاسى بولدى. قىزىلاعاشقا كەلگەن كومپانيا پرەزيدەنتى بو­لات نازارباەۆ جاڭا ۇيلەرگە قونىستانا­تىن­داردى قۇتتىقتاپ, ىزگى تىلەگىن ءبىلدىردى: ­–  قىزىلاعاش اۋىلىن قالپىنا كەلتىرۋ بارى­سىندا بىرلىك بولعان جەردە بارلىق قيىن­دىقتى جەڭۋگە بولاتىنىنا كوز جەتتى. وسى  وراي­دا سىزدەرگە قولۇشىن بەرۋ ماقساتىمەن  قۇرىلىس جۇمىستارىن باستاعان ەدىك. بۇگىن كىلتى تاپ­سى­رى­لاتىن ۇيلەر  – كومپانيانىڭ سىزدەرگە جاساعان سىيى. جۇمىستىڭ باسى-قاسىندا بولىپ, قۇرى­لىس­تىڭ تياناعىن كەلتىرگەن ورىنباسارىم گەن­نادي الەكسەەۆيچ پەن بارلىق ساۋلەتشىلەردىڭ ەڭ­­بەگىن اتاپ ايتۋعا بولادى. كەڭ, جارىق  باس­پانا قۇت-بەرەكە, باقىت سىيلاسىن.  وسى شاڭىراقتا  ءوسىپ-ونىڭىزدەر. ەندى جا­ڭارعان اۋىلدا مۇنداي قيىندىق بول­ماسىن, – دەدى. بۇدان سوڭ وبلىس اكىمىنىڭ ءبىرىنشى ورىن­باسارى اماندىق باتالوۆ ماۋسىم ايى­نىڭ سوڭىندا ەلدى مەكەن تۇرعىندارى تو­لىقتاي جاڭا باسپاناعا يە بولاتىنىن جەتكىزدى. قىزىلاعاشتىقتار مۇنداي قامقورلىققا ريزا بولسا, زەينەتكەر راحىمجانوۆ ءوزىنىڭ نيەتىن بى­لاي­شا ءوربىتتى. العاش قيىندىق باسقا تۇسكەندە نە ىستەرىمىزدى بىلمەدىك. سول  جاعدايدى  تۇر­عىن­داردىڭ ءبارى باستان كەشىرسە, قازىر كوڭىلدەگى  كۇ­دىك­تەن  ارىلدىق. جانىمىزعا جىلىلىق ۇيالادى. حا­لقىن قيىندىققا قالدىرماعان ەلباسى نۇر­سۇلتان نازارباەۆقا العىسىمىز شەكسىز. از عانا ۋاقىت بۇرىن بولات نازارباەۆ باسپانا سالىپ بەرەمىن دەپ ۋادە ەتسە, قۇرىلىسشىلار ءۇش اۋىسىمدا جۇمىس ىستەدى. سونىڭ ناتيجەسىن بۇگىن كورىپ تۇرمىز, دەپ اعىنان جارىلدى. جىبەك جولى كوشەسىندەگى №1 ءۇيدىڭ يەسى سالتانات رابيعاليەۆا دا انالىق العىسىن ايتتى. اۋىلدىق اقساقالدار كەڭەسىنىڭ توراعاسى نۇربەك قاسىمبەكوۆ باتا بەرىپ, ەل بىرلىگىنىڭ ارقاسىندا قيىندىقتى جەڭىپ, بۇگىنگى جاقسىلىققا قول جەتكىزىلگەنىنە توقتالدى. اق تىلەكتەردەن سوڭ جاڭا ءۇيدىڭ كىلتىن العان­دار­مەن بىرگە كوپشىلىك جاڭادان بەرىلگەن بىرنەشە ۇيگە كىرىپ, داستارقاننان ءدام تاتىپ, ءار شاڭى­راق­قا قۇت-بەرەكە تىلەدى. جاڭا ۇيلەر ءاسۇي جيھا­زى, گاز, تاعى باسقا قاجەتتىلىكتەرمەن جابدىق­تالىپتى. قاز-قاتار ءتىزىلىپ, اۋىلدىڭ كوركىن اشقان جا­ڭا باسپانالاردىڭ سىرتقى كەلبەتى مەن ىشكى جو­باسى تۇرمىسقا قولايلى. ءار ۇيگە سۋ جانە ەلەكتر جەلىسى تارتىلىپ, بارلىق جاعداي جاسالىپتى. كۇمىسجان بايجان, الماتى وبلىسى.